1 येशुय आउ पार पाङ हैलेदे खेम्सीउ छिन्ङ याय या चेलारलाई हैयालेओ, 2 जेरलाई था लीज्या, की नेहे छा छिन्ङ निस्तार-चाड हुज्या, र मीलो जा क्रुशल रङगैसीन्यलो लागित योसीन्या ले ।” 3 नो छिन्ङ कैयाफा मीन दोसीउ प्रधान पुजाहरीलो दरबारल मुख्य पुजाहारीर तथा मीराई सदसरे त साथ भेला ताकेर । 4 नोर मीलीदे येशुलाई षड्यन्त्र सका क्योन्या र यालाई सैन्या योजना जैकेर । 5 कतान्याकी नोरय यैजैदे हेयालीज्याउ, “‘चाडलो बेलाल भन्या माहङक, ताकी मीराई खार्ल खैलाबैला तामच्चीक ।” 6 होकाई जब बेथानीयाल सीमोन हैलेन्या त जना कुष्त रोगीलो झीमल यालेउ । 7 यार तोबो तेबुलल आदेश लगैदे या चुसीउ बेलल चाओ बहुमुल्या थीलो सीङ्गमर मरलो तोबो सिसि गुर्सीउ तोबो मेमा या लेउङ हुकेर, र होय नोलाई यालो ङईल खनैदे ओयओ । 8 तर जब याय चेलारय आउ रहङकेर, नोर रिसीदे हैलेकेर, “यैजैदे नोकसानी दोन्यालो कारण कता हो ? 9 आउलाई घेओ सोरल यन्या ओ धुसीज्याउ, र गरिबरलाई योन्या ओ धुसीज्याउ ।” 10 तर येशुय आउ सन्दे नोरलाई हैलेकेर, जेरय आउ मेमालाई कतान्या दुख जेयोज्या ? कतान्याकी आउय ङा लागीत असाध्यज चाओ हेन दोदे लीज्यार ? 11 के जेर सका सदाज तान्या लेर, तर ङा जेर सका सदाज रहीन्या ङामाले । 12 कतान्याकी जब आउ मेमाय आआउ थी ङा क्याङ तरल ओ खनयो । आउय ङा दफनलो लागीत आउ ओदोओ । 13 साँचोज ङा जेरलाई हैङाले, आउ सुसमाचार संसारलो पार पोल प्रचार दोसीकाई, आउ मेमाय जो दोदे लीज्यार, नोलो सम्झनाल आउ चर्चा दोसीनया ले ।” 14 नो छिन्ङ बाह्र मध्येलो तोबो जोलो मीन यहुदा ईस्करियोत, ओलेउ, हो मुख्य पुजाहारीर लेउङ ओबाओ, 15 र हैओलेओ, “यालाई जेर लेउङ क्योओ परिङन्या लागीत तीस चाँदीला सीक्का छुतैदे योकेर । 16 नो बेला लेउङई यालाई नोराई कुईल क्योओ परिङन्या लागीत होय मौका ओ खीमो । 17 आबो अखमेरी भरेलो चाडलो ङाहादे छाल चेलार येशु लेउङ हुदे हैओलेओ गेय जेलो लागीत निस्तार-चाडलो भोज कताङ तयार जैसीउ जेय जे चाहीज्याउ ?” 18 याय हैयालेओ, “सहरल त जना मि लेउङ बाच्यो र होलाई हैलेच्यो, गुरुय हैलीज्यार, ङा समय छेउलज हुदे ले । ङा जेय झीमल चेलार सका निस्तार- चाड महीना ङा चाहीज्या ।” 19 येशुय जीतानो निर्देशन योदे यालेउ, चेलारय नतानोज दोकेर, र होरय निस्तर चाडलो लागीत तयार जैकेर । 20 जब ओदेक ओ परिउ, यार या बाह्र जना चेलार सका ज्याउ ज्यान्या लाहीत या चुसीउ । 21 जब चेलार सका याय ज्याउज्याउ ज्योज्याउ, याय हैयालेओ, “साँचोज ङा जेरलाई हैङालेय, की जेरय मध्ये त जनाय ङालाई धोका योन्या ले ।” 22 नोर पार ध्या दुखीत ताकेर, र हरेकय यालाई यैलेदे गीनो लागीकेर, “प्रभु, ङाके पक्का माहाङ सै ?” 23 याय जवाफ यायओ, “जोय ङा सका बोलोङज आउ खुरील कुई डुबैज्या, होयज ङालाई धोका योन्या ले । 24 मीलो जा नो अनुसार ज बान्या लेय, जैलेदे याय बारेल सर्सीउ ले । तर धीक्कार नो मीलाई जोलो कारण मीलो जालाई धोका ताय ! नो मी के मा जर्मीसीउ ताकीन नोलो लागीत चाओ तान्या ओलेउ ।” 25 यहुदा जोय यालाई धोका ताय ! नो मी के मा जर्मीसीउ ताकीन नोलो लागीत चाओ तान्या ओलेउ ।” 26 या सन चेलारय ज्याउ याच्ज्योयोज्याउ बेलाल येशुय भरे लाङदे धन्यावाद यायओ र नो या क्याहाओ । याय नो चेलारलाई यायओ र हैयालेओ, “लाङच्यो आउ ज्योच्यो । आउ ङा क्याङ हो ।” 27 याय खुरी या लाङो र धन्यावाद यायओ, होकाई नो होरलाई यायओ, र हैयालेओ, “जेर पारय आउलाई ओँओच्यो । 28 कतान्याकी आउ कारणल ओताओ ङामी झी हो जो भ्याराओ पापलो क्षेमादानलो लागीत हैलेसीउ लीज्या । 29 तर ङा जेरलाई हैलेदे ङाले, ङा आउ बोटलो ओ सहीङाई आबो फरी ओँहोन्या जेमालेय, जब सम्म ङा बाबुलो राज्यल ङा जेर सका नयाँ जैदे ङामा ओँहोय ।” 30 यार पारय भजन गैदे खेम्सीद छिन्ङ यार जैतुन डाँडा लेउदे याबाओ । 31 नो छिन्ङ येशुय नोरलाई हैयालेओ, “आछिम रिल ङालो लागीत जेर पार छिन्दे हतीन्या जेले, कतान्याकी यैजैदे सर्सीउ ले, ‘ङा ग्वालालाई पोहो ङाले र बथानला पार भेडा तितर-बितर तान्या लेर ।’ 32 तर ङा छेन्सीउ ङा जेर भन्दा ङाहादे गालीलल बान्या ङाले । 33 तर पत्रुसय यालाई हैलेकेर, “जेय कारणय पार जना छिन्दे बादे पनि ङा खर्कज छिन्दे बन्या ङामाले ।” 34 येशुय होलाई हैयालेओ, साँचोज ङा जेलाई हैङालेय, “आछिम रिल भाल्या कोन्या ङाहादे सोङ पाला जेय ङालाई सोङ पाला इन्कार दोन्या जेले ।” 35 पत्रुसय यालाई हैयालेओ, “ङा जे सका सीन्या ताकीन पनि ङा जेलाई इन्कार दोन्या ङामाले ।” होकाई अबुर चेलारय पनि नैज हैलेकेर । 36 नो छिन्ङ येशु नोर सका गेतसमनी हैलेन्या पोर बाकेर र या चेलारलाई हैलेकेर, “ङा जामा होदे बादे प्रार्थना ङादोय, तर जेर चाही आङ चुसीच्यो ।” 37 याय पत्रुस सन जब्दीयाला नेहेबोलो जारलाई या सका लाङदे याबाओ, र व्याकुल तान्या लागीकेर । 38 नो छिन्ङ याय नोरलाई हैयालेओ, “ङालो आत्मा भ्या सोकय भरिदे मरेतुल्य तादे लेय । आङज चुसीच्यो र ङा सका जागा रहीच्यो ।” 39 या जामा होदे बाकेर, या घुँडा टेकीदे घोप्टो ताकेर त प्रार्थना दोकेर । याय हैलेकेर, “हे ङा बाबु, सम्भव ताकीन, आउ खुरी ङालेउङाई गबाक । तर, ङा इच्छाय माहङक, जेय इच्छा अनुसार गताक ।” 40 यार चेलार लेङ याहुओ र नोरलाई अस्यओज दैकेर, र याय पत्रुसलाई हैयालेओ, “कता जेर ङा सका त घण्टालो लागी पनि जागाज रहीन्या जेमाधुओ ? 41 बिउतोज रहिच्यो र परिक्षाल मा परिन्यालो लागीत प्रार्थना दोच्यो युङ के तयार लीज्या, तर क्याङ भन्या कम्जोर लीज्या ।” 42 या छुत्तो पाला पनि होदे याबाओ र प्रार्थना यादोओ, र हैयालेओ, “हे ङा बाबु, यदी ङाय आउ मा ओँहोदे माताय भन्यस, जेलो इच्छा गताक ।” 43 यार फरी हुकेर र नोरलाई अस्याओज यादयो, कतान्या की नोराई मीलुङलो लैदे ओलेउ । 44 नो छिन्ङ याय नोरलाई फरी राहाकेर र जेमा होदे बाकेर । याय सोङ पाला प्रार्थना यादोओ र नोज वचन या दोहोरयो । 45 नो छिन्ङ येशु चेलार लेउङ याहुओ र नोरलाई हैयालेओ, “कता जेर अझ पनि अस्यादेज जे लीज्या र आराम जेदोज्या ? रहङच्यो, नो समय ओ हुज्या, र मीराई जालाई पापीराई कुइल धोका योन्या योज्यार । 46 सोदे, चुसीच्यो गेर गेबाके । रहङच्यो ङालाई धोका योन्या चाहओ ङा छेउलज लीज्या ।” 47 जब याय या पाङज्याउ, बाह्र जना मध्ये तोबो यहुदा ओहुओ मुख्य पुजाहारीर सन मीराईला एल्डरलो तोबो घेओ भीड होसका ओहुओ । नोर झुई सन तरबारलर घुर्दे हुकेर । 48 आबो जो मीय येशुलाई धोका ओ योज्याउ, नोय होरलाई इतानो हैलेदे इसारा योदे ओलेउ, जोलाई ङा म्वाई ङा ज्योय, होज हो । होलाईज क्योच्यो ।” 49 होपाईनाज नो येशु लेउङ ओहुओ र हैयालेओ, “रब्बी, जेरेउ !” होकाई होय यालाई म्वाई ओजेओ । 50 येशुय होलाई हैयालेओ, “मित्र, जेय जो दोन्या हुदे जेले नो दोचीके । नो छिन्ङ नोर हुकेर, र येशुलाई क्योदे लाङकेर । 51 येशु सका लेउर मध्ये त जनाय ओ कुई ओसोचयो: ओ तरवार ओहायो, र मुख्य पुजाहारीलो तोबो नौकरलाई ओ पलो, होकाई होलोना पल्दे ओयओ । 52 नो छिन्ङ येशुय होलाई हैयालेओ, “जे तरवारल नैच्यो, कतान्याकी जोजोय तरवारल सोचैर नोर तरवारल लेउङाईज नास जैसीन्या लेर । 53 कता जेर विचार जे दोज्या, की ङाय ङा बाबुलाई पुकारीन्या ङामा धुयदा ? कता याय ङालो लागीत स्वर्गदुतरला बाह्र पल्तन मा परिङर दा ? 54 तर इतानो तान्या ताय हैलेदे धर्मशास्त्रय हैलेसीउ कैजैदे पुरा तान्या ओलेउके ?” 55 नो बेला येशुय भीडलाई हैयालेओ, कता जेर तरवारल सन झुईर रैदे कुन्यालाई मीतानो ङालाई क्योन्या हुदे जे लीज्या ? ङा सदाज मन्दीरल पैदेज ङा चुसीज्याउ, होकाई जेरय ङालाई जेमा क्योओ । 56 तर आउ पार पाङ ओताओ, ताकी अगमक्तारय सर्सीउ पाङ पुरा तान्या गताक ।” नो छिन्ङ पार चेलारय यालाई राहादे धोङकेर । 57 जोय येशुलाई क्योदे ओ नैज्याउ नोरय यालाई प्रधान पुजाहारी कैयाफा लउङ लाङकेर, जोङ शास्त्रीर सन एल्डरर त साथ भेला तादे यालेउ । 58 तर पत्रुसय प्रधान पुजाहारीलो खला सम्म यालाई टाढाङाईज ओ पछयो । हो पनि भित्ररल ओबाओ र परिणाम कीतानो तान्या ले हैलेदे रहङन्या पाल्यार सका चुसीकेर । 59 आबो मुख्य पुजाहारीर सन पार भेलाय येशुलाई सैण्याज हैलेदे याय विरोधल धुतैदे साक्षी या खीम्ज्याउ । 60 भ्या धुतैन्या साक्षी ङाहाक हुकेर तर पनि होरय कताज प्रमाण मादैकेर । तर छिन्ङ नेहेबोलो ङादे हुकेर, 61 र हैलेकेर, “आउ मीय इतानो हैओलेओ, ङय परमेश्वरलो मन्दीरलाई भत्कैदे आउलाई सोङ छाल पुरा जैन्या ङा धुय हैलेदेय ।” 62 प्रधान पुजाहारी च्यसीदे यालाई ओलेओ, कता जेसका कताज उत्तर मालेे ? आउ मीरय जेय विपक्षल योसीउ साक्षी कता हो । 63 तर येशु यामा पाङो । प्रधान पुजाहारीय यालाई हैओलेओ, “जीउदो परमेश्वरलो मीनल ङा जेलाई आज्ञा ङा दोय, गेलाई हैलेच्यो की कता जे ख्रीष्ट अथवा परमेश्वरलो जा जे हो ?” 64 येशुय नोलाई हैयालेओ, “नो जेय जेज हैजेलीज्या । तर ङा जेलाई हैङालेय की आबोङाई छिन्ङ जेय मीलो जालाई सर्वशक्तीमानलो दाहीन्या कुइ लेउदे या नैज्याउ सन स्वर्गलो बादलर तरङ याहुज्याउ रहङन्या जेले ।” 65 नो छिन्ङ प्रधान पुजाहारीय ओ क्वार ओ चीओ र हैओलेओ, “आउय ईश्वर निन्दा दोदे लीज्या । आबो गेरलाई अबुर छुत्तो साक्षीर कता चाहीकेदा ? रहङच्यो, आबो जेरय आउराई ईश्वर नीन्दा थैदेज जेलीज्या । 66 जेर कता विचार जेदोज्या ?” नोरय जवाफ योदे हैलेकेर, आउ सैसीन्यालो लागीत योग्यला लीज्या ।” 67 नो छीन्ङ नोरय यालो ह्याल त्युल्केर र यालाई पोहोकेर, 68 र हैलेकेर, हे ख्रीष्ट, आबो गेलाई अगमवाणी दोदे हैलेके, नङाई पोहोन्य सु हो ?” 69 नल पत्रुस पाखाङ खलाल चुसीदे नैदे ओलेउ र तोबो दासी हो लेउङ ओ हुओ र हैओलेओ, जे पनि आउ गालीललो येशु सका जेलउ, माहङकदा ? 70 तर होय नोरलो पारराई ङाहाक इतानो हैलेदे आउ पाङलाई इन्कार दोकेर । जेय सुलो बारेल पाङ जेदोज्या ङालाई नो था माले ।” 71 जब होर झला लेउदे पाखाङ बाकेर, छुत्तो दासीय होलाई ओ रहङो र नल लेउरलाई हैओलेओ, आउ मी पनि नासरतलो येशु सका ओ रहङो र नोल लेउरलाई हैओलेओ, “आउ मी पनि नासरतलो येशु सका ओलेउ ।” 72 होकाई होय फरी कसम ज्योदे इन्कार ओदोओ, ङा आउ मीलाई ङामा सरेय ।” 73 नोलो कोही समय छिन्ङ नल या च्यासीउ मीर हुकेर र पत्रुसलाई हैलेकेर, “जेय पनि नोर मध्येलाज तोबो जे हो, कतान्याकी जेय पाङयज आउ संकेत दोय ।” 74 नो छिन्ङय, होय सरापिदे कसम ज्यान्या ओ लागीउ, “ङा आउ मीलाई ङामा सरे,” होकाई होपाईनाज भाल्या ओकोओ । 75 होकाई येशुय हैलेसीउ वचनलाई पत्रुसय ओ सम्झीउ, भाल्या कोन्या भन्दा ङाहादे जेय ङालाई सोङ पाला इन्कार दोन्या जेले । नो छिन्ङ हो पाखाङ ओबाओ र धुरु धुरु ओ घरो ।