1 तब स्वर्गलो राज्य नो दश कन्यालो मीतानो तान्या ले । जेराई या या बत्तीर लाङदे व्याउला सका दैसीन्या याबाओ । 2 नोर मध्ये पाँच जना या बुद्धी मालेउ सन पाँच जना बुद्धीला मेमाे यालेउ । 3 कतान्याकी जब नो बुद्धी मलेउर या बत्तीर लाङदे, बाकेर तर नोरय तके थी पनि यामा लाङकेर, 4 तर बुद्धीमती कन्यार प्रत्येक बत्तीर सकाया या थीलो जार पनि लाङदे बाकेर । 5 ब्याउला हुन्या ढिलो तादे नोत पार ङहलदे अस्याकेर । 6 तर मध्य रिल तोबो सोर ओहुओ, रहङच्यो व्याउला: पाखाङ बादे यालाई दैच्यो । 7 नो छिन्ङ नो पार मेमार सोकेर र या य बत्ती रलाई तयार जैकेर । 8 या बुद्धी मालेउ मेमारय बुद्धी लेउरलाई हैलेकेर, “गेरलाई जेलो तकी थिर योच्यो कतान्या भन्या बत्तीर सीन्या पान्ज्यार ।” 9 तर बुद्धी लेउ मेमारय हैलेकेर, ‘जेर सन गेरलाई तान्या भ्या थी मातासीउ कारण, थी यन्यार सका बाच्यो र लहङदे हुच्यो ।” 10 जब नोर थी लहङन्या पाखाङ बाकेर, व्याउला हुदुकेर होकाई जोर तयार या लेउ व्याहाल या सका बाकेर, होकाई झला बन्द जैकेर । 11 कोही समय छिन्ङ पाखाङ बाओ मेमार हुदे हैलेकेर, “प्रभु, प्रभु गेलो लागीत झला फैच्यो ।” 12 तर याय जवाफ योदे हैलेकेर, साँचोज ङा जेरलाई हैङालेय, ‘ङा जेरलाई ङामा सरेय ।’ 13 नोकारण, जागा रहीच्यो, कतान्याकी नो छा सन समय जेरलाई था माले । 14 कतान्याकी आउ पर्देश बान्या लागीउ मी मीतानो हो, होय ओ नौकरलाई खुल्दे नोरलाई ओ सम्पत्तीलो जीम्मा ओयओ । 15 याय नोर मध्ये त जनालाई पाँच सीक्का यायओ; छुत्तोलाई नेहे सीक्का सन परि छुत्तोलाई तोबो सीक्का यायओ । पारय या क्षमता अनुसार नो पैसार लाङकेर, होकाई नो मी होपाईनाज नङाई ओबाओ । 16 पाँच सीक्का दैन्या होपाईनाज ओबाओ र होय नोलाई व्यापारल ओ लगयो, र नो लेउङाई छुत्तो पाँच सीक्का ओकमयो । 17 नैजैदेज, जोय नेहेबोलो सीक्का दैदे ओलेउ, होय पनि नो लेउङााई छुत्तो नेहेबोलो सीक्का ओ कमयो । 18 तर तोबो याज सीक्का ओदयो नौकर ओबाओ र होय तोबो खाल्ता ओ घोओ, र ओ मालीकलो सीक्का नल ओ मोहोओ । 19 भ्या समय ताओ छिन्ङ नो नौकरराई मालीक ओल्दे हुकेर, होकाई नोर सका हिसाब नीहीकेर । 20 पाँच सीक्का ओदयो नौकर ओहुओ र होय छुत्तो पाच सीक्का पनि ओरहयो । होय हैओलेओ, “मालीक, जेय ङालाई पाँच गोता सीक्का योदे जेलेउ, रहङच्यो, ङाय छुत्तो पाँच गोता सीक्का कमैदे ङाले ।” 21 नोलो मालीकय होलाई हैलेकेर, “स्यावास, चाओ सन विश्वास योग्य नौकर ! जेय तकिजा पाङल विश्वास योग्य तादे जेले । ङा जेलाई मालीकलो खुशील सामेल ताच्यो ।” 22 नेहेबोलो सीक्का ओदयो नौकर ओहुओ र हैलेओ, ‘मालीक जेय ङालाई नेहेबोलो सीक्का योदे जेलेउ । रहङच्यो, ङाय छुत्तो नेहेबोलो सीक्का कमैदे ङाले ।’ 23 नोलो मालीकय होलाई नौकर: जेय तके पाङल विश्वास योग्य तादे जेले । ङा जेलाई भ्या पाङ तरल अधीकार योन्या ङाले । जे पनि जे मालीकलो खुशील सामेल ताच्यो । 24 नो छिन्ङ तोबो सीक्का ओदयो नौक हुदे हैओलेओ, ‘ङालाई था लीज्या, की जे कता स्वभावला मी जे लीज्या । र जेय मारोपीउ पोङाई जे पल र भावासीउ पोङाई फसल जे पुलै । 25 ङालाई छा ओलेउ । नोकारण, ङा बादे जेय सीक्कालाई खाल्ता घोदे मोहोदे ङा नयो । रहङच्यो, जो जे मी हो आउलाई लाङच्यो ।’ 26 तर होय मालीकय जवाफ यायओ र हैयालेओ, ए दुष्त सन अल्छी नौकर, ङाय मा रोपीद पोङाई ङा पले र मा बासीउ पोङाई फसल ङा पुलै हैलेदे नङाई था ओलेउ । 27 नोकारण, नङय ङा सीलो साहु लेउङय ओ परिन्या ओलेउ, र ङा ङा हुकाई ङाय ङा सीलो ब्याज सका दैन्या ङालेउ । 28 नोकारण, नोसका ताओ त सीक्का लाङच्यो र जो नौकर सका दश सीक्का ले नोलाईज योच्यो । 29 कतान्याकी जो सका ले नोलाई अझ भ्या योसीन्या ले । तर जो सका माले नो सका लेसीउ पनि नो लेउङाई खोसीन्या ले । 30 नो माचाउ नौकरलाई पाखाङ अन्धकारल ख्याच्यो, जोङ घरन्या सन हाकैन्या तान्या ले । 31 जब मिराई जा या महीमाल हुन्या लेर र याय सङल पार स्वर्ग दुतर हुन्या लेर, यार या महीमीत सिहासनल चुसीन्या लेर । 32 याय ङाहाक पार जाती दुबन्या लेर, र जैलेदे ग्वालारय या भेडारलाई बाख्रार सका छुतयो, नैजैदेज याय तोबो मीलाई छुत्तोङाई छुतैन्या लेर । 33 याय भेडारलाई याय दाहीन्या कयइ लेउदे सन बाख्रारलाई याय दाब्रे या लेउदे नैन्या लेर । 34 नो छिन्ङ राजाय याय दाहीन्या लेउदे ताओरलाई हैलेन्या लेर हुच्यो, जेर जो ङाय बाबु लेङाई आशिषीत तादे जेले । संसारलो सृष्टी लेउङाईज जेराई लागीत तयार जैसीउ राज्यलाई अधिकार दोच्यो । 35 कतान्याकी ङा करेदे ङा लेउङ, होकाई जेरय ङालाई ज्याउ जेयओ: ङा तिर्खैदे ङालेउ जेरय ङालाई ओँहोन्या जेयओ: ङा पर्देशी ङालेउ, जेरय ङालाई झीम भित्रल हुन्या जेयओ: 36 ङा नाङज्याउ ङालेउ जेरय ङालाई क्वा जेयओ: ङा जोरो हाईदे ङालेजेरय ङा वास्ता जेदोओ: ङा झ्यालखानाल ङालेउ र जेर ङा लेउङ जेहुओ । 37 नो छिन्ङ धर्मी जनरय जवाफ योदे हैलेन्या लेर, प्रभु गेरय खर्क जेलाई करेसीउ गे रहङो र जेलाई ज्याउ गेयओ र खर्क तिर्खाइसीउ गे रहङो र जेलाई रिही ओँहोन्या गेयोय, 38 र गेरय खर्क जेलाई पर्देशी ताओ गे रहङो र जेलाई भेटीरल गे रहयो । 39 गेरय जेलाई जोरो हाईसीउ सन झ्यालखानाल खर्क गे रहङो र गेर जेलेउङ गे हुओ ?” 40 र राजाय जवाफ योन्या लेर र नोरलाई हैलेन्या लेर, साँचो ङा जेरलाई हैङालेय, जेरय आङ ङामी भाइर मध्ये जीमो भन्दा जीमोलाई जो जा धरा जो दोओ, नो ङा लागीतज जेदोओ । 41 नो छिन्ङ याय य दाहीन्या कुइ लेउदे ताओरलाई हैलेन्या लेर, हे श्रापीतर ङा लेउङाई टाढा अनन्त मेहे ले बाच्यो, जो दुष्त सन नोलो दुतरला लागीत तयार जैसीउ हो । 42 कतान्याभन्या ङा करे ङालेउ, तर जेरय ङालाई ज्याउ जेमायओ, ङा तिर्खैदे ङालेउ, तर जेरय ङालाई ओँहोन्या जेमायओ, 43 ङा पर्देशी ङालेउ, तर जेरय ङालाई भित्रल पसिन्य जेमायओ नाङग्याउ ङालेउ, तर जेरय ङालाई क्वा जेमायओ जोरो हाईसीउ ङालेउङ, तर जेरय ङा वास्ता जेमादोओ । 44 नो छिन्ङ नोरय पि जवाफ योन्या लेर र हैलेन्या लेर, “प्रभु, गेय जेलाई जे करेओ वा रिही ओ छाओ वा पर्देशी ताओ वा नाङग्याउ वा हजोरो हाईसीउ वा झ्यालखानाल खर्क गे रहङो र गेय जेलो सेवा गेमादोवदा ?” 45 होकाई याय नोरलाई जवाफ योन्या लेर, साँचोज ङा जेरलाई हैङाले, आउर मध?ये जीमो भन्दा जीमोलाई जेरय जो जेमादोओ, नो जेरय ङालो लागीत जेमादोओ ।” 46 आउर अनन्तलो दण्डल बान्या लेर तर धर्मीर चाही अनन्त जीवनल बान्या लेर ।