1 नो छिन्ङ येशु भीडर सन या चेलार सका या पाङो । 2 याय हैयालेओ, शास्त्रीर सन फरीसीर मोसालो चुसीन्याल चुसीर, 3 आउकारण, नोरय जेरलाई जो दोच्यो हैलेदे आज्ञा दोर, नो पाङ दोच्यो र नोरलाइ पालना दोच्यो, तर नोराई हेनरलो मुल्याङकन ताच्यो, कतान्याकी नोर पाङर दोर, तर छीन्ङ होराईज मादोर । 4 हो, नोरय पाङन्या गाह्रो तान्या भागर भरिर भादे यर, होकाई नोरय नो मीरला कुमल नैदे योर । तर नोर ओल्रय भन्या नो छुन्या लागीत तोबो औला पनि माचलैर । 5 नोरय पार हेन मीरय ग रहङक लेदे दोर । कतान्याकी नोरय या चानाल सन नारिल नैन्या व्यस्था लेउदे घेओ जैर, र नोरय या क्वाला झुम्बार खेओ जैर । 6 नोरय ज्याउल मुख्य पोर सन सभा झिमरल प्रमुख चुसीन्या पोल युङ लगैर, 7 होकाई बजाररल विशेष सम्मान दोसीउ सन मीर लेउङाई ‘रब्बी’हैलेदे सम्बोधन दोसीउ चाहीर । 8 तर जेरलाई “रब्बी” हैलेदे सम्बोधन दोन्या माताय, कतान्याकी जेरला तोबो याज गरु लेर, र जेर पार दाजु भाइर ज हो, 9 होकाई पृथ्वील जेरय सु मीरलाई पनि बाबु हैलेदे ता पुकारिच्यो, कतान्याकी जेराई तोबो याज बाबु लेर, र स्वर्गल लेर । 10 न त “गुरुज्यु” हैलेदे सुरय जेरलाई ग खुल्कर, कतान्याकी ख्रीष्ट जेराई तोबो याज गुरु लेर । 11 तर जो जेराई खार्ल पार भन्दा माहान ले, हो जेराई दास तान्या ले । 12 जोय ओल्लाई झेनो जयो, नोलाई होचैसीन्या ले । होकाई जोय ओल्लाई होचयो, नोलाई झेनो जैसीन्या ले । 13 तर धिक्कार ! जे शास्त्रीर सन फरीसीर, ए पाखण्डीर जेर मीराई ङाहाक स्वर्गलो राज्यालाई बन्द जे जै । कतान्याकी जेर आउल जेज प्रवेश जेमा ताय, होकाई नता प्रवेश दोन्यार लागीसीउरलाई नीतानो दोन्या जे योय । 14 धीक्कार ! जे शास्त्रीर सन फरीसीर, ए पाखण्डीर कतान्ताकी जेर विधवाराई झीमर नास जे जय, जब की खेओ प्रार्थना दोदे जे सतन आउकारण, जेरय अझ भ्या दण्ड दैन्या जेले । 15 धीक्कार ! जेर शास्त्री सनफरीसिर, ए पाखण्डी ! कतान्याकी त जनालाई जे समुहल रैन्या लागीत जेर समुन्द्रर सन नामलाई जे रोय । जबनो जेराई समुहल हुय, नोलाई जे भन्दा डबल नरकलो जा जेजय । 16 धीक्कार ! जेरलाई, या मीलुङ मा रहङन्या अगुवार जेर जोय हैजेलेय कोही मीय मन्दीरलो कसम ज्योके भन्या कताज माताय । तर जोय मन्दीरलो सुनलो कसम ज्योय, हो ओल्लो कसम लेउङाई पोसीय । 17 ए मीलुङ मारहङन्या मुर्खर हो ! सु चाही घेओ हो -सुन सै-नो सुनलाई परमेश्वर लेउङ अर्पण दोन्या मन्दीर ? 18 यदी कोहीरय बेदीलो कसम ज्योय भन्या, “कताज माताय । तर कोहीरय नो तरल नैसीउ भेटीलो कसम ज्योके भन्या नो ओल्लो कसम लेउङााई पोसीय ।” 19 ए अन्धा मीर हो, सु चाही घेओ हो, भेटी सै नो भेटीलाई परमेश्वर लेउङ अर्पण दोन्या वेदी ? 20 होकाई जोय वेदीलो सफत ज्योय, होय नो वेदी सन नो तरङ ताओ पार वस्तलो कसम ज्योय । 21 होकाई जोय मन्दीरलो कसम ज्योय, होय नो मन्दीर सन नोल वास दोन्यालो कसम ज्योय । 22 होकाई जोय स्वर्गलो कसम ज्योय, जोय परमेश्वरलो सिहासन सन नोल वास दोन्याराई कसम ज्योय । 23 धीक्कार ! जेर शास्त्रीर सन फरीसीर, ए पाखण्डीर ! कतान्याकी जेर पुदीना, सम्फु सन जीरालो दशाङस जेयोय, तर व्यवस्थाला ग्रहण पाङर अर्थात न्याय, कृपा सन विश्वासलाई वे वास्ता दोदे जे नैज्या । तर आउ पाङर जेरय दोओ परिन्या ओलेउ र आउ अबुर हेनरलाई दोओ परिन्या ओलेउ । 24 ए अन्धा अगुवार हो, जेर जो भुसनारलाई जे छिन्कै, तर ऊँटलाई चाहीन्या जेर गाल्दे भुँडील जे झाय । 25 धीक्कार जेर शास्त्रीर सन फरीसीर, ए पाखण्डी ! जेर खुरीर सन ताँथीलो छिन्ङाई जे सी ले, तर ओ भीत्रल जेर जेमा सील । 26 ए अन्धा फरीसीर हो, ङाहादे खुरी सन ताँथीलो भित्रल सिल्च्यो ताकी नोलो छिन्ङाई पनि सफा गताक । 27 धीक्कार जे शास्त्री सन फरीसीर, ए पाखण्डीर ! कतान्याकी जेर चुनाय सेहेसीउ च्यानर मीतानो हो, जो पाखाङ चाओ रहङसीय त ओ भित्रल चाही सिओ मीराई रुर सन पार माचाउय भरीसीउ लेर । 28 नैजैदेज, जेर पनि पाखाङ मीराई ङाहाक धर्मी जे सतनसी, तर जेयुङल जेर कपत सन दुष्तताय भरिसिदे जे लीज्या । 29 धिक्कार जेर शास्त्रीर सन फरीसीर, ए पाखण्डी ! कतान्याकी जेर अगमवक्तारला खादर जे जै र धर्मीरला खादरला खादरलाई जे सीङारी । 30 जेर जे हैलेय, ‘यदी गेर गेराई पुर्खारलो समयल बाँचीउ ताकीन, अगमवक्तारलो झी बगैन्या हेनल नोर सका तान्या जेमालेउ ।’ 31 आउकारण, जेर जेयज जेय नोराई सन्तान हो हैलेदे गवाही जेयोय जोय अगमवक्तारलो हत्या दोकेर । 32 जेरय जे पुर्खारलो हेनलाई पनि पुरा जे जै । 33 ए गुलर हो, गुललो सन्तानर, जेर नरकलो दण्डङाई कैजैदे उम्कीन्या जेलेदा ? 34 नो कारण, रहङच्यो ङा जेर लेउङ अगमवक्तार, बुद्धी लउ मीर, सन शास्त्रीर ङा परिङ । नोर मध्ये खा जनारलाई जेरय सैन्या जेले र क्रुसल तङगैन्या जेले । होकाई जेर मध्ये कोहीरलाई जेरय जेय सभा झीमरल कोर्रा लैन्या जेले सन सहर लेउदे धपैन्या जेले । 35 आउलो परिणाम इतानो तान्या ले, की पृथ्वील बगैसीउ पार धर्मी मीलो झी जेराई तरल हुन्या ले धर्मी हाबीललो झी लेउङाई लाङदे बेरेक्याहला जा जकरियालो झी सम्म, जोलाई जेरय पवित्र सन वेदीलो खार्ल जे रहयो । 36 साँचो ङा जेरलाई हैङालेय, आउ पार पाङ आउ पुस्ता तरलज परिन्या लेय । 37 ए यरुशलेम, ए यरुशलेम, नङ जोय अगमवक्तारलाई नसै र नङ लेउङ परिङसीउरलाई न झोमे ! का कपटी ङाय न लुजारलाई दुबन्या युङ ङा दोके, जैलेदे तोबो बाजाय ओ चिङनारलाई नोलो परेता भित्रल झाय, तर नङय नयुङ नमा जयो । 38 रहङच्यो जेराई झीम जेराई ङाहाक भतकैसी लीज्या । 39 कतान्याकी ङा जेरलाई हैङालेय, “परप्रभुलो मीनल हुन्या र धन्याला तार हैलेदे जेरय मा हैलेकाई सम्म आबोङाई जेरय ङालाई रहङन्या जेमालेय ।”