1 नोर सका इतानो हैलेदे येशु दृष्तान्तल या पाङो, 2 स्वर्गलो राज्य तोबो इतानो राज्य मीतानो हो, जोय ओ जालो लागीत ब्याहालो तयारी या जयो । 3 याय भोजन हुन्यालो लागीत निम्तो योसीउरलाई खुलन्या याय या नौकरलाई या परिङो, तर नोर हुन्या मा मानीकेर । 4 फरी राजाय इतानो हैलेदे याला अबुर नौकररलाई या परिङो, नो निम्तैसीउरलाई इतानो हैलेच्यो ङाय ङा ज्याउ तयार जैदे ङाले । ङा घिङर सन सोओ पशु र सैदे गेले, र पार वस्त तयार लीज्या । व्याहालो ज्याउ ज्यान्या हुच्यो । 5 तर नोरय कताज वास्ता यामादोओ, र तोबो ओ हेङदे सन छुत्तो ओ व्यापार दे ओबाओ । 6 अबुररय चाही राजालो नौकररलाई क्योकेर; नोर सका सरम तान्या व्यवहार दोकेर, र नोरलाई सैकेर । 7 तब राजा या रिसीउ । याय या सेनारलाई या परिङो; नो हत्यारारलाई या सहयो, र नोराई सहर जलैदे ख्याकेर । 8 नो छिन्ङ याय या नौकररलाई हैलेकेर, ‘व्याहालो लागीत पार तयार लीज्या, तर जोलाई निम्तैसीउ ओलेउ नोर योग्यला यामालेउ । 9 नैतादे, जेर यमल बाच्यो र जेरय धुन्या जा धरा पार मीरलाई व्याहालो ज्याउल हुच्यो हैलेदे खुल्च्यो ।’ 10 नो नौकरर सदकल बाकेर र नोरय यादयो पार चाओ सन माचाउ नेहेबोलोखालेला मीरलाई त साथ भेला जैकेर । होकाई व्याहाला झी पाहुनारय ओ भरिउ । 11 तर जब राजा पाहुनारलाई रहङन्या लेदे हुकेर नल तोबो मी व्याहालो पोसाक मालगैदे भोजन हुसीउ याय या रहङो । 12 राजाय होलाई हैलेकेर, “मित्र व्याहालो पोसाक मालगैदे जे आङ भीत्ररल कैजैदे जेहुओ ?” होकाई नो मीय कताज पाङन्या ओ मा धुओ । 13 नो छीन्ङ राजाय या नौकररलाई हैयालेउ, आउ मीलो कुइ सन खङ पोसीके र नोलाई पाखाङ अन्धकारल ख्याच्यो, जोङ घरन्या सन हाकैन्या तान्या ले । 14 कतान्याकी खुल्सीउर भ्या लेर, तर चुनीसीउ तकिजा याज लेर । 15 नो छिन्ङ फरिसीर नङाई बाकेर, र येशुय हैलेसीउ पाङल यालाईज कैजैदे जलल पारिन्या हैलेन्या बारेल योजना जैकेर । 16 नो छिन्ङ नोरय या चेलार सन हेरोदी दलला कोही गेलाई थाहा लीज्या, की जे सत्य जे लीज्या, र जरय परमेश्वरलो यमलाई सत्यताल जे पै । जेय सुय लता सोचीज्या हैलेदे पाङरलाई वास्ता जेमादोय, र मीराई खार्ल जेय पक्षपात जेमादोय । 17 नैतादे, गेलाई हैलेच्यो, की जेय कता जे हैलेय ? “कैसरलाई जर फोन्या उचीत ले सैमाले ?” 18 तर येशुय नोरलो दृष्तता थाहा या सनो र हैयालेउ पाखण्डीर हो । “जेर कतान्या जे जाँचीज्या, 19 कर फोन्या सीक्का ङालाई सतन्च्यो ।” नो छिन्ङ नोरय या लेउङ तोबो दीनार रैकेर । 20 येशुय नोरलाई हैयालेओ, “आउ सुय मीन सन छाप ले ?” 21 नोरय यालाई हैलेकेर, “कैसरलो” नो छिन्ङ येशुय नोरलाई हैलेकेर, “नीतानो ताकीन, जो कैसरलो हो, नो कैसरलाई योच्यो, र जो परमेश्वरलो हो, नो परमेश्वरलाई योच्यो ।” 22 जब नोरय आउ थैकेर, नोर छक्क ताकेर । नो छिन्ङ नोर या लेउङाई तङदे बाकेर । 23 नो छाल कोही सदुकीर या लेउङ हुकेर, जोय पुनरुत्थान माताय हैलेदे हैयालीज्याउ । नोरय यालाई गीन्केर, 24 गुरुज्यु, मोसाय हैलेदे यालेउ यदी कोही खेपा जार मादैदे सीके भन्या, होलो भाइर नोलो ज्यालाई ङान्या ताय र ओ दाजुलो लागीत सन्तानर जर्मैन्या ताय । 25 नो सात जना या भाइर यालेउ । ङाहादे ङाय ओनयो नोङाई कताज सन्तानर मातादे होय नो मेमालाई ओ भाइसका ओ राहाओ । 26 नो छिन्ङ छुत्तो भाइय नीतानोज दोकु नो छिन्ङ सोमोलीय, र सात भाइ सम्म नीतानोज तादे ओबाओ । 27 नोर पार सिओ छिन्ङ नो मेमा पनि ओ सिओ । 28 आबो फरी जागीदे सोसीउ छिन्ङ नो सात भाइर मध?ये नो मेमा सुय ज्या ताय ? कतान्याकी नोर पारय हो सका व्याहा दोदे लेर । 29 येशुय नोरलाई जवाफ यायओ र हैयालेओ, “जेर भुलल परिदे जेले कतान्याभन्या जेर धर्मशास्त्र वा परमेश्वरलो शक्तीलाई जेमा सन ।” 30 कतान्याकी पुनरुत्थानल नोर नता व्याहा दोर नता नोरलाई वयाहालो लागीत योसीई । बरु, नोर स्वर्गल तान्या स्वर्गदुतर मीतानो तार । 31 तर सिओरलो पुनरुत्थान बहोरिउ बारेल परमेश्वरङाई यैजैदे जेरलाई हैलेसीउ कता जेरय परिदे जेमाले, 32 ङा अब्राहामला परमेश्वर ईसाहाकला परमेश्वर सन याकुबला परमेश्वर हो । परमेश्वर सिओरला पनि परमेश्वर लेर, तर यार जीउदोरला पनि परमेश्वर लर ।” 33 जब भीडरय आउ ओ थयो, नोर याय शिक्षाल छक्क ताकेर । 34 सदुकीरलाई चुप याजयो जब फरीसीरय थैकेर, नोर दुबसीकेर । 35 नोराई मध्येला त जना व्यवस्थाला गुरुय याय जाँच दोदे तोबो प्रस्त गीन्केर ! 36 गुरुज्यु, व्यवस्थाल पार भन्दा माहान आज्ञा सु हो ?” 37 येशुय यालाई हैयालेओ, नङय परप्रभु न परमेश्वरलाई नङय पार प्राणय पार युङय सन नङय पार समजय प्रेम दोके । 38 आउ चाही पहीलो सन माहान आज्ञा हो । 39 होकाई छुत्तो आज्ञा पनि इतानो ताय “नङय न छीमेकीलाई ओललाई मीतानोज प्रेम दोके ।” 40 पार व्यवस्था सन अगमवक्तार आउ नरहरबोलो आज्ञा तरल पक्का लीज्यार । 41 तोबो पोल दुसीउ बेलाल येशुय नोरलाई तोबो प्रश्न या गीनो । 42 याय हैयालेओ, “जेर ख्रीष्टलो बारेल कता विचार जेदोज्या ? ख्रीष्ट सुलो जा हो ?” नोरय यालाई हैलेकेर, दाऊदला जा ।” 43 येशुय नोरलाई हैयालेओ, “नैताकीन, दाऊद पवित्र आत्माय या भरिकाई याय कतान्या यैलेदे प्रभु दोदे या पुकारिउ,” 44 परमप्रभु ङा प्रभु हैलेर, “जब सम्म ङाय जेय सत्रुरलाई जे खङ पैतला मेल ङामा जै, तब सम्म जेय ङामी दाहीन्या कुइ लउदे चुसीच्यो ?” 45 यदी दाऊदय ख्रीष्टलाई, “प्रभु, हैलेर भन्या, होरय कतान्या दाऊदला जा ताकेर ?” 46 नोर पनि जवाफ तोबो सक्द पनि पाङन्या माधुकेर र नोला छिन्ङाई यालाई सुय पनि अबुर प्रश्वर गीन्या साहास मादोकेर ।