1 यहुदीयालो बेथलेहेमल राजा हेरोदलो समयल येशुलो जर्म ताओ छिन्ङ पुर्वङाई ज्ञानी मीर यरुशलेमल हुदे इतानो हैलेन्या लागीकेर । 2 यहुदीराई राजा तादे जर्मीसीउय कताङ लेर ? गेय यालो तारा पुर्वल गे रहङो र यालाई ढोग योन्या लेद हुदे गेले । 3 जब हेरोद राजाय इतानो या थयो, हो सन हो सका पार यरुशलेम बेचयन ओताओ । 4 हेरोदय पार मुख्य पुजाहारी सन मीराई शास्त्रीरलाई भेला ओजयो, र होय नोरलाई ओ गीनो, “जर्मीन्या हैलेसीउ ख्रीष्ट कताङ लेर ?” 5 नोरय यालाई हैलेकेर, “यहुदीयालो बेतलहेम कतान्याकि अगमवक्ता लेउङाई इतानो ज सर्सिदे ओलेउ । 6 र यहुदिराई देशलय बेथेलहेम, यहुदाला शासकर भन्दा नङ कताज कमी न माले, कतान्याकी नङङाई त जना शासक हुन्या लेर, जोय ङा मीर ईस्रायललाई रहङन्या लेर ।” 7 नो छीन्ङ ठिक सु समयल तारा सतन्सीदे ओलेउ लेदे गीन्या हेरोदय गुप्य रुपल नो ज्ञानी मीरलाई या खुलो । 8 याय नोरलाई इतानो हैलेदे बेथलेहेम या परिङो, बाच्यो र चाउ सका नो लुजालाई खीम्च्यो । जब यालाई दैन्या जेले, ङालाई खर दोच्यो ताकी ङा पनि बादे यालाई दण्डवत दोन्या ङाले । 9 नोरय राजाय हैलेसीउ पा, थैसीउ छिन्ङ नोर या यमल लागीकेर होकाई नोरय पुरवल रहङसीउ तारा नोराई ङाहादे ङाहादे बाकेर र जीमुजा लुजा ताओ पोल या केकाई नो तारा नो पोलज ओरोकीउ । 10 जब नोरय नो तारा या रहङो, नोर रेङदे भ्या आनन्दीत ताकेर । 11 जब नोरय नो तारा या रहङो, नर रेङदे भ्या आनन्दीत ताके । 12 परमेश्वरय नोरलाई हेरोद लेउङ ओल्दे बाच्यो हैलेदे नोराई महङक हैयालेओ । नैतादे, नोर छुत्तो यम तादे या या देशदे बाकेर । 13 नोर बासीउ छिन्ङ परमप्रभुलो तोबो दुतय योसेफ लेउङ या महङ सतनसिकेर र हैलेकेर, “सोच्यो, जीमो लुजा सन याय आमैलाई लाङदे मिश्र देशल धोङदे बाच्यो । ङाय हैङामालेकाई सम्म नल चुसीच्यो, कतान्याकी हेरोदय जीमो लुजालाई सैन्या यालाई खीम्न्या ले । 14 नो रिल योसेफ सोकेर र जीमोजा लुजा सन याय आमैलाई लाङदे मीश्री देश लउदे बाकेर । 15 हेरोद मासीकाई सम्म यार नलज चुसीकेर । अगमवक्ता लेउङाई परमप्रभुय हैलेसीउ पाङ यैजैदे पुरा ओताओ, “ङाय ङा जालाई मीश्र देशङाई खुल्दे ङाले ।” 16 नो छिन्ङ जब हेरोदय ओल नो ज्ञानी मीरङाई धुतैसीउ पाङ थाहा या सनो, हो भ्याज ओ रिसीउ । नो ज्ञानी मीर लेउङाई होय नीर्धारण दोसीउ समय अनुसार नो यरियाला नेहे वर्ष याकेओ सन नो भन्दा मेला लयजारलाई सन बेथलेहेमला पार खेपा लुजारलाई मीर परिङदे सैन्या ओ लगयो । 17 यैजैदे यर्मीया अगमवक्ता लेउङााई जो हैलेसीदे ओलेउ, नो पुरा ओताओ । 18 रामाल तोबो स्वर ओ थैसीउ, घर्सीउ सन घेओ बीलौना, लुजाराई लागित राहेललो चिन्ता सन राहेललो चिन्ता सन सान्त्वना नोय इन्कार दोकेर, कतान्याकी नोला लुजार आबो मारहीकेर । 19 जब हेरोद या सिओ, रहङच्यो, परमप्रभुलो त जना दुत मीश्रल योसेफ लेउङ महङल सतनसीकेर होकाई होलाई हैयालेओ, 20 “सोच्यो लुजा सन याय आमैलाई लाङदे ईस्रायल देशल बाच्यो, कतान्याकी जोय लुजालाई सैन्या खीम्दे ओलेउ, नो मी सिदुके ।” 21 योसेफ या सोओ होकाई लुजालाई सन या आमैलाई लाङदे ईस्रायल देशल ज हुकेर । 22 तर जब यहुदीयाल याय बाबु हेरोदलो पोल अर्खीलाउसय शासन ओदओ याय य थयो, होर नल बान्या छेकेर । परमप्रभुय महङल चेतावनी यायओ छिन्ङ होर गालीललो यरिया लेउदे बाकेर, 23 र नासरत हैलेसीन्या सहरल बादे चुसीकेर । यालाई तब नासरी हैलेसी हैलेदे अगमवक्तार लेउङाई पाङसीउ वचन यैजैदे पुरा ओताओ ।