¹ दाऊदला जा अब्राहामला जा येशु ख्रीष्‍टलो वसलो कीताब । ² अब्राहाम, इसाहाकला बाबु यालेउ, इसाहाक, याकुबला बाबु यालेउ, र याकुब, यहुदा सन नोराई दाजु भाइरला बाबु यालेउ । ³ यहुदा तामार लेउङाई फारोस सन जाहेरला बाबु यालेउ, फारोस हेस्रोनला बाबु, सन हेस्रोन आरामला बाबु यालेउ । ⁴ आराम अम्मीनादाबला बाबु, अम्मीनादाब नहशोनला बाबु, सन नहशोन सलोमनला बाबु यालेउ । ⁵ सलमोन राहाबलेउङाई बोअजला बाबु, बोअज रुथलेउङाई ओबेदला बाबु, ओबेद यिशैला बाबु यालेउ, ⁶ यिशै दाऊद राजाला बाबु यालेउ । दाऊद उरियाहली ज्या लेउङाई सोलोमनलो बाबु यालेउ । ⁷ सोलोमन रहबामला बाबु, रहबाम अबीयाला बाबु, अबीया आशाला बाबु यालेउ । ⁸ आशा यहोशापातला बाबु, यहोशापात यहोरामला बाबु, सन यहोराम उज्जियाहला बाबु यालेउ । ⁹ उज्जियाहा योतामला बाबु, योताम आहाजला बाबु, आहाज हीजकीयाला बाबु यालेउ । ¹⁰ हीजाकीया मनश्शेला बाबु, मनश्शे अमोनला बाबु, अमोन योशियाहला बाबु यालेउ । ¹¹ बेबीलोनल निर्वासनलो समयल योशियाह यकोनियास सन नोलो दाजुभाइरला बाबु याताओ । ¹² बेबीलोन निर्वासनछिन्ङ यकोनीयास शालतिएलला बाबु याताओ, शालतिएल यरुबा बेलाल ङाहादे ङा यालेउ । ¹³ यरुबाबेल अबिउदला बाबु, अबिउद एल्याकीमला बाबु, सन एल्याकीम आजोरला बाबु यालेउ । ¹⁴ आजोर सादोकला बाबु, सादोक आखिमला बाबु, सन आखिम एलीउदला बाबु यालेउ । ¹⁵ एलीउद एलाजारला बाबु, एलाजार मत्तानला बाबु, मत्तान याकुबला बाबु यालेउ । ¹⁶ याकुब नो मरियमलो रे योसेफला बाबु यालेउ, जो लेउङाई येशु या जर्मीउ, जोलाई ख्रीष्‍ट हैलेसीई । ¹⁷ अब्राहामङाई दाऊद सम्मला जम्मा चौध पुस्ता, दाऊदङाई बेबीलोनलो निर्वासन सम्म चौध पुस्ता सन बेबीलोनलो निर्वासनङाई येशु ख्रीष्‍टसम्म चौध पुस्ता ओलेउ । ¹⁸ येशु ख्रीष्‍टलो जर्म आउ प्रकारय ओताओ । याय आमै मरियमलो योसेफ सका मगनी तादे ओलेउ, तर नोराई सहवास तान्याभन्दा ङाहादे मरियम पवित्र आत्मा लेउङाई गर्भ तादे ओ ओलेउ हैलेदे थाहा या सनो । ¹⁹ होराई रे योसेफ धर्मी मी यालेउ, र होय नोलाई पारराई ङाहाक लाजल परिन्या यामा चाहीउ । नैतादे, होय गुप्य प्रकारय नोर सकालो नीहीसीउलाई रद्द दोन्या योजना दोकेर । ²⁰ होकाई नोय आउ पाङरलो बारेल विचार दोकेर, होकाई या महङल परमप्रभुला तजना स्वर्गदुतय याय ङाहाक सतनसिकेर र इतानो हैलेकेर, “हे दाऊदला जा योसेफ, मरियमलाई न ज्यालो रुपल स्वीकारिन्या ता छेन, कतान्याकी जो नोलो गर्वल लेर, याके पवित्र आत्मा लेउङाई गर्भ धारण याताओ हो । ²¹ नोय तोबो जा जर्मैन्या लेर र जेय याय मीन येशु नैन्या जेले, कतान्याकी याय या मीरलाई नोराई पाप लेउङाई बचैन्या लेर ।” ²² अगमवक्ता लेउङाई परमप्रभुय या पाङो इतानो पाङ पुरा तान्या लागीत आउ पार ओताओ । ²³ “रहङच्यो, कन्या गर्भवती तान्या लेर र तजा जा जर्मैन्या लेर र नोरय यालो मीन ईमानुयल नैन्या लेर,” जोलो अर्थ ताय, परमेश्‍वर गेर सका ।” ²⁴ योसेफ ङा हलसीउङाई बिउतीकेर र होराई परमप्रभुला दुतय आज्ञा दोसीउ अनुसार यादोओ र याय होलाई याय ज्यालो रुपल या स्वीकारिउ । ²⁵ तर नोरय जालाई मा जर्मीकाई सम्म नोरय होर सका यौन सम्पर्क यामनयो । र याय या मीन येशु यानयो ।