1 फरीसी सन शास्त्रीर हुकेर र होरलाई आकासङाई चिन्ह सतनच्यो हैलेदे या सका परिक्षा दोओ लागीकेर । 2 तर याय उत्तर यायओ र नोरलाई हैयालेओ, जब रीम्दया कताय, जेर जे हैले, मौसम सफा तान्या ले, कतान्याकी आकासल घ्यामो तादे ले । 3 रछकालन्या जेर हैजेले, “आछिम मौसम माचाउ तान्या ले, कतान्याकी आकास घ्यामो सन बदलय कब्दे ले । आकासलो अवस्था रहङदे कैजैदे अर्थ लगैन्या हैलेदे जेर जे सन, तर जेरय समयलो अर्थ लगैन्या जे माधुय । 4 तोबो दुष्त सन व्यभीचारी पुस्ताय चुन्हलो खोजी दोय, तर योन्यालो चिन्ह बाहेक अबुर सुय चिन्हज नोलाई योसीन्या माले ।” नो छिन्ङ येशुय नोरलाई या राहाओ, र नङाई टाढा याबाओ । 5 चेलार छुत्तो पोल हुकेर, तर होरय भरे रैन्या मेहेकेर । 6 येशुय नोरलाई हैयालेओ, “ध्यान योच्यो र परीसीर सन सदुकीरलो खमीरङाई भरेङाई सावधान ताच्यो ।” 7 चेलारय तोबो छुत्तोल पाङ दोदे इतानो हैलेसीउ लागीकेर, गेरय भरे मारैसीउ कारण याय इतानो हैलीज्यार ।” 8 येशुय आउ पाङ थाहा या सनो र हैयालेओ, अल्प विश्वासीर हो, आपसल कतान्या पाङ जेदोज्याउ, र जेरय भरे मारैसीउ कारण ङाय इतानो हैङालेउ हैलेदे हैजेले ? 9 पाँच हजार जनालो लागीत पाँच गोता भरे सन जेरय खाडालो दुब्सीउ पाङ जेरलाई अझ सम्झना माले सै जेरय जेमगालो । 10 होकाई चार हजार जनालो लागीत सात गोता भरे होकाई जेय खादालो भरे जे सोचयो ? 11 ङाय नो भरेलो बारेल पाङदे ङा लीज्याउ हैलेदे जेर कतान्या जेमा बुझीउ ? ध्यान योच्यो र फरीसीर सन सदुकीरलो खमीरङाई सावधान ताच्यो । 12 नो छिन्ङ याय नोरलाई भरेलो खमीरङाई माहङक,तर फरीसीर सन सदुकीरलो शिक्षाङाई सावधान ताच्यो हैलेदे हैयालेउ रैछ लेदे नोरय गाल्केर । 13 जब येशु कैसरीया फीलीपीलो इलाकारल याकेओ, याय या चेलारलाई इतानो हैलेदे या गीनो, “मिराई जा सु हो हैलेदे मीरय हैलेर ?” 14 नोरय हैयालेउ कोहीराई हैलेर, “वप्तिसमा योन्या यूहन्ना, कोहीरय एलीया, सन अबुररय यर्मीया सै अगमवक्तार मध्ये तोबो लेर हैलेदे हैलेर ।” 15 याय नोरलाई हैयालेओ, तर ङा सु हो हैलेदे जेर हैजेलेय । 16 सिमोन पत।रुसय हैलेकेर, जे जीउदो परमेश्वरला जा ख्रीष्ट जे हो ।” 17 येशुय हैयालेओ र होलाई हैयालेओ, योनालो जा सिमोन जे धन्यला जे हो, कतान्याकी क्याङ सन झीय आउ पाङ जेलाई सतन्सीउ माहङक, तर स्वर्गल तान्या ङा बाबुय प्रकत दोसीउ हो । 18 ङा जेलाई आउ पनि हैङाले, की जे पत्रुस हो, र आउ चट्टान तरल ङा ङामी मण्डली जैन्या ङाले । नरकला झलार आउ तरल विजय तान्या मालेर । 19 ङा जेलाई स्वर्गलो राज्यलो साँचार योन्या ङाले । जेय पृथ्वील जो पाङ भान्या जेले नो स्वर्गल भासीन्या ले, र जो पाङ जेय पृथ्वील फैन्या जेले, नो स्वर्गल फैसीन्या ले । 20 नो छिन्ङ याज ख्रीष्ट लेर हैलेन्या पाङ सुलाईज ता हैलेच्यो हैलेदे येशुय या चेलारलाई आज्ञा यायओ । 21 नो समयङाई येशुय या चेलारलाई यार यरुशलेम बान्या ताय, धर्म गुरुर सन मुख्य पुजाहारीर सन शास्त्रीरला कुइल याय भ्या पाङ भोगीउ परिन्या ले, सिओ परिन्या ले, र सोङ छाल बहोरिदे जिवनल सोसीईन्या लेर हैलेदे हैलेउ थालीकेर । 22 तब पत्रुसय यालाई तङदे लाङदे इतानो हैलेदे ओ हप्कयो, “प्रभु, आउ जेलेउङाई टाढा गताक, इतानो जेलाई खर्कज गमाताक ।” 23 तर येशु ओल्दे पत्रुसलाई हैयालेओ, “सैतान, ङा लेउङाई टाढा बान्के ! नङ ङा लागीत बाधा हो, कतान्याकी नङय परमेश्वरला पाङरलाई ध्यान नमायोय तर मीराई पाङरल ध्यान न लगै ।” 24 नो छिन्ङ येशुय या चेलारलाई हैयालेउ, “यदी कोहीरय ङालाई पछैन्या युङ दोकु भन्या, होय ओल्लाईज इन्कार दोन्या ताई, ओ क्रुश छेन्या ताय र ङालाई पछैन्या ताई ।” 25 कतान्याकी जोय ओ प्राण बचैन्या खीमो होय नो गुमैन्या ले, र जोय ङा खातीर ओल्लो जीवन गुमयो नोय नो दैन्या ले । 26 कतान्याकी तोबो मीय पार जगत दैदे ओ जीवनलाई गुमैके भन्या होलाई कता लाभ तायदा ? तोबो मीय ओ जीवनलो बदला ल कता योन्या धुय ? 27 कतान्याकी मीलो जा ओ बाबुलो महीमाल याय स्वर्गदुतर सका हुन्या लेर । नो छिन्ङ याय हरेक मीलाई होय हेन अनुसारलो इनाम योन्या लेर । 28 सँचोज ङा जेरलाइ हैङाले, “आङ च्यासीउर मध्ये जेर सु जे लीज्या, जोय मीलो जालाई याय राज्यल हुओ दोसीउ मा रहङकाई सम्म सीओ दारन्या माले ।”