1 नो छिन्ङ कोही फरीसीर सन शास्त्रीर यरुशलेमङाई येशु लेउङ हुकेर । नोरय हैलेकेर । 2 “कतान्या जेय चेलारय अगुवारलो नियमलाई उलङघन दोज्यार ? कतान्याकी नोरय ज्याउ या ज्योकाई या कुई मा हुर्सीउ ?” 3 येशुय हैयालेओ, जेरय चाही कतान्या जेय परम्पराला लागीत परमेश्वरलो आज्ञालाई उलङघन दोर ? 4 कतान्याकी परमेश्वरय हैलेर, ‘ओ आमै सन ओ बाबुलाई आदर दोच्यो र जोय ओ बाबु सन ओ आमैलो बारेल माचउ पाङ पाङे, नो साँचोज सीन्या ले ।’ 5 तर जेर हैजेले, जोय ओ बाबु सन आमैलाई, जो जादरा सहयोग जेय ङा लेउङाई दयो तान्या ओलेउ, नो आबो परमेश्वरलो लागित उपहार गताक, हैलेदे हैलेय भन्या, 6 नो मीय ओ बाबुलो आदर दोओ मा परिई । यैलेदे जेरय जे परम्परालो खातीर परमेश्वरलो वचनलाई बेकम्मा जैदे जे लीज्या । 7 ए पाखण्डीर हो, यशैयाय जेराई बारेल ठिकज अगमवाणी दोदे इतानो हैलेकेर । 8 आउ मीरय या ओ थरय ङालाई आदर दोर, तर नोराई युङ ङा लेउङाई भ्या टाढा लीज्या । 9 नोरय ङालाई व्यर्थल आराधना दोर, कतान्ताकी नोरय या सीद्धान्तरलाई मीरय आज्ञा दोसीउ अनुसार पैर ।” 10 नो छिन्ङ याय भीडरलाई या छेउल या खुलो र हैयालेओ, थैच्यो र बुझीच्यो । 11 ह्याङाई भित्रल पसीन्या सु पाङ मीलाई अपवित्र माजयो बरु, जो पाङ ह्याङाई पाखाङ हुय, नोय मीलाई अपवित्र जयो । 12 नो छिन्ङ चेलार हुकेर र येशुलाई हैलेकेर, “जब फरीसीरय आउ पाङ थैकेर, तब नोर रिसीकेर । 13 येशुय हैयालेओ, हरेक विरुवाचजो स्वर्गल लेन्यार ङा बाबुय रोपीदे मालेर, नो भोसीन्या ले । 14 नोरलाई बाथङज राहाच्यो, नोर मीलुङ मा रहङन्या अबुबार लेर । यदी तोबो अन्धाय छुत्तो अन्धा मीलाई डोरैके भन्या नेहेबोलो ज खाल्ताल तेहेन्या लेर ।” 15 पत्रुसय हैओलेउ, “येशुलाई आउ दृष्तान्तलो बारेल गेलाई सम्झैच्यो ।” 16 येशुय हैयालेओ माहङक जे अझ मा बुझीन्या ज जेले ? 17 कता जेलाई थाहा माले, की जो वस्त ह्याङाई भित्रल पसी नो भुडील बाय र नो चर्पील पाखाङ पुलुय । 18 तर जो पाङर ह्याङाई पाखाङ हुय, नो युङङाई हुय आउ पाङर नो हो जोय मीलाई अपवित्र तुलयो । 19 कतान्याकी दुष्त विचारर, सैन्या, व्यभीचार,कामुक, अनैतिकता, कुनन्या, धुतैनदे गवाही योन्या सन अपमान युङङाई पुलुर । 20 आउ पाङरय मीलाई अपवित्र जयो । तर कुइ माछेदे ज्याउ ज्योकाई नोय मीलाई अपवित्र माजयो ।” 21 नो छिन्ङ येशु नङाई याबाओ र तुरोस सन सिदोन सहरलो यरिया लेउदे याबाओ । 22 र तोबो कतानी मेमा नो यरियाङाई पाखाङ ओहुओ । नो कीहीदे हैयालेओ, “हे प्रभु, दाऊदला जा, ङा तरल दया दोचीके; ङा मेमा ज झ्यालो आत्माय भ्या सतैसीदे ले ।” 23 तर येशुय तोबो पाङ पनि यामा पाङो । याय चेलार हुकेर र यालाई इतानो हैलेदे बिन्ती दोकेर, नोलाई आङाई परिङच्यो, कतान्याकी नो गेराई छिन्ङ किहीज्यार ।” 24 तर येशैया जवाफ योदे हैयालेउ, “ङालाई ईस्रायलला झिमला माहासीउ भेडार बाहेक कोहीर सका पनि परिङसीउ माहाङक ।” 25 तर नो मेमा ओ हुओ र याय ङाहाक घोप्टो तादे हैओलेउ, “प्रभु, ङालाई साहेता दोचीके ।” 26 याय जवाफ योदे हैयालेओ, “ओल्लो जारलो लाङदे जीमो कहारलाई योन्या उचीत माताय ।” 27 नोय हैयालेओ, “हे प्रभु, तर नो जीमो काहारय पनि या मालीकलो तेबुलङाई तेहेओ कोही जीमो टुक्रा ज्योर ।” 28 नो छिन्ङ येशुय जवाफ योदे नोरलाई हैयालेओ, “मेमा, न विश्वास माहान लीज्या । जेय इच्छा दोसीउ अनुसार जे लागीत गताक । र नो बेलालज नोलो मेमा जा सम्दुके ।” 29 येशु नो पो राहाकेर र गालाल समुन्द्ररलो छेउल बाकेर । नो छिन्ङ यार डाँडा रोत्त याबाओ र नल चुसीकेर । 30 घेओ भीड या लेउङ ओहुओ । होरय होराई सङल लङरा, मीलुङ मा रहङन्या, गुँगा सन लुजा मीर सन ज्वयो हाईसीउर भ्यारलाई रैकेर । नोरय येशुलो चरणल नोरलाई अर्पण दोकेर र याय नोरलाई चाओ याजयो । 31 गुँगा मीर पाङसीउ, लुलार समसीउर, लङगडार याबाररिउ, सन मीलुङ मा रहङन्यारय या रहङो, जब नो भीडय ओ रहङो, तब नोर अचम्म ताकेर । नोरय ईस्रायललो परमेश्वरलाई धन्यावाद योकेर । 32 येशुय या चेलारलाई या लउङ या खुलो र हैयालेओ, “ङालाई भीड तरल दया लागीदे ले, कतान्याकी नोर सोङ छाङाई ङा सका चुसीदे लेर र नोर सका ज्यान्यालो लागीत कताज माले । ङा नोरलाई कतार मा जेओईदे आङाई परिङन्या ङामा चाही, हकाई नोर यमल मुर्छा परिन्या मालेर ।” 33 चेलारय यालाई हैलेकेर, इतानो मरुभुमी पोल हालु भीडरलाई योन्या गेर कताङाई भरे दैन्या गेधुय ?” 34 येशुय नोरलाई हैयालेओ, “जेर सका खा गोता भरे ले ?” नोरय हैलेकेर, “सात गोता सन तकेजा जीमो ङाहार लेर ।” 35 नो छीन्ङ येशुय भीडरलाई नामल चुसीच्यो हैलेदे हैयालेओ । 36 याय नो सात गोता भरे सन ङाहा या लाङो, र धन्यावाद योसीउ छिन्ङ नो भरेर या क्याओ र चेलारलाई यायओ होकाई चेलारय नो भीडरलाई योकेर । 37 पारयज या जेओ र ह्वाङकेर । र होरय हेल्सीउ टुक्रा र दुप्केर र नो सात डालो ओताओ । 38 मेमार सन लुजार बाहेक जदराय ज्योकेर, नोर चार हजार मीर यालेउ । 39 नो छिन्ङ येशुय भीडरलाई या परिङो र नाउल या पुलुओ र मगदानलो यरिया लेउदे याबाओ ।