1 नो समयल शासक हेरोदय येशुलो बारेल ओ थयो । 2 होय ओ नौकररलाई हैओलेओ, “आउर वप्तिसमा योन्या यूहन्नार हो जो सिओङाई फरी जीउदो तादे लेर । नोकारण, आउ शक्तीरय हो सका हेन दोदे लीज्यार ।” 3 कतान्याकी हेरोदय ओ भाइ फीलीपलो ज्या हेरोदीयालो कारण यूहन्नालाई क्यो योदे यालाई पोहोदे झ्यालखानाल झादे यालेउ । 4 कतान्याकी यूहननाय नोलाई हैलेदे यालेउ, “नोलाई न ज्यालो रुपल नैन्या जे लागीत उचीत माले ।” 5 हेरोदय यालाई सैन्या ओ धुज्याउ, तर नो मीर सका ओ छेओ कतान्याभन्या मीरय यूहन्नालाई अगमवक्ता यामानीज्याउ । 6 तर जब हेरोदलो जन्मा छा ओहुओ, हेरोदीयालो मेमा जाय मीराई खार्ल ओ स्याओ र हेरोदलाई खुशी ओजयो । 7 नोलो इनाम नोलाई जो ओ निहीके भन्या पनि ङा योय हैलेदे हेरोदय बाचा दोदे कसम ओजेओ । 8 ओ आमैय ओ पैसीउ छिन्ङ नोय हैयालेओ, “ङालाई आउ ताँथील वप्तिसमा योन्या यूहन्नालो ङई योचीके ।” 9 राजा नोलो बिन्तीङाई भ्या निरास ओताओ, तर होय ओ सफतलो कारण होर सका रिला भोजल सामेल ताओर पार मीराई कारणय दोकाई राजाय इतानोज गताक हैलेदे आज्ञा ओयओ । 10 हेरोदय मीर ओ परिङो र झ्याल खानाल यूहन्नालो ङई पल्केर । 11 होकाई याय ङई ताँथील नैदे रैकेर र नो मेमालाई ओ यओ र नोय नङई ओ आमै लेउङ ओ लाङो । 12 होकाई याय चेलार हुदे याय क्याङलाई लाङदे गाडीकेर, नो छिन्ङ नोर बाकेर, र येशुलाई हैलेकेर । 13 जब येशुय आउ पाङ या थयो, याय नो पोलाई राहादे नाउङाई एकान्त पोल याबाओ । जब भीडरय आउ पाङ थैकेर, नोरय यालाई सहर लेउङाई बारिदे पछैकेर । 14 नो छिन्ङ येशु नोराई ङाहााक याहुओ र याय घेओ भीड या रहङो । या नोराई लेउदे दयाय भरिसीकेर र नोराई खार्ल लेउ ज्वरो हाईसीउरलाई या समयो । 15 जब ओदेक ओताओ, चेलार यालेउङ हुदे हैलेकेर, “आउ के तोबो उजाड पो हो, र घाम बादुके । भीडरलाई बिदा योचीके, ताकी नोर नाङ खार्ल बान्या गधुकरर या या लागीत ज्यान्या वस्तर लहङन्या गधुकर ।” 16 तर येशुय नोरलाई हैलेकेर, “आउरलाई टाढा बान्या आवशेक माले । आउरलाई जेरय कता ज्याउर योच्यो ।” 17 नोरय यालाई हैलेकेर, “गेर सका आङ जम्मा पाँच गोता भरे सन नेहेबोलो ङाहा याज ले ।” 18 येशुय हैयालेउ, “नो ङा लेउङ रैच्यो ।” 19 होकाई येशुय भीडरलाई चौरल चुसीच्यो लेदे आदेश यायओ याय पाँच गोता भरे सन नेहेबोलो ङाहा यालाङो । रोत्त स्वर्गल रहङदे याय धन्यावाद यायओ र भरेलाई या क्याओ होकाई चेलारलाई नो यायओ । चेलारय नो भीडरलाई योकेर । 20 नोर पारय ज्योकेर र हवाङकेर । नो छिन्ङ होरय ज्यादे हेल्सीउ टुक्रार बाह्र डालो भरी दुबकेर । 21 नल जेओर मध्ये मेमार सन लुजार बाहेक गोजाई पाँच हजार मीर यालेउ । 22 याय या चेलारलाई होपाईनाज कीस्तील चरिदे या भन्दा ङाहादे हुफीन्त बान्या या लगयो, जब की भीडरलाई चाही यायज बिदा दोन्या या चाहीउ । 23 याय भीडलाई परिङदे खेम्सीउ छिन्ङ याय डाँडाल प्रार्थना दोन्या याबाओ । जब पुरा रुपल ओदेज तादुके, या नल या बाथङज यालेउ । 24 तर नो बेला कीस्ती समुन्द्ररलो बिचल केदे ओलेउ, बतास तङदेङाई हुसीउ कारण हल्काय नो तङदे ओबाओ । 25 छकालन्या सोङ बजेल येशु समुन्द्ररल बारिदे नोराई छेउल याबाओ । 26 जब चेलारय यालाई समुन्द्रर तरल याबारिउ रहङकेर, नोर छेदे हैलेकेर, “आउ के झ्या ची हो” र नोर छेदे कीहीउ लागीकेर । 27 तर येशु नोर सका या पाङो र हैयालेओ, “ढाडस दोच्यो ! ङाज हो ता छेच्यो ।” 28 पत्रुसय यालाई हैओलेओ, “प्रभु, जेज हो हैलेकेर, ङालाई रिहील हुन्या आदेस योचिके ।” 29 येशुय हैयालेओ, “हुच्यो ।” नैतादे पत्रुस किस्तीङाई पाखाङ हुकेर आदेश योचिके ।” 30 जब पत्रुसय बतासलाई ओ रहङो नोर छेकेर । जब हो डुबीउ थालीके, होय किहीदे हैओलेउ, “प्रभु ङालाई बचैच्यो ।” 31 येशुय होपाईनाज या कुई पसारिदे पत्रुसलाई या केओ र होलाई हैयालेओ, “ए अल्प विश्वासी ! जेय कतान्या संका जेदोओ ?” 32 नो छिन्ङ जब येशु सन पत्रुस कीस्तील याबाओ, तब बतास ओ थामीउ । 33 नो छिन्ङ कीस्तील ताओ चेलारय येशुलो आराधना दोकेर र हैलेर, “साँचो ज जे परमेश्वरलो जा जे हो ।” 34 जब यारय समुन्द्रर पार दोकेर यार पार गने सरेतलो पोल केकेर । 35 जब नो पोला मीरय येशुलाई सरेकेर, नोरय येदे होदेला पार यरियाल नो समाचार खबर ओ फैसीउ र नोरय ज्वरो हाईसीउर पारलाई या लेउङ रैकेर । 36 नोरय यालो क्वालो तोबो छेउ याज छुइन्या गे दैके हैलेदे यलाई बीन्ती दोकेर र जोरय छुइकेर पारज सम्केर ।