¹ येशुय या बाह्र जना चेलारलाई या पयो छिन्ङ नोराई सहरल पैन्या सन प्रचार दोन्या या नङाई याबाओ । ² होकाई जब यूहन्‍नाय झ्यालखानाङाई ख्रीष्‍टय दोसीउ हेनरलो बारेल या थयो, याय या चेलार लेउङाई तोबो खबर या परिङो, ³ र यालाई हैलेकेर, “कता हुन्यार जेरज जे हो, सै कोही छुत्तो मीर लेर जोलो गेरय आसरा दोन्या ताय ?” ⁴ येशुय उत्तर यायओ र नोरलाई हैयालेओ, “जेरय जो रहङसीउ सन थैदे जेले बादे यूहन्‍नालाई हैलेच्यो । ⁵ मीलुङ मा रहङन्यारय रहङजार, लङ्गडा लेउ मीर बारिज्यार; कुरीर सम्दे लेर, ना माथैन्यार थैज्यार; सिओ मीरलाई फरी जीवनल सओल्सीदे ले होकाई खाँचोल तासीउ मिरलाई सुसमाचार हैलेसीदे ले । ⁶ होकाई नोर धन्यला लेर जोय ङालाई नोरलो लागीत कोही बादा मा सम्झीर ।” ⁷ हुसीउ मीर याय यमदे बाकेर, येशुय भीडरलाई यूहन्‍नालो बारेल हैलेन्या लागीकेर, “जेर उजाड पोल कता दोन्या जे बाओ बतासय हल्लैन्या नीङालालाई रहङ्या । ⁸ जेर कता रहङन्या पाखाङ जेबाओ, मलमललो क्‍वा क्‍वाईसीन्या मीरलाई रहङन्या ? साँचोज हैङाले मलमललो क्‍वा क्‍वाईसीन्या मी के राजाराई दखार्ल चुसीर । ⁹ तर जेर कता रहङन्या पाखाङ जेबाओ, कता अगमवक्तालाई रहङन्या ? हो ङा जेरलाई हैङाले अगमवक्तार भन्दा पनि माहान मीलाई । ¹⁰ होर नोरज जोलो बारेल इतानो सरसीउ ले, “रहङच्यो, ङा जेरलो ङाहादे ङाहादे ङा मी समाचार बाहकलाई ङा परिङज्या जोय ङा हुन्या भन्दा ङाहादे जेराई लागीत यम तयार जैन्या लेर ।” ¹¹ साँचोज ङा जेरलाई हैङाले, मेमारङाई जर्मीसीउरल वप्‍तिसमा योन्या यूहन्‍ना भन्दा माहान अबुर सुज माले । तर पनि स्वर्गलो राज्यल पार भन्दा जीमो मी होर भन्दा महत्वलो ताई । ¹² वप्‍तिसमा योन्या यूहन्‍नालो छाङाई आर्क सम्म स्वर्गलो राज्यय जोर सका भोगीदे लीज्या, र माचाउ मीरय आउलाई बल सका क्योर । ¹³ कतान्याकी यूहन्‍ना मा हुकाई सम्म पार अगमवक्ता सन व्यवस्थाय अगमवाणी दोदे यालीज्याउ । ¹⁴ होकाई यदि जेरय एलियालाई दैन्या युङ जैदे जे लीज्या भन्या, हुओ परिन्या एलीया नोरज हो । ¹⁵ जो सका थैन्या नाले, नोय ग थैक । ¹⁶ आउ पुस्तालाई ङा कता सका तुलना ङा दोके ? आउ के बजारल रैहीसीन्या लुजार मितानो ले, जो चुसीई र तोबो छुत्तोलाई खुलो, ¹⁷ र हैलेय गेय जेरलो लागीत बाँसुली गेतबो, होकाई जेर होकाई जेर जेमा स्याहाओ । गेरय चीन्ता गेदोओ, र जेर जेमा धरो । ¹⁸ कतान्याकी यूहन्‍ना भरे ज्यादे सन दाखमद्य ओँहोदे यामाहुओ होकाई नोर हैलेर, ‘नोलाई झ्याय लागीदे लीज्या ।’ ¹⁹ मीराई जा ज्योदे सन ओँहोदे हुकेर र नोर हैलेदे “रहङच्यो, हो तोबो घीचवा मी हो होकाई ओँहोन्या, कर सोचैन्यार सन पापीरलो सङी हो ।” तर बुद्धी चाही नोलो हेनरय सिद्ध ताय । ²⁰ जब येशुय नो सहरलाई या हप्कयो, जोङ यालो भ्या शक्तीशाली हेनर तादे ओलेउ, कतान्याकी नोरय पश्‍चताप दोदे यामालेओ । ²¹ धीक्‍कार नङलाई, ए खोराजीन ! धीक्‍कार नङलाई, ए बेथसेदा ! यदी नङल दोसीउ शक्तीशाली हेनर तुरोस सन सिदोनल दोसीउ ताकीन, नोरय भ्या ङाहादोज भाङरा सन खरानी जासीदे पश्‍चताप दोन्या यालेउ । ²² न्यायलो छाल जेराई लागीत भन्दा तुरोस सन सिदोनलो लागीत इन्साफ अझ भ्या सहीसीन्या मीतानो तान्या ले । ²³ नङ कर्फनहुम, कता नङ स्वर्गल छेन्सीन्या ले हैलेदे न सम्झीज्या ? माहङक, नङलाई मेल पतालल झरैसीन्या ले, कतान्याकी यदी नङल दोसीउ शक्तीशाली हेनर सदोमल दोसीउ ताकीन, नो आछिम सम्म पनि रहिन्या ओलेउ । ²⁴ तर ङा जेरलाई हैङाले, “की इन्साफलो छाल नला गीत भन्दा सदोम मुलुकलो लागीत सजीलो तान्या ले ।” ²⁵ नो बेलाल येशुय हैयालेओ, “बाबु, ङा जेय प्रशंसा ङादोय हे स्वर्ग सन पृथ्वीला मालीक, कतान्याभन्या जेय आउ पाङर बुद्धीमानी सन समाज दाररसका जे मोहोओ, र नो अनपढरलाई प्रकत जे जयो जो जीमो लुजार मीतानो लेर । ²⁶ हो, बाबु, कतान्याकी जेय मीलुङल आउज युङ लागीसीउ ओलेउ । ²⁷ ङालो बाबु लेउङाई पार पाङ ङालाई योसीदे ले । होकाई बाबु बाहेक जालाई सुयज मा सरेर, होकाई जा सन जाय प्रकत दोन्या इच्छा दोसीउ मीय बाहेक बाबुलाई सुय मा सरेर । ²⁸ ङा लेउङ हुच्यो जेर पार जोय हेन जेदोज्या र गिओ भारिय लडेसीउ जेले, होकाई ङा जेरलाई विश्राम योन्या ङाले । ²⁹ ङा जुवा जेराई तरल लाङच्यो र ङा लेउङाई पैच्यो, कतान्याकी ङा नम्र सन कोमल युङलो ङा लीज्या, होकाई जेरय जे आत्मालो लागीत । ³⁰ कतान्याकी ङमी जुवा सजीलो लीज्या र ङामी गीओ माले हलुङगो लीज्या ।