1 Tankwetaanghisibhuwa kubhahandikila bhikaniye haabhikwetoo sente muteghekiye kuhaayo kukonela bhahikilija bhaa Yelusalema. 2 Nanga nimaniye ngoku mwehaayeyo kubhakoonela tinaabhasindogha haabwakuhayo kwanu oku ningambila bhahikilija bhamu Makedoniniya, nti enuwe bhahikilija bhamukyalo kya Akaaya kulugha mwakaghuhayo mwetekaniye kuhayo bhukoneli obhu, kandi kwekamba kwanu kuha, kwalekiye bhaahikilija bhamumakedoniya bhakaniye bhatandika kuhayo 3 Bhaatu ndi matuma bhana kyanje bha satu abhakukonela enuwe, nikuwo kwesinda kwatu tutimwetekaniye kuhayo kutabhakwa bhisuba, batu niikusomugube kwetekaniza ngoku naghiliye nti mwetekanije kuhayo. 4 Kakubha bhamuimubhaikilija bhomu Makedoniya bhasa nanje ekolinto eghi, tibhasanga mutetekanije kuhayo sie nkuhemuka abhwkwesigha nti mukahayo ti enuwe mukusaliya muhemuka. 5 Nahabhweki, nelilikane na bhona inkyetaghisibhuwa kuduba kutuma eghi bhyana kyanje abha, kutoho nteghaka kulola ngu kisembo mweleghisaniye kuhayo kyatekanijibhuwe nikuo ninaseye nsange kili kisembo eki mukuhayo abhwa bhwenge bhwani, etalikubhahambilija. 6 Musuke ekinkubhamasia ningu: oghu akuhelagha bhikee akukesagha bhukee, oghu akuhelagha bhikaniye akukesagha bhikaniye. 7 Bhuli muntu abonganuwe kuhayo kusighikila ongoku atuyemu amutima guwe atalinga muntu atuntuye keda bhalambilije kuhayo nanga Luhanga akundiye oghu akuhaghayoadeduwe. 8 Ti Luhanga akuguba kubhaghilila ngughuma, bhwile bhona abhahaghe bhyona ebhi mukwetaghisibhwa, nikuwo mugube kukola bhikoluwa bhisemeye bhyakukonela bhantu bhanji. 9 Nanga muntu oghu akuhoghoya adedewe, akubhagha ngoghu ebhyahandikuwe bhibhughiyo bhiti: << Akuhagha bhana kaadedewe, tikikoluwakiye kihikiliye ekikukukolaho bhilo ne bhilo>>. 10 Luhanga oghu akutaghalansigho esibhantu bhakuhelegha silughamubhyakulia bhikaniye akubhahela kimwi dee bhikaniye kandi mutunge ebhikamala kukonela nabhamui mubhiyetagho. 11 Luhanga akubhafola bhayuda kwoonini mumilingo yona nikuwo mugube kubenga ambali aliyo kyetagha kyona, kandi kisembo kya bhyenge bhyanu eki, tukakukikidiya mubhaikilija bha Yelusalema, kikuleka bhasinde Luhanga. 12 Kuhayo kwanu sente syakukonela bhaikilija bha Yelusalema takuli kwonkaa kuhayo abhwa kyetagho bhali nakyo batu dee, eki mubhakoleye, kikuleka bhantu bhakaniye bhasinde kwonini Luhanga. 13 Nanga bhantu bhakakubhona ngoku mulibhenge kwonini, bhakusinda Luhanga, abhwanu kwikilija makulu ghasemeye akilisito kandi kukola ebhi akulaghilagha titamukubha mukoneye bhahikilija abhabhonkaa baa, mukubha mukoneye habhantu bhanji dee. 14 Tibhalakabhagha mbasabhila enuwe ewa Luhanga bhalabhasukagha abhwa ngughuma siamani siakukonela esi Luhanga ahaye enuwe. 15 Luhanga asimue abhwakutuha kisembo kiye kyamwana wee Yesu.