1 Hatini bhahikilija bhwana kyanje, tukubala mumaue ngoku Luhanga aghiliye ngughuma bhaikilija bhomu kyalo kya Makedonia. 2 Nanaba bhatabhagha bhakoye mukasinge abhwakubhabhona-bhoniya, kudeduwa kwabho kukaleka bhohelaja kimwi sente nankaba mbabhagha bhanako. 3 Nkubhugha majima nti, bhakahayo kwanini kusaliya ngoku bhagubagha abhwabho bhonkaa muntu atabho bambilije. 4 Bhakatusabha munu tubhasimilaniye na bha dhee bhabhe na mugisa ghwa kuhayo kukonela bhahikilija bhyana kyabho bha Yelusalemu. 5 Bhakahayo kusalia ngoku twabhanihilagha nanga bhakaduba bhehayo kukola ebhidediye mukama, dumbi bhakala ebhitwabhaghambilagha kukola kusighikila haantegheka ya Luhanga. 6 Habhweki tukasabha mukoli munakyatu Tito, ngoku abhatandikisiye mulimo ghwa ngughuma ghwa kukumania bhukoneli obhu ase aghumalilije. 7 Batu ngoku Luhanga agubisiye enuwe kusalioo bhaikilija bhyana kyanu abha, mukwikilija, kumanya bhutumwa bhwa majima, kandi kumanya kweghesia majima agha, kandi mukukonela bhantu bhanji, kandi namukutukunda, mulole ngu mwahayeyo kusalia bhaikilija bhyana kyanu abha. 8 Tankwete kubhalaghila batu ankubala kukolamajima gha kukunda kwanu, kubhalengesaniya na kwekamba kwa bhahikilija bhyana kyanu abha. 9 Mumaniye ngoku mukama watu Yesu Kilisito atughilie ngughuma, nankaba na bhagha muguda, aa bhwanu akafola munako, nikuo enuwe kukwama mubhunako bhuwe mugube kubhabhaguda. 10 Kyelilikano kyanje akikwetoo kuhola kwanu ningu: mwakaghuhayo, ninuwe mwadubiye kwehayo kukumania sente syakukonela bhaikilija bhana kyanu kandi dhee ninuwe mwadubiye kutandika kusikumania. 11 Nahabhweki mulimo mwatandikiye oghu mughumalilije, kusighikila ebhimulinabhiyo, nikuo kyolilee bhwekambi malekiye maghutandika. 12 Nango muntu nanehayo kuloye, Luhanga akusima bhisembo bhyabhu kandi obhu kusighikila ebhi muntu atalinabhiyo. 13 Kwekumbula kwatu takulikutunga bhonji kuhayo nikuwo enuwe bhakaa alinuwe mwabhona bhona kukolela bhantu bhonji, bhantu tukubola abhaa abhobhwenganija. 14 Ndindi ngoku enuwe mulina bhukanie, mubanginuwe kuha bhyana kyanu ebhibhakwetaghisibhwa, nikuwo bhwile bhunji nabhoo bhali nabhikaniye, bhabhahe ebhi mukwetaghisibwa eki kubha ekyoleka bhwenganija ngobhaikilija. 15 Nanga ebhyahandikiwe bhikughilagha bhiti:<< Muntu bhaghu akumaniagha bhikanie tabhikagha bhikanie tingo ku akumaniagha bhikee tabhuluagha kantu.>> 16 Kusima kwa Luhanga oghu akaha Tito mutima ghwa kufuo ngoku nanjemba fuyo. 17 Nanga obhu twamusabhiye kwisa eghi asima, kandi adeduwa kimwi eye eniniabwe abhagha asanguwe nabala kwonini kwisa eghi kubhalola. 18 Tuli anamutuma eghi nakumwikilija munakyatu anji aghu bhibula bhya bhaikilija bhoona bhikwete kusinda abhwa kweghesiagha kusemeye makulu ghosemeye gha Luhanga. 19 Muhikilija munakyatu ogu, bhaikilija bhanji nibho bhamukomiye kughenda natu eyelusalema kutwalayo sente sya bhukoneli kubala kwatu ningubhukeneli obhu bhuleke bhantu bhautiye mukama, kandi bhamane ngoku twehayeya kukonela kibula kyabhaikilija bhyana kyatu. 20 Tukubala kwetantola bhaikilija kutusoghosa abhikwetoo bhisembo bhya sente esikukwete kubhaghambila bhaikilija kukumania. 21 Nibhuo kwehayo kwonini kukola ebhikilie etali Mukama enkaa kubhana ongokutukwete kukola ebhikiliye, batu nabhantu bhamanie ongoku tukwete kukola ebhikiliye. 22 Bhantu bhabhili abha bhakwisa eghi dee namukilija muna kyatu onji amwi oghutumaniye mumilingo ekaniye ongoku akukolagha kusemeye mulingo ghwa Luhanga adedenuwe kwisa eghi nanga bhwesighibhwa bhwamani alinabhuo abhwanu. 23 Tito eye tukughendagha naye hona hona kandi nimukoli mwana kyanje ewanu egi ekikwetoo bhana kyatu bhahili abha linaye, mbatumuwa abhakibula kyabhakilija bhatumiye kwisa ewanu eghi tiebhi bhakukolagha bhikulegha bhantu bhahutiya Kilisito. 24 Nahabhweki muleke bhasasa abha kukunda kwanu nikuwoo bhibula bhyaikilija bhagube kumanya ekikulekagha twesinda tuti mukundiye kibula kyabhaikilija bhana kyanu.