1 Bhaikilija bhyanakyanje abhakundie, nguku Luhanga atulaghanuje ate, akubha esetuwe natutubhe bhana bhe tubonganuwe kwe tantala. Kintu kyona kibihiye ekikubaya emibili yatu. Tubhe bhahikilie kwo nini abhwakukola yuhutiye Luhanga. 2 Nguku nali nisanguwe nibhahandikiye gutu mutu kunde. Obhutwabhagha eghi tutwasobheleiye muntu nomui kandi titwalengio kubhaya ebhyano mumulinga ghutaikilie. 3 Takwe kubhugha kinikusoghosa bhamui muenuwe abwakunkola kubi, nkabha ninabhaghambiye ngoku tubhakundiye kandi tukweyongela kukola tunabhakundiye nankaba nobhu kiki kyona kibhoo. 4 Nkimanie kwanini ngoku mukukola ebhi nabhaghmbiye nkakubhagha nimbugha na bhantu bhanji nkubhasindigha enuwe abhwebhi mukwte kukola nkabani mbonabhona, nkakusugha kimui kwonini. 5 Obhutwakidie Makedonia, tatwatungie kasinge baa. Ngighu siatu syatuntulia, tolitwaghuwagha twayungiye ekikubhoo bhaikilija. 6 Noo Luhanga oghu akulekagha abhantu tuye bhadedua, akaleka twadedua abhwakusimilana muikilija Tito ambali toli. 7 Ekyatudediye takulo Tito kwisa amboli toli kwonkaa, noo makulu ghanu atuhaye ghatudediye akutughambila nguku mukwete kwonini kubala siye kwisa eghi kubha bhungila atoda atughambila ngunibhio mwekamba kukola ebhi mboliliye kwonini, tibhikoleka kudedua kwanje kweyongela. 8 Nankababaluwa nadubiye kubhaandikila niyalekie mwosoliluwa, nkatwamukubhona kisemeye kubhatwakelayo. Nkadeiba nabho nandi muntu asobheiye kubhatwekelaye, nanga ekoleka mwasolilwa, noo ekaleka mwasaliluwa abhwele bhukee. 9 Endindi ndedeuwe, noo teli abhwanu kusaliluwa niabhwa Luhanga kuleka musaliluwa mutuyo nikuo mugube kwekukamu bhibi byanu, toli mukusaliluwa oku tolio nomui oghu kibi kyona kya bhayo baa. 10 Luhanga kusimilania mutu kusaliluwa atiyo abhwa kibi akolie kikulegha muntu oghu ekukamu kandi ajunua kifubhilo kya Luhanga, kandi takutodogha abha neki antuntuliye, noo bhuntuntula bhyansieni bhikuletagha luku. 11 mulole ebhikuntuntulo oku kwalekiye ebhi muabha nabhiyo. Mukatoo luku na nkokola ebhidedie Luhanga, mwabola kweyolika ngoku mutali na kyona eki musobheye, mwasaliluwa kandi mobha Luhanga kubhafubhila, muekumbula sie kutoda kuisa eghi kubhalola kyaleka mweghendeleseja mwebhi mukukola, kandi mwabola ekihikiye kukoluwa abhwoghu akukolagha ekibi. 12 nabhweki nankaba ninabhaandikiye balua eghi taybhagha abhwo muntu oghu akukolagha kibihiye, keda oghu asombhelie noo nikuwoo mugube kumanya ngoku Luhanga ananie mutayo luku na nkokolakutuhutiya. 13 Ebhimukwete kukola byalekiye twaguma toli tukadedua abhu mukoli mwanakwatu Tito atughambiye ngoku ebhimukwete kukola bhikoleka adeduwa kandi mutima ghwa muhumulikana omunda. 14 Nkabha ninaghambiye ngoku nkwepankangha abhwebhimukwete kukola toli tamwempemuye noo ngoku ebhitwabhaghambilagha byona bhyabhagha majima, nabhweki nguku twabhaghambie tuti tukwepankagha abhwanu ghabhagha majima ghonini. 15 Endindi eyongeye kubhakunda, nanga akusukagha ungukubhakaniye muenuwe mwategheleiye kwonini. 16 Toli siendedeuwe kwonini, kandi nabhesighiye kimwi abhwebhimukwete kukola.