1 Siye Paulo ndimabhasabha ndoti kandi ntekaane nguku Kilisito akolagha nankaba bhantu bhanji mbakughilagha bhati nkakubhagha ndi eghi mbanobha, baiti ntali eghi nsakala. 2 Ndima bhesengelelia nti obhu nkuisa eghi ntasakola ngoku nabalagha kusakala abhwa bhamui mu bhantu abhakwelilikanagha bhati enuwe nibhuo twanetwalikania ngoku abhatali bhaikilija bhakwetwalikaniagha. 3 Nankaba tuli munsi muni nga bhantu bhanji bhona tatukuluanisiagha abhakutuluanisiagha ngoku bhatali bhaikilija bhakukolagha. 4 Bhyakuluanisia bhyatu, tabhili bhighambo ngebhi abhatali bhaikilija bhakubhegha baitu bhighambo bhyatu bhili na bhutoki bhwa Luhanga kumalia mani ghongi ghu siatu ngoku muntu angu maloo bhwebhisilo bhwangighe yee. 5 Tukumalaghoo kuhakangana kuona na mie panko tabhuli milingo eghi ekulekagha bhantu bhatasima makulu ghasemeye gho Luhanga tukulegha bhantu bhaindula ntekelaja yabho nikuo bhautia Kilisito. 6 Tu enuwe nimwautie kwonini Kilisito dumbi tukwetekanija kufubhila bhona abho nakukola bhikolua bhwabhutaghuwa. 7 Enuwe tamwetegheleliye ungu kakubha muntu abha amanie kwonini ati nimuhelelia wa Kilisito, abonganuwe kumanya dee ngu natu tuli kwonini bhahelelia bha Kilisito ngoku naye ali. 8 Tanku kwatuwa nsoni kwesinda kwonini abhwabhutoki obhu mukama Kilisito atuhaye akatuhabhuo kugumia kwikilija kwa nu etali kuleka nkukughilila, ekintakuhemuka abhwakyo baa. 9 tambalie kubha nga muntu akwete kulenga hoo kubhahandikila balua siyakubhabhaililia. 10 Nanga bhamui muenuwe bhakughila bhati:<< Paulo akuhandikagha balua sisakaye kandi siamani batu nabha ali eni abhamwobha kandi abhugha ebhitali namughaso.>> 11 Bhantu ngabhabhalinaa kumamya ebhi tukuhandikagha mubalua tatuli eghi nibhuo bhwonini tukukolagha. 12 Tatukwetaghisibhwa nakwelenganisia keda kwesusania nabhamui mubhantu abhekwete kwesinda bhonini bhakwelilikanagha bhati mbagheji kusalia bhantu bhanji, tibhabala kweyalika ngu ebhabhasaiye bhantu bhanji eki kikwalekagha ngoku bhalibhadoma. 13 Etuwe tatukwesindogha abhwakinti eki tutaikilijibhwe kwesinda abhwakyo baa tukwesinda abhwamulimu aghu Luhanga atutumiye kukola, tinanu muli kitwike kya mulingo oghu. 14 Tanibhuo twesinda kusalukane ngoghu oti tatwaikiye ewanu eghi bhaitutwaikiye nanga nitiwe twadubuye kwisa eghi kubhatebhejoo makulu ghasemeye gha Kilisito. 15 Tatukwesinda kusalukane abhwamulimo ghwakutebheja oghu bhantu bhanji bhakaliye mukikalo tikunila kwatu ni ungu, ngoku kwikilija kwanu kukweyongela kukula, mukutukonela kubhatekaniya mulingo ghwakutebheja ewanu eghi. 16 Nikuwa etuwe tugube kughenda kutebheja makulu ghasemeye gha Luhanga mubhikalo bhinji ebhiselanoo nanu amba limuntu onji atakaikiye. 17 Nanga kiandikiwe ngu << oghu akwepanka aleke epankile mumukama>>. 18 Timuntu wena nisindiye enini mukama Kilisito takumusinda baa, kuyoo akusinda aghu eye enini asimiye.