1 Nabhweki tatukuhuwa maani kukola milimo ghwa kutebheja baa, nanga mu ngughuma siye niiye akututuma kughukola. 2 Toli tukubengagha kukola bhikoluwa ebhikuhemulagha ebhi bhantu bhakukolagha kibhiso; tatukuhagha bhisuba kandi tatukuhindulagha kighambo kya Luhanga. Noo, tatukubhughagha majima gho nini niikuwo bhuli muntu wena etegheleliye, kandi Luhanga niiye amaniye ngoku tukubhughagha majima. 3 Nankaba bhantu bhanji mbakughilagha bhati tabhakwetegheleliyagha makulu ghasemeye agha tukweghesiyagha abhatakughetegheleliyagha ni abhatakughenda kuhwelekelela; 4 Sitani aghu alemiye nsi eni, niye atangiye bhuyelilikano bhya abhatali bhahikilija, nikuwo bhatabhona kyeleli ekili mu makulu ghasemeye hali Kilisito watu oghu ali na kitinisa kandi oghu atwolekiye Luhanga ngoku ali. 5 Tatukwetebhejagh'o baa, tukutebhejagh'o Yesu Kilisito nga Mukama, eki tukwetebhejagh'o ni ngu etuwe tuli bhaheleliya bhanu, habhweki Kilisito aatukoleeye. 6 Nanga Luhanga oghu akaghila ati; oleke kyelelikibh'o ambali mwilima ghwabhagha, niye akatuha bhutumwa bhuwe kubha nga kyelelili mu mitima yaatu kuleka ntwetegheleliye kitinisa kiye ekyolekeuwe mu Yesu Kilisito. 7 Bhutumuwa obhu ni makulu ghasemeye gha mughaso munu, agha Luhanga atuhaye etuwe bhakwenda, abali bhacheke nga minagha y'ebhumba, kyoleka ngu bhutoki bhya maani bhyatu kutebheja bhutumuwa obhu lughiye ewe etali mu etuwe. 8 Tukubhagha na bhijibhu bhwile bhyona, noo takikulekagha tuhuwa mani, bhunji tatukumanyagha kyakukola, noo tatukuha wagha maani. 9 Bhantubhakutubhona bhoniyagha etuwe bhakwenda, noo takutulekagha etuwa bhokaha ngighu syatu syatuhutaliyagha noo atabhasimilaniya kutwita. 10 Tukwehighuwagha bhwile bhyona tuti bhantu bhakutwita ngiku shatiye Yesu, nikuwo abhwatu bhanji bhagube kubhona ngoku Kilisito ali mwomili. 11 Tukukalagha tuli mu kibi kya kukuwa habhwa kuheleliya Kilisito, nikuwo bhantu bhagube kumanya ngoku Yesu ali mwomili mu mibhili yaatu eghi bhwile bhwona ekukuwa. 12 Nabhweki nankaba etuwe tuli mu kibi kya kukuwa kini kikulugha mu enuwe bhwomili bhutahuw'o. 13 Haliyo ambali kihandikuuwe nihikilije kandi nkubhugha ekilekiye nimuhikilije naatu nikuwo tukukolagha nga muntu oghu tukughambiagha bhantu ekilekiye tumuhikilije. 14 Tmaniye ngu ngoku ohumbuye Mukama Yesu naatu alituhumbula naye, nikuwo etuwe vona atulete ambali ali. 15 Kandi ebhi bhyona bhikabh'o nanga enuwe, nikuwo ngughuma sya Luhanga esikwete kuhik'o bhantu bhanji sibhaleteleje kumusima kandi bhamuhutiye kwonini. 16 Nabhweki tatukuhuwagha maani baa, nankaba mibhili yaatu eni ebha eli ya kukuwa akugumiyagha myoyo yaatu bhuli kilo. 17 Kubhna bhona kyatu endindi ni kintu katii munu kandi takumal'o bhwile bhukaniye, noo kukutulughilamu kitinisa kyamani kya bhilo n'ebhilo. 18 Tukakulolagha haa kubhona bhona tukwetekubhona bhona endindi tukulolagha mu maso ghatu n'eki tutabhone endindi, oku nakuwo endindi kukuhuw'o, noo kudhedhwa tukubha nakuwo nkwa bhilo n'ebhilo.