3

1 Bhuuye ndutwesi'nda etuwe bhonini? Kedha bhuye nga bhantu bhanji naatu tukwetaghisibhuwa mabaluwa bhatu kutusobholol'o ewaanu, kedha ga kulugha ewanu gha tubobholol'o mu bhantu bhanji? 2 Niinuwe muli nga baluwa ya kutwanjula, eghi e handikuwe mu mitima yatu, eghi e kengeuwe na kusomuwa na bhantu bhona. 3 Ekyalughiye mu mulingo twabhakoleye mu eghi, kikaleka mweyoleka nga baluwa elughiye ewa Kilisito, eghi bhatahandikiye a lupapulo na inki, noo eghi moyo wa Luhanga mwomili ahandikiye, etali eghi bhahandikiye haa bhihande-hande bhya mabhale, noo eghi bhahandiikiye haa mitima ya bhantu. 4 twesighiye Luhanga mu mulingo ogu haabhwakuhikilija Kilisito. 5 Tatukuguba kukola kintu kyona haabhwa maani ghatu, noo maani aghalughiye ewa Luhanga niigho ghakuguba kuleka ntukola kintu kyona. 6 Nabhweki niiye akatufola bhaheleliya bhe bhandagano mpyaka na ya moyo ahikiliye, nanga baluwa ekwitagha, noo moyo akuhagha mwomili. 7 Toli bhutumuwa bhwa bhilaghilo ebhi ambele Musa ahandiikiye ebhaale kukale teleja luku, nankaba mbatandikuye na kitiniisa kya Luhanga kyamaaniye bhwile obhu bhana isaaleeli tabhagubiye kubhona musa aliiso, nanga aliiso yee abebenyagha abhwa kitinisa kya Luhanga. 8 Bhuuye alakabha noolekiye atiyo kitinisa kiye mubhwile obhu, takusaliyoo kukyoleka mu mwoyo ahikiliye obhu akubha naaha bhantu mwomili! 9 Bhakabha mbahutiyagha bhatumuwa bhya bhilaghilo ebhikubhabingisiyagha musango, bhabo nganuwe kuhutiya kwanini bhutumuwa obhukuleka mbabhabhalikiliye. 10 Ntwalengesaniye kitinisa kya ndagano yambele, takyenganiye na kitinisi kya ndagano mpyaka baa. 11 Toli obhu ekikuhuwo kilabha nkyasaiye mu kitinisa ekitakuhuwo kibonganuwe kubha na kitinisa kisaiyo. 12 Nabhweki tuli na kubhuga tugumiye, nanga kitinisa kya ndagano mpyaka eghi nkya bhilo n'ebhilo. 13 Tatuli nga Musa, oghu eswikilagha aliiso kitamala nikuwo bhana isaleli bhatabhona ngoku kubebeniya oku abhagha nakuwo aliisa kukwe kumuhuwo. 14 Noo, tabhetegheleiye nanga kutimbikana kwa mitima yabho toli kuhikiya n'endindi nankaba bhasoma ebhili mu ndagano nkulu, ekili nga kitambala eki kikubhakalagha haa maaso. Kuhikilija kilisito nikuwo kubhay'o kiyo. 15 Nankaba n'endindi bhakakubhasomelagha Musa, tabhakubhikengagha ng'oghu oti kitambala kiswekiye bhyelilikano bhyabho. 16 Noo muntu wena akakumalagha kuhikilija, kitambala eki kikumulughagh'o. 17 Kundi, mukama niye moyo, na akutukolelagha mu habbhwa maani gha moyo , ti moyo wa mukama niiye akutuhagha bhughabhe. 18 Etuwe bhahikilija bhona tuli na kwoleka bhantu kitinisa kya Mukama watu, moyo oghu ndu atuhindula kufaka nga Mukama watu oghu kitinisa kyatu kikughenda nkineyongel, toli oghu akukolagha mulimo oghu ni Mukama oghuali na moyo.