2

1 Nahabhbhweki nkatuwamu kutatodha kubhabhungila eghi, nanga ebhi ni ngutodiye kubhaghambila bhwangu bhaletelije kusaliluwa. 2 Nanga tambaliye enuwe abhakulekagha ndhedhuwa mbasaluje. 3 Nikiyo kyalekiye nabhahandikila baluwa elietiyo. Nikuwo ninasiye eghi ntaghuwa nsaluuwe habhwanu kukula ebhi nabhaghambiye mu baluwa eghi ninasiye eghi ndedhuwe kandi naanu mudhedhuwe dhee. 4 Nkabha handikila nsaluuwe kwonini mutima ghunsaliye munda kandi maligha ngatona tanabaliye kubhasalija noo mukenge ngoku mbakundiye kwonini. 5 Ebhikwet'o oghu akoliye kintu kibihiye ekyabhasalije, asaliye enuwe bhono kusaliya ngoku asaliye siye. Noo, tambaliye kutimbikaniya ebhikwet'o musango ghuwe oghu. 6 Kifubhilo eki bhakaniye mu kibula kyanu mwanuhaye kimumaliye. 7 Mubonganuwe kumughanila kandi kumugunagumiya, nikuwo bhituntulo bhikaniye bhitamumala maani. 8 Nabhweki ndimabhatelelela nti, mutodhe mumukunde. 9 kighendeleluwa ekyalekiye nabhahandikila baluwa eli, kukabha kubhalengesa bhikoluwa bhyanu kukola majima mulabha nimukola bhyona ebhi nabhalaghiye kukola. 10 Nimwaghaniye muntu, nanje nkumughanila dhee toli nkakughanilagha muntu abhweki abonganuwe kughaniluwa, nkukikolagha habhwa Kilisito kandi mu mulingo ghukubhaghasila. 11 Nikuwo Sitani atatudimaaga. Nanga tumaniye milingo eghi akudimagilagha mu bhantu. 12 Toli obhu naghendiye mu kibhugha kyatulowa kulangilila makulu ghasemeye haa Kilisito, nasaanga mukama Yesu amaliye kuteghekela yo mugisa ghwamani kulongilila makulu ghasemeye agha. 13 Nashweki, natuwamu kulagha bhantu bhay'o, nalughayo naghenda e Makedoniya. 14 Nkusima mukamaLuhanga, oghu akulekagha tusingula mu bhyona na hoona ambali tukusalilagha mulina lya Kilisito bhuli kilo nikuwo bhantu bhakaniye bhamumanye. 15 Nabhweki tuli kisu kisemeye ali Luhanga kusalila Kilisito mu bhona abhajunuwe kandi nabhakuhwelekeliya. 16 Bhanji kubhanunkila kubi nanga dumbi kubhaleteleja luku, bhanji kubhanunkila kulungi dumbi bhukubhahagha bhwomili bhuye ni ani ali na maani kukola mulingo ghwa maani ngoghu? 17 Nanga tatukukolagha bhya kulima-limiya mu kighambo kya Luhanga, ngoku bhanji bhakukolagha; noo ni mu majima, kandi mu luhande lwa Luhanga kusalila mu Kilisito.