1 SYe Paulo, mukwenda wa Kilisito Yesu abhwa ntegheka ya Luhanga, na muhikilija munakyatutimuserua, twahandikila baluwa eni enuwe shahikilija b'omu kolinto, hamui na bhahikilija bhona abhali mu kyalo kya Akaya. 2 Luhanga esetuwe na mukama Yesu Kilisito bhabhaghilile mgughuma kandi bhabhahe mpemba yonkaha. 3 Luhanga ese mukama watu Yesu Kilisito asimuwe niye esetuwe oghu akutughililagha kisa: niye Luhanga oghu bhwile bhwona akuhumuliagha bhantu. 4 Niye akutuhumuliagha tuli mubhijibhu, nikuwe tugube kuhumuliya abhali mu bhijibhu, na kuhumuliya oku Luhanga aatuhumuliye nakuwo. 5 Majima ngoku Kilisito abhona bhona, nikuwo naatu abhamuhikilije tukubhonabhonagha, noo ngoku Luhanga amuhumiye nikuwo naatu akutuhumuliagha de. 6 Tukubhona bhonagha abhwa kutebheja bhutumuwa bhwe tukughuwagha tuhumuye abhwa kuhikilija kwanu kandi nakujunuwa, obhu akutuhumuliyagha akushagha natwoleka kubhagumiya nikuwo mugumisilije mukubhona bhona ngoku tukubhonabhonagha. 7 Tukigumiye ngoku mukwete kubhona bhona ngoku haatu tukubhona bhonagha, naanu dhee akubhahumuliya ngoku akutuhumuliyaghao 8 Bhahikilija bhanakyatu, tukubala mumanye ngoku twabhonabhoneye mu kyalo eki. Bhintu bhitighikane bhikatubh'o ebhi tutagubagha kutunga mulingo ghwa kubhigumislija, toli twehighuwagha nga bhantu tukusala kukuwa. 9 Majima, mu mitima yaanu tukeehighuwa nga bhantu bakughende kutwiluwa musango ghwa kukuwa ebi bikub'o niikuwo tuleke kwesigha maani ghaatu kutujuna, bhaatutwesighe Luhanga oghu akugubha kuhumbuula abhakuye, toli ngoku atuhiye mu bhibi ati bhatatwita tumaniye ngoku akweyongela kutuuya mu kibhi kyona twesinghiye kwonini ngoku akweyongela kutuuya mu kibi kyona ekikutubh'o. 11 Abhwa kweyongela kutusabhila, majima akakukukana nsala syanu toli bhantu bhakaniye bhakusima Luhanga bhwa migisa aghu akutuha kwoleka ngoku akukiyemu nsala sya bhantu bhakaniye. 12 Endindi tukuguba kwesinda nanga tumaniye ngiku twetwalikaniye munsi muni kandi mubhutwatane bhwatu nanu, mu bhahikiliye mu majima ngoku Luhanga akusalagha. Tatwakoliye ebhi ngoku bhantu abhahikilije bhakwelili kanagha bhati bhahikiliye, noo abhwa ngughuma sya Luhanga. 13 Nabhweki tatukubha handikilagha kintu kyona eki mutakugaba kusoma kedha kwetegheleliya, kandi ndi kakunila nti; 14 Nankasa endindimutakatugengiye kwenini, mukutukenga dhee, nikuwa haa kilo kimui eki mikama watu Yesu alikukilamu munsi muni, mwesinda abhwatu ngoku natu tukwesindagha abhwanu. 15 Nanga nkimaniye ngoku mukwesinda abhwatu, hikiyo kyalekiye nachuwamu kuduba kwisa eghi kubhabhughila nikuwo mutunge mugisa ghwa kutubhon'o kabhili. 16 nkabha ntu yemu kusalila ewanu maghenda Makedoniya kandi namakuka kulugha yo, nikuwo mugube kumpa bhukoneli obhu nkwetaghisibhuwa kughenda nabhuwo mu kyalo kya bhuyudeya. 17 Kandi nkahindula ntegheka eghi ndi na kighendeleluwa. Siye tankukolagha ntegheka syanje nga bhantu bha munsi muni, abhabhughagha bhati:" Eee, mba manisiye bhati baaa." 18 Majima ngoku Luhanga ali mwesighi bhuwa kandi atakuhagha bhisuba naatu dhee mu bhutumuwa obhu twabhatebhejiye taliya ambali twabhadimagiye tuti tukubhakolela kintu kyona noo ntumanidiya ngu tatukukikola. 19 Nanga Yesu Kilisito mwana wa Luhanga oghu siye Paulo na Silaasi hamui na Timisewa twabhatebij'o, tukusimagha abenga kukikola akusulisiyagha ndagano siye. 20 takisasniye ni ndagano sitiya esi Luhanga atukoleeye, noo syona akusisulisiagha mu Yesu Kilisito. Eki nikiyo kikulekagha tughila tuti<< Amina>> obhu tukubhagha ntuhutiya Luhanga. 21 Nabhweki niye akulekagha etuwe hamui nanu tukala tunagumiye mu Kilisito, naye akatukoma kukola mulimo ghuwe. 22 Atut'oo kabhonelo akakyaleka ngoku tuli bhee, atuha moyo ahikiliye kutukala mu nga misimbo, kugumiya ngoku akutukolela bhyona ebhi atulaghisaniye. 23 Kundi, Luhanga amaniye ngoku ekyalekiye ntakuka e kolinti eghi kyabhaye bhani kutabhaghambila haa bhintu bhibihiye ebhi mukukolagha. 24 Mutelilikana muti mbutwabhahambilija bhya kukola nga bhahikija bh Yesu. Noo tukwete kukola hamui naanu habhwa kudhedhuwa kwanu. Nanga kuhikilija nikuwo kulekiye munagumiy'o.