1 Kolo kuekatiliya, kebbe nibba katimbe. 2 Nanga bbada kukukatiliya ndyo kukataga, newe bbada kukupima na injo kipimo ndyo okubbupimaganai. 3 Okutangya bboni kasamili ndyaki kaiso ndya dako, natangia baa bbahandiki ndibbo bbili kaiso ndyako? 4 Okigya bboni kadako oniduweemi nkubbuwe kasamili kaiso ndyako uwe mundyo obbuliona bbahandiki bbako? 5 Nkpa akuteketaga bbuwa kaiso ndyaki kasamili ndya mulikaiso andulu ndya mulikaiso andulu ndya kibuwagaku ndya daki. 6 Kolo kupesya kima mamweleka na kabbambuwai, na kokumakia kima mabbonga namusa bbakpa bamazinana, nangakpetai, kabba nibba sikiabbo na makanga bumai. 7 Okunge, na bbada kukupesya; okabbe oda kupata obbinde kikuku bbada kukuo kudiliya. 8 Nanga mundi kikabbaga kima akihenaga bbakimwokudiliaga mundi abbindi musolo. 9 Subbanu andyani mindi mikimundyaki, akinkunga mugati eye ampesietali kabba na kakunga ki mugati? 10 Nkakukunga asu, okumpaku njoka? 11 Mpka makalama byewe, okuibhaga pesyaki kima abbonga ka bbaniki eebaki, mani alinga ndya abhoko mundya aligulu ada kubbupesya kima amabbonga kabbakpa ndibba kinkabbaga. 12 Poni ndyo okubhala ga otibbapka bbakole kako, obbukoliliye ibbekini alikilagilo ndya nabbii. 13 Ogodiliyeka kikuku tuti nanga zamba kikuku, alinesio sabbulisa, nanga bbama ndya ndyebbakikoliliyaga menjo. 14 Noho kikuku tuti andulu nesiyo, obhale nesiyo sa bbuliki, bbalibhe tuti ndibbakipataga. 15 Bbubbutiye bbanabbi bbapesimbela. Bbekibhikaga nibbaloli nguvua ntama, noho kusi nibbali bbambuwa nibbakamabbili bbahungisa kima. 16 Bbuda kubbuibhiliya kambuka milisi. wekoddililiye mbuka gbuta, mili amazinana nambulusi? 17 Gbutamili amabbonga akikumbaga mbukai amabbonga, noho gbutamili amazinana. 18 Gbutamili mabbonga kakitoka kumbai mbukai maluzukana, na gbutamili mabbonga kakitoka kumbai mbukai amazinana. 19 Gbutamili ponindye kakikumbaga mbukai alisazombai na makyai kakala. 20 Okuibhiliya kambukai. 21 Bbe ndi bbaki gyagagete: Nkumasu, Nkumasu! bbukulukivika godanu bbeponi kakusali ndya gulu, noho moti mundye kwe pesya ku namulima ndya abha mundiligulu. 22 Bbamama dda bbadda kunigyete tolonjo: Nkuma, Nkuma, kikili na nabii kaikona? na kikili na mamaddana masano kaina ko? 23 Ni dakigyete namani poni: kikutangimbe bhe, onitukebhe emi, bbenu bbakoli sa nazinana. 24 Aliseki, mindi da kuokaniya kigambo ndyaki ndinikatoliako nanibhisi kakuiyegisa, ada kwenyanaga ndya npka moti mundya aali kyondabbo ndyakika gbolua tali. 25 Mbula asokya, migoli abhikya, kukuma amakiyoo ndabbo: nanga kaddokiaibe, nanga abio nalikibhwo ka tali. 26 Noho mindi adakuwoka looki ndye kibbutoliya, mindi adakukoma ku iyegisa, adakwenyanaga npka bbinjo bbinjo mindi aalika ndabbo ndyaki nambuke. 27 Mbula asokya, kukuma, migoli abhika, weweliya na luza injo ndabbo: egengya, na duddu ambio nanyeti. 28 Ndya Yeso addakya hongi, dugba poni nakitombilia bbilagilo ndyaki; 29 Nanga ya bbuwegisa bbya ntwa mani, nakali bbya ntumikalamu.