1 Ndya yesu atuka ka gwisia,ddugba sa bbapka bbantomba. 2 Na otangye, ntua tumbi asekeddane naye,naki gyeti:"nkuma kobbala,okusobhola welisami. 3 Yeso na kinanua kibboko,nankinkumabhe na kigyeti:"ni bbalya, owelisebhwe".bhwango awelisebhwa tumbi ndyaki. 4 Ndyetolo,Yesu na kingye eti:weelinde katolya mpka, noo uiye weyanise kabbapka ndibbepesiku na anisana ndya Musa ahandika,andulu njo abbukonele ka bukaiso. 5 Nesi Yeso agodda ka Kapelenaumu mbundili moti na kumwebbingya, 6 Kakungaki na agyeti:nkumami nkoli mindyamo ahangya kandabbo, sini sini. 7 Yeso nakingye eti:nikiya lamisaki. 8 Mbundili na kiisikyaku:"nkumami kigbokelani ngila ka ndabbo ndyamo,noo uonge kima moti tedde na nkoli mindyamo akilama. 9 Nanga emi mindye nili kusisa gbolu gbolua bbapka ni bbulina bbabhuddu ka bbilagilo ndyamo na nikigyaga ka moti oiye minjo mbubbu akiyagaa na mindyekina na kigyeti obhike|minjo mbuddu akibhikagaa na kindya nkoli mindyamo,kigyeti okole yoo minjo nkoli akikolaga. 10 Ndye ndugba ambundilya,Yeso atinika nkili,na ongelya ndugba ndyabbi na ntombi:ni bbutolya toto toto na Kaisaleli kitakaku na hikya ma madda. 11 Kuni gu ni bbutolya bbapka bhiai bbadda kubhika na seke poni ka gwa bbimba, bbakilika ka meza ima moti na Ibrahimu, Isaka na Yakobbo,ka kusalia ndye gulu. 12 Noo bbaniki ndyaka kusalia bbadda kibhika makabo ka kilimikyaga ndya kanchenge,kindya adda kubba gama na kweliya ngaga. 13 Ndyetolo na Yeso na na kyonga na mbundili uyee,tombelya na ikiliza ndyako na saha njo nkoli alama. 14 Yeso aya ndyekina ka ndabbo ndya Petelo kindya atangya,nkyaki na lali na azungi. 15 Agba kibboko ndyaki na zunga antukabhe ndyetolo nakima,na kolilyaki. 16 Tamabbugo bbugo,bbabhikisa kindya Yeso bbamilimo mamadda.abbubbiya bba limo ka loki ndyaki,na lamisa bba lwaye poni. 17 Andulu aike ndye Isaya aongaa,nabii agba bbagenge bbubbasu na kumba bbulwaye ndyasu. 18 Yeso akizibha ndugba bbapka bhia bhia,na kubbupesia kilagilo sa kolia gbengbu sa libbo. 19 Ntumi kalamu moti abhika nakingya biyo,mwegesa ni ddakutomba kindyekina. 20 Yeso na kikisikyaku biyo:agulendyabbo ali na polo ndyabbo na mbulu ali na ndabbo ye gulu.miki ndya mpka kali na kindyakisiya. 21 Mindyye kina nkwenda na kingia bbiyo,saliya onipesiye emi kilagilo sa miki mindya abba . 22 Noo Yeso na kingiya bbiyo:onitombe,na oduwe mindya kuwa alumbe. 23 Nakiddaya ka bbwati, na bbakwenda na bbakitomba. 24 nakima kalibbo gbolusi na diyo bbwati atuma na libbo na wewelia. na kihanga. 25 Bakwenda ndyaki na bbakibhika, na bbakingia bbiyo:nkuma ,okikonyele kibbulilya. 26 Nakibbugye ti bbanga aliseki? Nyikiliza ndyanu alimani? nakima nakitanuka weweliya gbolualibbo na kisundela. 27 Bbapka na bbakioka laso:andyani mundye weweliya akiokaga na libbo gbolusi? 28 Ndye abbio na pkengbu sya kyalo Gadalenia bbalimo bbebbali na bbaki tuka kabutulo na kijigidiliwa ati bbampka bba kakikolia menjo. 29 Na bbakikungangana:subbanu nemi miki mindya mambombi?abhika mehe talibhaniza kyalo na lyabhe? 30 Abbabhe ddanga ngugba sa bbanguya ndi bbabbiyo kahuma. 31 Mulimo na kikunga Yeso no kambiyasu obbutike ka ndugbai sa nguya. 32 nakibbugya bbiyo,bhuye na bbakituka,na bbakigodda ka ndugba ba nguya na bbula boka gbolu libbo. 33 Mbundili aiya kainji mabhena na kigia bbiyo ndyaleukana ndya kiddio labbalimo. 34 Dumbi kyalo ma bhena poni nakitukaku bhika takana Yeso,na dumbi kuwesengeleliya ati bbatuke kakyalo ndyabbo.