1 Welinde kuigisa mazima ka namusa,ndya kali tai yoho, bbukukwena kisembo na pipi koa bhanu mindiegulu. 2 We kubba nokabbwa kisembo ndyako, kolukutolia mkpa mundietolo nesi ndie bba kpa zidi bba kukolaga ka sinagogi na kanesio, na bhaka bhala bbakpa sindabo.ni bbutolia kamazima, bbalapati mugaso ndyabbo 3 Noo, kama nokapesiaku bbisembo ndyako, kibboko ndyako ndyanakuluku kala kuibha ndya kibboko sakuluku aki bbua, 4 Sekina kisembo ndyako akolie ka nsobbo,na bhako mindya kutangiaga ka nsobbo akikusikiliaku. 5 Kabba nokakunga abhako kolokubba tai beo bbamkpa bba mazinana,bbo ndi bbabhali kunga abhabbo na bbatelemi ka sinagogi,na kapkengbu siio sekina bbapka bbabbutangie, nibbutoli mazima, nabbo bbadda ena mugas.o ndyabbo. 6 Noo, kabba nokakunga abhako, ongile ka mpindi ndyako, oddake kikuku ndyako, okunge abhako mindiali kama welelekana akikusikiliaku. 7 Na kunga abhako kolokionga kima bbinjo bbinjo, nesi ndye ndibbetolo bbakukolaga,ndibbabhakwei bhageti ka mani saloki ndyabbo,ka kunga abhabbo nabbo bbakwena ndiabbo. 8 Kulukubbwenyaga,nanga ndya bhako aibhi ndyo kabhalai kenge kubbe nokungi. 9 Ojibheno nesi ndye abbugbokilianio kunga abhasu: abhasu,wemundioli gulu, inako awelekane, 10 bBboloti ndyako abhike;bhala abbe me gwabbimba bbyagulu. 11 okipesie lelu kiaga ndyasu ndya katolo poni, 12 okiganyilie sobbi ndyasu,nesi ndye bbesu dde kikibbuganilia ni bbetolo; 13 kulukukibhisa swakingasu,no okizune tuka ka sobbia.nang andya hewe wekaka mundioli gulu gulu ntuamani na nkumasu amina. 14 Kunganilia mindietolo ka sobbia ndyake, newe abha mundyali yegulu adda kukuganilia. 15 Kenge kobbuganyila bbaddaako newe bbakadda kukuganilia. 16 Kubbua kulukubbela bbya bbapka mazinana ibbabba kusiaga bhibhi ka bbusu anisa bbapka eti bbadakuena ndya gbokelaniyo. 17 Kabbnoboi,wesebbie gwa muhu na uwoge keiso bbulua anisa bbapka nesindio bboiyo. 18 No koabhako mindiakulikaga ka nsobbo, na abha mindya kitangiaga ka nsobbo adda kuku pesia. 19 Kulukubhisilia mbisilio ndyako ka dduddu,kindia bba hehenju bbalio na maama lindya bbakuluzulia,na bbasuma kindya bba kuibha. 20 No,bbwebhisilie kunga ndyano gulu kindya hehenju na dduddu ka kudua. 21 Kindiobhisanagio, andulu kindya mulimako alio. 22 Iso andulu tala sa kozo,kabba isoako na bbongi, kozo ako poni akikyenekana bbee. 23 No iso ako kekabbe na bbongi,kozo ako poni akibba kakilimikyaga, ti bhemu ndyalinai ayabbe kilimikyaga,bhuye kilimikyaga njo adda kubba bboni! 24 kalibhe mundya kutoka kolelia bbasalia bbe bbali,nanga akimbala miyo,amuyale mindyekina. 25 Andulu ninbbugiti:kuluku yunga kobbuliki ndyako ndyokuli ndyokuliya,kakozo ndyako,nendyokulola. 26 Obbujibhe bbambulu ni bbagulu bbakali natiko bba kuliaga,bbakakugubhaga na bbakakihululaga,bbakali nindya bbalinai,abhako mindyagulu akibbupaga lieli. 27 Andiani subbanu mindya kutoka kwetoddiliabhe bbuliki ndietolo? 28 We ddani totoangoye akusasi bboni? 29 Katolo njoo,nibbugieti solomono ddee subba kusalia ndyali kalolaga tabbi bbeo. 30 Tiye amambombi,kagbutu amili ndyakamabbili,ndyekitangi leelu, kuni huuma bbakimakya sua kala. 31 Kolukufuabhe bbaa kulukuonga:kikilieki? kikinueki? kikiloleki? 32 bhuye kima njo poni ali kima ndya bbapagani bbakubhalaga, abhanu mundyali gulu aibhi nesi ndye na bbenu bbuku bhala. 33 Ddani no bbubhale kusalia nda kusalia ndyaki,kwesino kiima po bbukitangia tokai gulu. 34 kulu kufuabhe ndyauma nanga ndyauma njoo nkumi akibhikisa.