15

1 Bbutso nga djoro bbo bbo kpa nju ngu e ni ngokpa ma,nga ndidha dhi kpa ma,lo ddidha dhi kpa ma na.Ngba kpa chi ngue Yesu ri goti,kpa ngba ngue Yesu pilato nji. 2 Pilato dhu ngue nga ketso:Ni ka kua bba yaudi dhi pi?Yesu ka logoti ngu kedho ii:niripo. 3 Bbo bbo kpa so ngue kedjo bi ku na lo. 4 Pilato dhu ngaki ketso : Nika logoti ngu nzi? anja ri ni ka nru bbu dhi ku na lo na? 5 Furo Yesu ngu ngue lo ro nza kedho na ri ke ngue Pilato na nga ke. 6 Kru ku na bbo bbo ddo ro kpa ngu ra nru ro clo ddi,ddi ddi bi ro bi ro ku na nru ko ri nari bbai. 7 Bedza na ngue ddike Baraba ndi una nja kpa ma na,nari le lu ngue ddikpa li sha sha na bu dhe ngue ndima dho ro ro. 8 Nru kpar ti ngue ndima lo tso ddi ddi ndima ngu ra ri nji ri bbai ndi ro le clo ddike. 9 Pilato ngu lo goti kpadho : nika ji ri ma clo ba Yaudi dhi pi? 10 Ke chu ngue ri kpa bbu ke pa nga na cheri ro. 11 Furo bbo bbo kpa ka na anzi ro ngue na kpa cho ngue lo nru kpar na ndima pori le clo Baraba. 12 Pilato ki ngu ngue fulo djo ii ndi ri po ro : Nika jjiri ma nji addu wa yaudi dhi ninz' na afu ke dho? 13 Kpa po ngue ri ndima chu bbo rina ani ti ke tsu ba djo. 14 Pilato pori kpadho : ke ka nji ngba chelo? furo kpa ki ho ngue bbo ndima chu na,le ti ke tsu ba djo! 15 Pilato ji ngue ri ndi pi nru iso,furo ke klo Baraba nari goti ke bbu Yesu kpadhona kpa choke musalaba jo dh'e. 16 Sudda kpar dz' ngue Yesu ro kpa si ke na arugu le ra na chulu,furo kpa nju ndima tso kpar kwe ro. 17 Kpa tho kero ka ka ku na dh'i ru,narigoti kpa tho ke djo ro kpele dhi dd'erka ndima dd'e ngue nari. 18 Furo kpa di ke ro nga zu ii : Yambu nidho wa yaudi dhi pi. 19 Furo kpa ngu ke djonga dhi wi na,sadda ndima hwi kedjo ro,kpa di koni ke nji ke madha dho. 20 Ngba kpa u ke nari goti,kpa klo fu kaka ru ke ro ro,furigoti kpa mba ke nja le cho ke musalaba djo dd'e. 21 Kpa kpa nga na Yesu dza musalaba dd'udha dho kpa si ngue ddikpa chu lu ngu da nzaguro ndi si ro na ddikpake lu furi e kureni na Simoni,Alexandre ma Rufus na dza baba; 22 Furo kpa mba Yesu Goligota le nz' na ngu jo,furi ku i le ri po ri : nru djo na kpa dhinga. 23 Kpa bbu mane mane le nz' na tsu ddatso na le ngbu na divai Yesu ju ro ke juri nza. 24 Kpa cho ka musalaba jo narigoti kpoa ndo ke ro ru nga dya djo ndima gba ri ro 25 Musalaba jo kpa cho ngue ke na furi ngue saa gbo na . 26 Ke djo tsoro kpa ndi ngue nga nari ngu ri po ii : Iri ku wa yaudi dhi pi 27 Ke ma le cho ngue ddingana aro ngue na gbu dhi kpa na ddike tha djoro njake gru djoro. 28 Furi nji ngue ni nja ndi le ndi na i lo njini dd'e:ke le li ngue cheri dhi nru kpar dhi hesabu kana. 29 Fugalu ngu si da na nru ngu si ke dhu dhu,ii ndima ripo ndima djo ndima bbi ro: chana ningu ripo ni ka ni glu kodhi Ginri dza narigoti ni chi ri ddo gbo goti ro. 30 Kpadjo ave ni go ni niro,fu musalaba djoro ni thuni dd'e. 31 Bbo bbo kohani ma Ginri dza loronga bb'o na bbo bbo kpa ma na ngu ke u i ndima ripo ro:ke go e nja kpa ma ddi,ro ke godha chu ngu ketsori gugu afuna. 32 Athuni,waisraeli dhi pi,fu musalaba djoro,furo chu ko ndja ri ko nyo na narigoti ko uri u maddi ka ma le cho ngue musalaba jo na na kpa ma ngu ke dhu fu chu 33 Saa aza na,dz'djonga ti mbi kpu saa dredhi djo. 34 Saa dredhi na Yesu ka hu ndi chu bbori na : eli,eloi lama sabakatani? furi ki i le ripo ri: Madza Ginri madza Ginri ka addu ro ka bba ma? 35 Fuga ngue na nja kpa rr ngue furi ro,kpa di ripo anz'be di ke Eliya nz'. 36 Furo ddikpa ke ka siki dda dzi wi djoro le chi ndi ro,furo ke bburi Yesu ju ii ndi ri poro : ako nz' ribb'o nima Eliya ve si ke thu i musalaba jo ro ro. 37 Furo Yesu hu bbo ndichu na ro kethi dd'e thechu. 38 Ginri dza dza na ru ka ndinga tha aro lai na,aru ro kpu si agu. 39 Yesu dza musalaba kuso ngu ngabb'o na ddi ke,nja Yesu dhe nari ro,ke pori: Bbu bbu bbu bbu ike e bbu bbu Ginri ddu. 40 Nja is'nru ngu nga nja da nga naro.Fu nru kana ngue Maria magadala,Maria,re yakobo ma Yose ma i,ndirigoti Salome. 41 Fu nru chu ngu a di bbi Yesu una nja ndima ko ke tso tso Galilaya na ke ngu e ro,bi ku na nja nru kpar fu nru chu ji ngue Yesu ma na ddinga Yerusalema na. 42 Ngas nga ngasi ro nru ngu ndima thika thi dhonari nga ngu si sabato dyina nga ni. 43 Arimateya na Yozefu le nz' nake si,bblo ngura nru iso pi nake,ke nga nga ma ngu ra na pi ro nga chu bb'o.Ke ba ngue kpa kpa nga ndira Pilato bba,nja ndiko Yesu dza bu dd'e 44 Pilato nanga dyu ii Yesu dhe tse nalodho;furo ke nz' Yesu ngu dhe na ngana ngue na ke,ke dhuri ketso ii : Fuke dhe nanga ka thoni tho? 45 Fulo nga ndir zamu tsona ro nari goti,ke bbu Yesu dza bu Yozefu dhona. 46 Furo Yozefu ra bu ronga tso le a chi na na ru dz' ke thu Yesu dza bu musalaba djoro ro ke ndi bu ro nga tso fu ru na narogoti ke ra Yesu dza bu li dju nanga le kr ngue na bbu na furi goti kedze ddikpa bbo dju ri tsoro. 47 Maria magadala ma,Maria Yose i na nja ngue ngbaga ma le li Yesu dza bu nari kwe.