1 Go paska dhi bbo ddo dho le thi na nga na thi ku na dzi ddo gu ma aro ro.Dini djo bbokpa ma ngandidha dhi kpa ma ne ngue lo ndima lu Yesu dda dhi chulu,nja ndima kwi ke ddhe. 2 Furo kpa pori: ri ngae e bbo ddo nari,ndiro chu nzi gu ta nru kpar kana ro. 3 Ni Yesu ngue Betania,na Simoni kor kor dhi ke bba ro,ddikpa is' le tsu ni Yesu ngu di meza tsoro.Ro ndidho ts' na Albatoro dhi dju na le tsa na chupa na ndina bbo ro dz'kuna ngungu na che lethi nardo le nz' na tso kpali na furo leklo fu che ddu tso le k a ri ddo ke djo djo. 4 Njaku na nru nanga ka nunu ndima kana.Rika ku bblo le sa a fu bbo ro dz' ku na che? 5 Ddidho ri na nga le ka le dz' dinari mia gbo djolu ma ddi,ddima le bbu e ri njedha dhi nru dho.Furo kpa nanga ka kani ka fu is' le ro. 6 Furo Yesu pori: ani bba fule. Rika adduro ni fu le thi nza?fule nji bblo ku na nji ma la djo; 7 Njedha dhi nru ka e ni kana kru dyiro,nika ni si ri nji kpadho bblo ngba ni jji ni nji ri na nga na,machu ka e ni kana kru dyiro nga. 8 Fule nji ndidho ka nari;le ddo bblo ngu na che madjo ma ddhudha dho. 9 Bbu bbu ma ripo nidho,ii kwe loi ka trani ngu djolu gble, na ngalu le si fu ngbai nji na furi tra le ddi na fulo. 10 Yuda Iskariota,Yesu una dre ndidjo aro ri na kpa kana ddike ra ngue nru ro dho na a si Ginri nji na bbo bbo kpa dhi ngana Yesu tso tso bbudha dho. 11 Fulo kpa ka rr nari goti,kpa na nga ka li kwe na,furo kpa uu ngue mbu tso kedho.Furo Yuda ka ndika Yesu bbu bblo kpa dhona na chu ne 12 Anji ddo ngadjo thi,mukati le ngu nyo na bboddo na,chembu kalo le ngu a ji Yesu una kpa dhu ngu e ri Yesu tso i: Nika ji kora i bbo ddo dhi nyo thi nidho ngbaga? 13 Furo Yesi cho ndi una kpa ro aro;ii ndi ripo kpadho ro ani ra bbo bbagu.Ni si nju dda ra dyu ndidjo cha na nake na.Ani ra ke ulu. 14 Ke si tsu na na dza ba dho,ani pori i: malimu ri dhu ma una kpa na ma si bbo ddo dhi nyo nyo na nga ka ku ngbana? 15 Fuke si aru ro ku na ngbna dh'ani na,kwe le kpe ritsi na na bbo gi dho kpadho.Riku fuga chu ni si nyo thi kodho ri. 16 Ke una kpa tuni ro kpa ka ra bbo bba gu.Kpa ka si kru ku na rits' Yesu po e ndima dho nari bbai,kpa ka bbo ddo dhi nyo thi fuga. 17 Ngatso ti ro,Yesu ka si,ndi una dre ndidjo aro ri na na kpa na ddi ngana. 18 Go kpa ngu nyo nyo meza tsoro na ngana Yesu ka ri po:bubu maripo nidho,nikana ddikpa ke,ddinga na ko nga nyo ndina ro,ndika mabbu nru thots'na. 19 Yesu po na fulo ndima na nga dh'o ro,kpa ka di ngadhu ketso:Ddi ka ku ma? 20 Yesu ka lo goti ngu kpadho:Ddiku dre ndidjo aro ri ma ka na ddi ku na ke,ndike ndi tho li ddingana ma na cha vi na. 21 Bbubbu chu ma nru ddu,ma si dhedhe,Ginri dza kitabu na le ndi ma djo nari bbai.Nru ddu si bbu nru dhona nake dho chu ku bbo njedha!ri tho e nga pli fuke guni nza. 22 Nga kpa ngu nyo ro,Yesu ka mukati dz' furiogoti ke ka Ginri ma ridza lo dho,ke ka ri nga kle.Ke bbu ri ndi una kpa dhona ii ndi ripo ro,iri ku ma ndi. 23 Furigoti ke dz' divai na ku na kopo,ke nka Ginri ma ridza lo dho,nari goti ke ka ribbu kpa dhona kpa ka ri ju ndima e kru na nga ts'. 24 Furo Yesu ka ripo kpadho:iri ku ma ju,le tso gbani lu na ju,fu ju i truni bii ku na nru djots'na. 25 Bbu bbu ma ripo nidho ma si divai ki ro jju ni na nzi,kpu ma ka ve ku oo ku nari ki ju Ginri dza pi dja na. 26 Dyi kpa ngo narigoti kpa ra ngue olive dhi ngu tsidjo 27 Yesu pori ndi una kpa ni: ni,kru ni ku na nga tsi ni si jji d'id'i ddidho ri ndini ii:ma si chembu ro ro na ke kwi kwi ndirigoti chembu na nga si pini dha, 28 Ma ga nari goti chu,ma si da niro nji Galilaya na. 29 Petro pori kedho: nja kpa kru d'i jji d'i ma ro,ma chu nzi jji d'i ri. 30 Yesu ngu lo goti kedho:Bbu bbu ma ripo ni dho,ni nganga chu nju i kuna,nza o kpa d'e ngoni arro jana ro,ni si ni gu ma ro ro gbo dja na. 31 Furo Petro ngu lo goti ki kpa kpa nga na:njati ringani ma dhe dhe ma nina ddinga ro,ma nzi si ma ro gu ni ro ro ri.Furo kru ku na nru po ddikpa fu lo kpali. 32 kpa ki rra Getesemani le nzi na ngu djo,furo Yesu pori ndi goti ra na kpa dho ii:ani di iga,go ma loti Ginri na na ngana. 33 Ke dzi ndi una Petro ma,yakobo ma,yohana ma na,furo bbo ku na do ma,bbo ku na d'o d'o mana di ke lu. 34 Ke pori fukpa dho:ma djolu d'o d'o gu si si,kpoo dho ma ka ma dhe dhe na ngatsi. Ani di iga kere. 35 Sese nu ke ro ndr'ni kpa kuso ro ro,kedjondi dz'djo.Furo ke di loti Ginri na,njati,gba rika ro nzadha dhi avu saa da e da ndidjolu. 36 Kepori ii:aba baba kru ku na lo ka ni dho ngba,atu vodha dhi kopo ma ro ro da.Ddi chu nzi njini ma jji nari bbai,ddi njini ni jji nari bbai 37 Furi goti,ke ngu ndi una kpa dhi nga na ro,ke sijkpa ro ddo ndima ddo ro. Ke pori Petro ni:Simoni,ni ddo ddo!saa ddikpa ni di e kere nari ka ngu ni tso ri gu? 38 Ani di kere,ni ni lo ti Ginri na ro,nzi ni chi,mbuba dho na ro; le thi ri jji ndi nji ri bblo ro,le ndi chu ku susu. 39 Ke ki tuni kpa kuso ro ro,kengu lo ki ti Ginri na. 40 Ke ki ngu,furo ke si kpa ro ddo chu ndi ma ki ngu ddo ro,kpa nyo d'o ngu o li na lo dho.Furo kpa tchu addu ma ndima po kedho nari ndza. 41 Gbo jana ke ki si kpa kuso ro,ke pori kpa ni:Kpadjo ani ddo ddo,nja ni chu ni ronga chu d'e!Ddi ka ngba! saa si bblo;ani be,ma,nru ddu,ma le si bbu cheri nji na nru dhona. 42 Ani dani,ako uu ani be ma bbu na ke si bblo! 43 Nde kpadjo kpadjo go ke lo ro po ro,Yuda ddike,dre ndijo aro kpa kana ndi e ni ro ,ndi una nru kpar ngue ndima dho dyu na tsu ma na ddi,kuani bbo bbo kpa kpar ma ddi jadha ndi na kpa djo bbo bbo kpa ma ddi. 44 Nde nru dhona ndi ngu ke bbu ro,ke ka nja le nja na rits' dho kpadho ni ke ngu ripo ii ro: ma ka ke mbu,furi chu ka e ndi ke;ani luke,ani ra kena. 45 Nde jkpa ka si ro ,ke ka dr'ni Yesu kuso,ii ndi ripo ro: malimu! furigoti ke ka Yesu mbu. 46 Furo nja kpa ka yesu djo ndima tho dda,kpa ka ke lu. 47 Fuga e na ddikpa ke chu e sa,ke ka kuani ulu e ra na ddi nji dhi ke bi ro kr ddi. 48 Yesu pori ndi lu na kpa dho ii:ni ka ka ni si ma lu nidho sa ma na gongo ma na tsa tsa na ke le a lu nari bbai? 49 Kru ku na dyi ro ma e ni nikana lo ma e ddi nidho ginri dza dza na ro,furo ni ka ma lu nza.Furi njini nja ginri dza kitabu na le ndi na lo tso ka ddhe. 50 Furo Yesu una kpa bba ke ro,kpa nyinga kru; 51 Ddikpa jadda ke chu ngu ra Yesu ulu go dhe,ke ka dr'ni lubba tsoro.Furo fuke kpaka mbu ndima lu ro: 52 ke ka ndi chuti ru bba kpadhona keka plani kpadho ro ndi gu po na. 53 kpa mba ngue Yesu nru ro dho na si Ginri nji na na bbo bbo kpa dhi bboke dhi nga na.Ridhi nja bbo bbo kpa kru ma,dini dhi bbo bbo kpa ma.Ginri dza lo nga tudha dhi bba malimu ma nju ngue ndima tso fuga. 54 Petro ngu si ra da ronga Yesu una.Fu bboke bba lubba na chu tsoro.Fuga ke ka di ro ke ka ndr'ni kaz tsoro ndi ro nga ndi dho ro,zamu kana. 55 Nru ro dho na si Ginri nji na bbo bbo kpa ma,kosai dhi bbo bbo kpa ma kru ngu lo ro ne Yesu djo,chu ndima kwi ke ndiri djots'na d'e.Furo chu kpa ka lo ro ba kedjo nza dhe. 56 Bbu bbu chu bi ku na nru,ka kali dhi lo ti Yesu djo,kpadho fulo tso ro ngu nju nzi. 57 Nja kpa ro ka dani,kpa ka lotso ro dya kedjo. 58 Ii ndima ripo ro:ko rr ngue ri,i ke ripo ro,ma si nru chi na i dza gluglu,gbo ddo djo ma ka ve si chi nari ku nza nru tho chi nari. 59 Furi djo ma ddi kpa chu tso ro nju ngu e nza. 60 Nru ro dho na si Ginri nji na bbo bbo kpa dhi bbokedani nru kana ro,ke dhu ri Yesu tso,ii ndi ri po ro:nika ka ni ngu lo goti nza?fukpa ka ni bbo addu djots'na? 61 Yesu go ngue ddi ro ke ngu lo goti nza.Nru ro dho na si Ginri nji na ke dhu ngue ri ki,ro ke po ngue ri:nika ku Kristu,le ro nga leni na Ginri ddu? 62 Yesu ngu lo goti: ma ku fuke.Ro ni si nru ddu nja guna ndi di kpa kpa nga na ku na Ginri dho tha djo ngaladjo ro,rana ro ma si ndundu djo ro. 63 Furo nru ro dho na si Ginri nji na bboke tha ngue ndi ro ru,ro ke pori,ko ka ngba dimo ne afuri goti? 64 Ni rr ke dhu Ginri nari rr ro.Ni ka ddi ri ngba?dhonalo nru kru pori ke ka dhe dho 65 Furo nja nru di sadda kwi kedjo,nja nru chi ke nyo tso,nari goti kpa di ke bh'i ii ndima ri po kedho ro:ake ni bh'i na le!furo nji dhi kpa dz'ngue Yesu nru ka na ro,kpa maddi bh'i ngue ke bh'i u ngu. 66 Go Petro ngue bbai djo lubba na ro,nru ro dho na si Ginri nji na bbo bbo kpa dhi bboke dho nji dhi singba ngba si ngue. 67 Fungba nja ngue Petro kaz ke dho ro,fu singba nja ngue ke cho ro,ngba pori ni maddi ngue Nazareti na Yesu una ngu ra nake. 68 Petro gu ndi ii ndi ripo ro:ma nza chu fulo ri,ma chu addu ma ni ji n ipo na ri ma nza ddi.Furigoti ke tuni fugaro ro ke ra tuni lubha tsoro.Furo okpa ngoni the chu. 69 Nji dhi fu singba ngba nja ke ki ro,ngba di ri tra fuga ngue na nru dho:ike ma ku cha kpa ro chu.Furo ki ke gu ndi ki vi dhe. 70 Sese nga goti ddi ngana ngue Petro ma na kpa di ri po keni.Bbu bbu dhe ni ku fukpa lai ddi ke,dhonalo ni ku Galilaya na ke. 71 Furo thechu ke nga wa wadha tso ndidhi dhu mana:ma chu ni djo lo ti na fuke nza. 72 Thechu furi goti,nja jaina,okpa ki ngoni,furo Petro no ndidho Yesu po ngue na lo,ro djana okpa ngoni nari nji ni si ma gu gbo ja na.Furo ke ddi fulo ro,ke di dz' dz.