1 Yesu si ngue Ginri dza dza na ro;chocho kpa dhi ddike pori Yesu dho: bboke anjari furi ka ku ngbadi na dju ndidhi ngba di na ngachi dha. 2 Yesu ngu logoti kedho:nika afu bbo le chi na fudza nja ni?ddikpa li dju ro ma ka ma nzi nza ndi gluni ro. 3 Ke ka di olive dhi ngu djo Ginri dza dza dhi nga lai djoro furo chu Petro,Yakobo,Yoane,Andrea mana di ngadhu ketso. 4 Apori kodho ngba ngana ma fulo ka si njini na ri ndirigoti ngba ji ro ma fulo utso ka si ddhini nari ma na. 5 Yesu di logoti ngu kpadho;ani bbho nironga nzi nru niro sha ro. 6 Ddidho bi ku na nru kasi ma ro dho na ndima pori riku na ma,ndirigoti kpa sha ku bi ku na nru. 7 Nive li dza lo ro ma rr na ri goti lidho ngajja nari ma ro,nzi ni thi ka dyodyo dhonalo ringani fulo njini nji.Rochu ri nga e ku ritso dyani nanga ri 8 Nja bbu na nru da kuni nja bbu tso ro narigoti pi djai kpar ma ndima kana fu chu,rr ma ka da bii ku na nga lu,uu ma ka si chi ddi.furi e ku nzadha tso ngani nari kpali. 9 Ani bbho nironga ni niro.Nru si ku ni bbu lo ddhidha dhi ngana ndirigoti ni nru si dhi tsuna ndima dhi dini dza naro.Ni si ku soni nguchu tso dda na bbobbokpa ma na pi djai ma na nji madza lo djo ndiri di kpadho longa ddidha. 10 Furi dho ringani kwe dhi loi trani anji ngu djolu gble. 11 Njati ni nru ve si mba loddhi dha dhi ngana ma riro,nzi ni nidjo ro kwi pa adduma nika si tra nari na,ro nika si fuga ka si ni djo na na lo tra thei;dhonalo riku nga ni si ku ripo ri ri,ro ri e ku bblo thi na. 12 Le djo bbu ku adjondi dhe dho,le ba ndidza ngba;nzo si ku dani ndima bai tsoro ndima ka kpa kwi ddhe. 13 Nde kru ku na nru ka ni dhu ma ro dho djots'na.Ndiro fulo tso ka ve na le ku chu nga nga. 14 Njati nika ve rinja sa nru sa nake ve tuni nza ndi ka ndi tuni na ngana ro,Yudea na nru inga ngu tsi djo; 15 Nza djo ri li nake nzi thu guna ndi dz'ddikpa rits' ro ma adza ro; 16 Nzagu ri li nake nzi ngu pa a luti ndi u ndi ro ru dz'. 17 Bbo njedha ka si e li nga na ku na dhi nru dho ndiri goiti ba bbu nzudho na dhi nru dho. 18 Ani di ndz'dha kana ndiro nzi fu ddo ka si grr ddo dyi. 19 Ndiro fudyi ka si e kpa kapa ku na nzdha nza ro ddhe njini dz'le no na nga naro nari,goti ri ki ma ka e ku nga kpu dz'sini na ngadjo. 20 Nza pi li e fuddo tsoro,ddikpa le ma ka ndi uu ni nza.Ndiro ke dza bblo ke vu e na kpa djots'na ke ngu fu ddo nga duu. 21 Njati dikpa ke ka ripo nidho kristu ku iga nzi ni uri. 22 Ndiro kali dhi kristu kpar ma cho ve si kali dhi nebi kpar ma na.Kpa ka ke dho lena nga keni dho na lon nji,ddu ma na ndiro ndima sha ngba ke vu ngue na nru njati ndima kaka ddhe. 23 Ani njari tchoo dho riku ma po kru rits' nidho bblo nji. 24 Furo fudyi kpar na fu mbudha goti dyi ka ti ti,bi ma ka nga ii nzi. 25 dyudyu kpar ka truni ra na ro,ra na ku na klu kpar ka ku jja jja. 26 Ndiro ka cho Ginri ddu nja ndundu kpa ro ndu si ro bbo kpakpa ngana ndidhi kadha na. 27 Ndiro fudyi ke ka malaika cho,ndidhi vuvuni na nru tso gba,ngu tho na nru,dz'tso dyani na nga naro kpu si ra na nga tso dyani na ngana. 28 Ani ddi niga tsu ro jji na.Ndi kpari ku kla ro,pu ndi bi pu ndinga ro nichu nari ku bbo dyi ku chuchu. 29 Ddiddi ndiro nika fulo nja ro,ni chu nari ku nru tso sini na ri si bblo. 30 Bbu bbu ii ma po ri nidho,fuddo ro nzi da nza fulo dde njini ro ri. 31 Dz' ndi dhi rana lo ka da da,ro ma dho lo ro nzi ka da ri. 32 Ddikpa ke ma nza ddi chu ddo,inga dyi ddi ronga rana malaika mana ndidhi ngba ma chu fuddo nza ddi,aba ddiro kpali i chu fuddo 33 Ani nja nga bblo,nzi ni ni ddo ddo,ani nz' ndiro ni nza chu ngba nga na fudyi si nari ro. 34 Ri si e ddi ddi ddikpa ke,ra ddhi nguna ke bba ndidza dza kengu nji dhi bbonga nji dhi kpa dhona,kedho kpa dho nji ddi ddi ro furo ke pori lubbha tsoro nga bbho nake bbho nga bblo. 35 Ani di kere,dhonalo ni chu ngba ngana ma dza ba si nari nza,inga ngas'nga,inga ku djaina,inga okpa ngoni na ngana,ddima bbutso; 36 Ani di do na nzi ke si niro ddo ni ddo ro,chu keve si ro roo. 37 Ma po nidho na i lo,ma ripo ni kru dho: Ani di kere