1 Bba Yaudi dhi yenga dyi da ngue ri goti,Maria Magadala,Maria Yakobo ii ndi dhi Salumi ma na,ra ngue bblo ngu na che na ndima dr' Yesu ro. 2 Ddi nji na bbutso pli go dyi si ro kpa ra ngue dh'o dz'djo 3 Kpa ngu si lo ti ndima kana : Kodho ka a ie ka ndi dze fu dju bbu tso ro ro? 4 Kpa ngbe ndima nyo ro kpa njari bbo e na fu dju kpa ro e bbu tsoro nga. 5 Kpa tsu bbu na ro kpa ka si ddikpali oka tsi ke ro,sa sa o na nru na,furo kpa dhi bangue bbo njedha. 6 Ke pori kpadho:nzi ni thi ba njedha ni nazareti na Yesu ne,ka gaga nari ku iga nga.Ani nja ke le li e na nga ina. 7 Ani ra,ri tra ke dza cho cho kpa dho,Petro dho ma,keda ni nji Galilaya na : fuga chu ni si ku kero bblo ke po ngue ri nidho ri bbai. 8 Fu nru nya ngue ni dh'o dz' naro nari dda ngue: kpli kpli ndima thi ta ro furo nza kpa dh'a ngue fulo ro nga ro nru kuso ri ndima na nga keni na ri dho. 9 Yesu ka ngue ddi nji na na ri dho ngue ni anji mari magadala dho aru gbo naro ke di ngue go na le. 10 Ke mba ngue fulo ke na ngu di ddingana na kpa dho,na kpa ngu di njedha na ni ndima kedz'ro. 11 Ngba kpa rr ngue ke ku shi ro,nari goti fule nja ke ronga ndi nyona,na kpa nza ka ri ro u ri. 12 Furigoti ke ka dhoni nja dh'i ji na nzagu ngu ra na aro ngue na kpa dho. 13 Fukpa ra fulo ki po nja kpa dho na nari ma ngu ri ki u nza chu. 14 Furigoti ke ki dhoni dre ndi djo ddi ri na ngue na kpadho,nyo ndima ngu nyo na ngana,ndirigoti ke o ngue kpa na nzi ndima ga ndi ga nari nru tra ndima dho nari u ridjo 15 Furigoti ke po ngue ri kpadho: ani ra dz'djo lu gble ni tra kwe dhi lo ngba no ni na nru kru dho. 16 Ngba uri nake goti ndi ba batiso na ke ka godha ba,ddichu nza uri nake djo lodh'idha ku ni. 17 Ngba uri na kpa ka nji na ddu ku ina:ma ro dho na kpa ka go di,kpa ka lo ti o dha na. 18 Kpa ka su lu ndima tho na,kpa ju che kuna rits' ma ro,ri ka kpa nji che nzi,kpa ka ndima tho li dhedjo nari go ku go 19 Bboke ti ngue lo kpa na,ke ka ngbeni rana furu ke di Ginri dza tha djoro furigoti kpoa ra ngue kru ku na ngalu Ginri dza lo tra. 20 Bboke ngu nji nji kpa lu,ke po ngue na lo ngu dhoni ddu kpar lu nari ke po ngue ri ka kpa goti mba.