Ridza bbombi 9

1 Yesu nja ngue,da ndi si da ro,ddikpa go go ngueni nga nyo ro na ke. 2 Ke una kpa dhu ngue ilo ketso: Bboke,iye chu ka nji chenga,iga ike,ddima kedza go dhi ndru,ke gu ve goni ngayo ro dd'e? 3 Yesu pori kpadho: Ri ku ke inga kedza go dhi ndru chu nji chenga ri ri;ro furi njini nja Bboke Ginri dza nji dhoni pulupulu kelu dd'e. 4 Ringani ma nji,go ngaku dyina ro,cho cho e ma na kedza nji,dhonalo bl'o nga ve ti ro,iye ma si nji ro nji vi nzi dd'i. 5 Go ma ku i dz'djo na ngana,ma ku i dz'djo kadha. 6 Fulo ndipo nari goti,ke hwi sadda dz'djo,nari na kenji dd'o.Furigoti ke dri fudd'o tsu nyo tsu ngue nake nyo djo, 7 furi goti ke pori kedho i: Ara,ndirigoti ara ni nyo u Siloe dhi dd'a na(furi ku i le ri po ri ri cho le cho nari).Furo kera,ke si ndi nyo u,ro ke ngu pulu pulu ndinyo nga nja ro. 8 Ke lai kpa ndiri goti nja nja ngue ke anji nga kengu ko ro na fukpa di ripo i: Afuri ka ku nga cha ngu di guna jatso nga kodha dho na chake ri a? 9 Njakpa ngu ripo i:Riku ke nganga. Njakpa ngu ripo: Ngae,riku ke bbai di nake.Ke ve ri gu po ndiro: Iri ku ni ma ri. 10 Kpa dhuri ketso: Ndo ni nyotso chu ka ve weni ngbachu dhe? 11 Ke u ritso kpadho i: Yesu le nzi nake thi e dd'o,nari goti ke dri e ri manyo djo,narigoti ke pori: Ara ni nyo u Siloe dhi ddana,ma ra fulu,ma u manyo,nari goti manyo njanga pulu. 12 Kpa dhuri: Ridhi fuke ka ku ngbaga? Ke pori: Furi nza machu ri. 13 Furo kpa mba ngue nganyo e na fuke Wafarisayo dhi ngana. 14 Ro,ri ngue Sabato dyina chu Yesu nji ngue fudd'o,fuke nyodjo ri ke nyotso wedha dho. 15 Wafarisayo dhu ri ki ketso ngba ma ke nyotso we ngueni nari.Ke pori kpadho i: Ke bbl'a e dd'o ma nyo djo,narigoti ma u ma nyo,furo manyo njanga thechu. 16 Fulo ndima r ro Farisayo kpa di ripo: Afuke nzi si Gindri dho ro ri,dhonalo fuke nzi Sabato ddo ri.Njakpa pori:Cheri dhi ke chu ka ka ndinji ddu gu fubu bbubbu a? 17 Furi li ngue ri kpa na nga ndoni ndo ndima kana.Kpa pori ki nganyo ngue na fuke dho i:Ike,nika addu po fuke djo,ninyo ma ke we ddi afo ro? Ke pori: Fuke ku nebi. 18 Wayaudi nza u ngue fuke nyo ro ngue nga na furi ri inga ke ve nganja nari ma ddi ri kpu kpa nzi ngue kedza godhi ndru fulo nga tudha dho. 19 Kpa di ngadhu kedza go dhi ndru tso tsatsa nga na i ndima ripo ro: Iri ka ku ni nidho ngba ri chu ni be nganyo e go ndi goni ro nadyi nganyo ri ri?Ro kpadjo ke ka nganja ngba chu dhe? 20 Kedza go dhi ndru u ritso: Iri ku ni kodhi ngba ri,go ndi goni nganyo ro ro. 21 Ro kpadjo ka ke nganja ngba ma,ndiri goti ke nyotso ka ie ma we nari nza kochu ri.Ani dhu furi ke nganga tso dhe,furi ku ngba dhi nake ro,ke dra ndidjo lo ndi ndiro. 22 Kedza godhi ndru ngu furi dra fu dhonalo kpa ngu Wayaudi do nji;dhonalo Wayaudi r ngue ndima bbl'o i,ddikpa ke u Yesu bbl'o ro fuke le didi sinagogi naro. 23 Ri ku furi dho chu kedza godhi ndru ngu ripo: Fuke dhi ngba,ro ani dhu ke dza lo ketso dhe. 24 Farisayokpa nzi nganyo ngue na fuke ki vi dhe ro,kpa pori ke ni i: Angu madha Gindri dho;kochu nari ku fuke ku cheri dhi ke. 25 Ke u ritso kpadho: Ke ku cheri dhike ma na furi gu nza machuri;machu na lo ku ddi dhe,ma nyo e nga nari goti kpadjo ma nga njanja. 26 Kpa pori ke ni i: Ke ka nji addu nidho?Ni nyotso ka ke ve e we ngba chudhe? 27 Ke ngu logoti kpadho:Fulo nanga ma tu nidho bbl'o ro ni ri ro r nzi;Kpadjo ka ni mbe ma niro addu na?Nima ka ji ningu Yesu una kpachu? 28 Furo kpa di kedhu i ndima ripo ro: Ke una ri ku ni;ko ku kodho Musa una kpa. 29 Kochuri ngba nari ku Gindri ti ngue lo Musa dho;ro ike,nza ko nzachu ngbagaro ma fuke si nari ri. 30 Fu nga nyo ngue na ke ngu logoti kpadho i: Ma nanga dyu bbo i ni ripo nichu fuke nza nari dho;ro ma nyotso chu ke ngu we ina. 31 Farisayokpa pori fuke dho i: Ko chu ngba nari ku Gindri nzi a cheri dhi ke ro ngbe ri;ro,ddikpake di Gindri ma ndiri goti ndi nji ke ji na lo ro,riku fuke chu Gindri ra ngbe ri. 32 Ndiri goti ko nza dd'e ri ro r ddikpake we gogoni nganyo ro nake nyotso nari ro r ri. 33 Furo nga nyo ngue na fuke pori kpani i;njati ri e nza fuke si e Gindri kuso ro ro,fuke nza nji e ddikpa ritsi ro ma ddi ri. 34 Kpa ngu logoti kedho: Ni goni go lu cheri na,ni ka ka niddi ngbalo nga kodho! Furo kpa di ke ndima kusoro hwi. 35 Yesu r ke kpa di nari ro;ndima nju kena nari goti;ke pori ke ni i: Ni ka u Gindri ddu ngba? 36 Ke u ritso: Ni ka ku ie,Bboke,nja dd'e ma u ke dd'e? 37 Ke ni nja e bbl'o,Yesu pori kedho,afona loti nidho nari chu ku ke. 38 Furo ke pori Yesu dho: Ma u ri ngba bboke.Furo ke koni ndi dd'eti djo Yesu nji. 39 Furi goti Yesu pori ke ni i: Ma si i dz'djo lo dd'idha dho,furo chu nzi nga nja na ndru ma nja nga dd'e,ndiri goti nga nja na ndru ngu nganyo ndru dd'e. 40 Fuga ngue Yesu mana ddi ngana Wafarisayo,fulo ndima r na ngana,di ripo:ko nyo ma ka ku nga ddi? 41 Yesu ngu logoti kpadho:Njati ni nyo e nga ro,ni na nga cheri ro e e ri.Ro kpadjo ni ripo: Ko nga nja.Ri ku furi dho chu nidhi cheri gu ra anzi ri.