1 Bbubbu,bbubbu,ma ripo nidho,ddikpa ke tsu kala tchutso lu mbro nza ro,ro ketsu dd'i chu lu ro, furi ku gbu ddima dhu dhi ke. 2 Njati ddikpa ke tsu dza itso nganga lu ro furi ku chembu ronga bb'o nake. 3 Kala tchutso pu nake pu dzaitso furi goti chembu ke chu r,furi goti ke chembu nzi ndima ro dho ro,nari goti ke kpa pu bbaidjo 4 Ngba ke pu ndidza kpa chembu nganga bbaijo nari goti,ke bbi kpa nji ro;furi goti chembu ra ke ulu,dhonalo kpa chu ke chu nyi chu. 5 Kpa nza ka ndima ra nja ddike ulu ri;ro kpa nyi fuke da,dhonalo kpa chu kenyi nza nalo dho. 6 Yesu ngu fu lo ro ji po kpadho ro,ro kpa nzi ngu addu ma kepo ndima dho nari chu ri. 7 Yesu pori ki kpadho: Bbbubbu,bbubbu,ma ripo nidho,ma chu ku fu kala chutso. 8 Kru si ngue manji nari ngue gbu dhi kpa dhu bai mana;ro chembu r kpa chu ro ddikpa ma nza. 9 Ma ku kala chutso.Njati ddile tsu ma lu ro,na fule go go;fule tsu nari goti fule si arugu ndiri goti fule si ka le ka na tso ba. 10 Gbu dhike nzi si nga dd'udha kpali dho ri,ke si ndi hwi ri hwi ma,ndi sa ri sa ma;ro ma,ma si ndiro chembu ba shinga dd'e ndiri goti kpa bari bbo ddi jaina. 11 Maku bblo ru ri ro nake.Ke bbu ndidza shinga ndidza mia dho. 12 Ro dhu dhi ke nga ku ro ro ri ro nake ri,kedho ngaku mia ro ddikpa ma ri,ke nja lu ro,ke bba chembu ndi dhoro bba,furi goti ke nyi nga;furo lu tini mia djo ddironga ri nga ndi pi nari mana. 13 Dhu ba nga nyinyi,dhonari ke ku dhu ri dhu nake,ro ke nanga ro nzi mia dza lo dd'ori.Ma ku bblo ru ri ro nake. 14 Machu madza chembu ngba,ndir goti kpa ma chu manyi ddi, 15 ddiddi madza baba chu ma nari bbai ma ma ngu ke chu chu chu;fulodho ma madza shinga bbu madza mia dho. 16 Madza nja dd'i mia ma ku ddi,nga ku i kala na nari;furi hwe mangu ma kuso;ri r machu r,furo ritso si gbani ddi,furi goti ri ro ru nake maku ddikpa chu. 17 Madza Baba ji ma,dhonalo ma madza singa bbu,ma si ri ba ba dd'e. 18 Ddikpa le ma dhu kpa ro madhoro nzi,ro ma ri bbu ma maro chu ni;ma ku kpakpa nga na ri bbudha dho,ndiri goti maku kpakpa ngana ri dhu dha dho: Afuri chu ku maba madza Baba dhoro na kpakpanga 19 Afulo ndo ngue Wayaudi nanga ki vi. 20 Kpa kana njakpa di ripo i: Ke na ku go,ke rrchu;nika fuke dho lo r addudho? 21 Furo nja kpa di ripo i : Afuri nga ku go ku na nake ka ndi ti nalo ri; go ka ka ndi we nganyo ku na ke nyotso maddi? 22 Go ndru ngu bbu le bbu na bbudha kpar bbu Yerusalema naro. Furi ngu njini bbo gri dhi bi na. 23 Yesu ngu ndiro nga bbi dradzalu,Solomono chi ngue na dza huru tselu. 24 Wayaudi dd'e ngue kero ngatso,kpa pori ke ni i:Ni ka ka nichi ko djotso gu kpu ngbaga djo?Njati nie Kristo ro,apori kodho pulu pulu. 25 Yesu ngu logoti kpadho i ndi ripo ro: Ri mapo nidho po,furo ni uri nza madza Baba ro dho na manji na ddu kpari ridho pulu pulu ma ku ni kristo ri. 26 Ro ni ri u nzi,dhonari ni nga ku madza chembu ri. 27 Madza chembu machu r r;machu madza chembu chu,ndiri goti kpa ra ma ulu. 28 Ma nunu di na shinga bbu kpadho;kpa ro vi ddikpa ma nzi,ndiri goti ddikpale ma dhu kpa ro madhoro nzi. 29 Kpa bbu e madhona na madza Baba,ku kru ritsi djo bboke ;fulodho ddikpale madhu kpa ke dhothi ro nzi. 30 Ma ma madza Baba mana ma ku ddikpa ndru. 31 Furi ndima r ro Wayaudi so dju ki vi ndima bu na ke dd'e. 32 Yesu pori kpadho: Madho e biro biro ku na bblo nji kpari nidho madza Baba dhoro ndi si e ro: Ri ka ku fu nji djo chu ni ma bu dju na ri? 33 Wayaudi ngu logoti kedho i: ko nzi ni bu bblo nji djo ri,ro Gindri ni dhu nari dho,ndiri goti ni,ni ku ndru,rochu ni ninji Gindri. 34 Yesu ngu logoti kpadho: Rika ndini nidho jadha dhi bbuku na i nza: Ma ma ngu ridhu nitso nika ku gindri kpari? 35 Ri e Gindri dza lo si e dhi ngana na ndru chu nzni gindri kpari ri ro,Gindri dza longa ro ka ndi drini nza nganga. 36 Bbl'o ronga Baba u nake ndiri goti le cho ke i ngu djo,na fuke nichu ni ripo: Ke naa Gindri dhu! Furi chu ku i ma ripo nari djotsina dhe: Maku naa Gindri ddu. 37 Ro ri e nzi ma Baba dza bblo nji nji ri ro,nzi ni u ma pa. 38 Fu nji ma nji ni ro,nza ma ni u ma ro,ani u Baba dza bblo nji,furo chu ni churi chu ke ku ma na ni ndiri goti ma ku ke na ni chu. 39 Furi ndima r ro,kpa di ri ne ndima lu ke ki vi, furo ke plani kpa dhotsiro. 40 Yesu ki ra Yorodani dzidzina,Yoane ngu batiso bbu anji na ngana.Furo ke ra di fudzi. 41 Bi ku na ndru kpari ka si kedhi ngana,i ndima ripo ro: Yoane nji ddu ro ddikpa ma nza;ro kru Yoane po kedjo nalo ku bbubbu ku na lo. 42 Furo,bi ku na ndru u ngue ke