1 Lazaro lenzi na ddikpake ngue dhe na, Betania na ke,maria ma Marata ma,le ve mana dhi bbagu ke. 2 Riku fu Maria chu dri ngue Yesu ko ronga bblo ngu na che na ndiri goti le nju ngue Yesu ko ronga ndi djoka na,ri ngue fu Maria dhi djona Lazaro chu ngue dhe na ri. 3 Le vei cho ngue ndru Yesu dhi ngana ndima u ripo i: Bboke,anzi rinja,bbo ni ji ri e na chake dhenji. 4 Fulo ndi r nari goti,Yesu pori: Furi ngaku hwi ka ndi hwi le na dhe ri;ro ri ku madha ka ndibbu Gindri dho nari,furo chu Gindri ddu ro dho mani ma ri lu dd'e. 5 Ro,Yesu ji ngue Marata ma,le ve ma,Lazaro mana bbo. 6 Lazaro ku dhena nari ndi r ngue ro,ke ki di ngue ndi ngu di na bbagu arocha vi, 7 Furi goti ke pori ndi una kpadho: Ako ki ngu Yudea na vi. 8 Furo ke una kpa pori keni i Rabbi,Wayaudi e ni ne ddicha ndima bu dju na dd'e,kpadjo ni ngu nitso ki le Yudea na chu ngbachu dhe? 9 Yesu ngu logoti: Ddi dyi na ka saa ku dre ndidjo aro ri na nga?Njati ddikpake bbi dyina ro,ndike ka ndi buni nza;ddidho ke kadha nja. 10 Njati,ddike bbi kuna ro,ke buni dhonalo kadha ku nga. 11 Fulo goti,ke pori kpadho: Lazaro,kodhi luba ddoddo,ro chu ke ma si che che. 12 Ke una kpa pori kedho i: Bboke,ri e ddo ke ddo ri ro,ke si gogo. 13 Yesu ngu loti ke dza dhe djo,ro pka ngu ri dya che naro le ka le che na ddo dza lo ke po ri. 14 Furo Yesu pori pkadho pulupu: Lazaro dhedhe. 15 Ro,riku nidhi lodho,nja ni uri dd'e,ma hwe nji mathina ma e ke dza dhe dhi ngana nga na lo dho.Ako ra ke ledd'u na ngana. 16 Furo Thomasi,zukpa le ngu ndinz'ro pori ndi lai Yesu una chochokpa dho: Ko maddi,akora ko cheni ke mana ddinga dd'e. 17 Tho ddo goti Yesu si ngue Lazaro dza dd'udz'djo ro,ke si bbl'o Lazaro dhe ro. 18 Batania ngue kilometere gbo ngatsi Yerusalema kusoro, 19 biro biro ngue na bbayaudi si ngue Marata ma nyodjo Maria na,nja ndima pi kpa iso ledjo dhe nari dho dd'e. 20 Marata r ngue Yesu si nari ro,le ra nju ke na chu na,Maria chu ngu di adza. 22 Ro,kpadjo maddi,machuri ngba kru ni nzi Gindri tso na ritsi,Gindri ka ndi bburi nidho ngba. 23 Yesu pori ledho i: Adjoni ka ga ga. 24 Marata pori i,ma churi chu,ke ga ku ni ndru ve di ga nadyi,ngutso ve si dd'o nadyi. 25 Yesu pori ledho i : Maku gadha ma shinga mana.Ddikpale u ma ro fule di shi,dhe ma fule dhe ro; 26 njati ddikpale e ndi na shinga na ndiri goti ndile u ma ro ndile dhe nzi.Nika u furi ngba? 27 Le ngu logoti Yesu dho: Ngba o,Bboke ma uri niku Kristu,Gindri ddu,dz'djo ngaeni ndi si e nake. 28 Fulo ndi r nari goti,le ka ra ra ndidho.Furi goti le nzi Maria dzodzo ndichu na,lepori i: Madhi vena Bboke ku iga ke ni ne. 29 Fulo maria r na ngana, le dani le le, ro le ra Yesu dhi ngana. 30 Yesu dd'e ngue tsu bba kana nza,ro ke ngue go Marata na ndima nju e na cha nga na. 31 Maria iso ngu pi adza na Bbayaudi,nja ngue Maria dani le le ndiri goti ndi si bbaidjo nari ro,kpa ma ddi ra le ulu,i ndima ripo ro: Le ra dd'u dz'djo,nja ndira dz'dz dd'e. 32 Maria si ngue Yesu ngue na ngana,le nja ke ro,le buni ke ko tsina,le pori kedho: Bboke,njati ni e iga ro,madhi djona nza dhe e ri. 33 Yusu,nja Maria dz nari ro le ma fuga ngue na Bbayaudi dhi dz ndinja nari mana,kedjo bbo zo chi ngue nari goti ke nanga dz ko ngue kpu. 34 Nari goti ke po ngue ri: Ke ka ni li ngbaga? Kpa po ngueri Bboke asi,ni njari dd'e. 35 Yesu ve dz. 36 Furo Bbayaudi ve di ripo i: Aninja ngbabu ma keji Lazaro nari. 37 Kpa kana njakpa di ripo i: Ke we e nganyo ndru nyotso maddi,ro,ke ka ka e nza ndicho dhetso Lazaro ro ro? 38 Yesu djo zo ki chi vi,furo ke ra dd'u dz'djo.Ridhi dd'udz ngue dju nanga le kr nari ri,nari tsoro ngue ddikpa bbodju. 39 Yesu pori kpadho i: Ani tu afu dju dd'udz tso ro ro.Marata ,dhe dhi djona dhe e na le,piro i: Bboke,ke nga ngudhatso bbl'o,dhonalo ke ddo dzna thocha bbl'o. 40 Yesu pori ki: Nidho ka ma poeri nza,ni uri ro,ninja Gindri dza kadha nari? 41 Kpa ka dju tu dd'udz' tso ro ro.Furo Yesu ka ndinyo ngbe aru,i ndi ripo ro:Baba,ma madha ngu nidho kru ninji madho na lodho. 42 Ro ma,machu ninji mado na rits kru;ro kpadjo ma lo ti iga njuni na ndru kpari dza lodho ndiro chu kpa uri nicho ma bbubbu nari. 43 Fulo ndi po nari goti,ke hu bbo ndichu na: Lazaro,avu bbaidjo! 44 Furo bu e nake vu bbu naro,ke ko ma ketho ma le ndi ngue rumbi na,ndiri goti ke nyo djongatso le dr ngue ru na.Yesu pori kpadho ani klo kero rumbi,ndir goti ani bba ke ra. 45 Maria dhi ngana si ngue na biro biro ngue na Bbayaudi kpari,furi Yesu nji nari ndima nja ro,u ngue ke thechu. 46 Ro kpa kana njakpa chu ra ngue Farisayokpa dhi ngana,ndima ra Yesu nji na fulo tra dd'e. 47 Gindri dza na nji dhi bbobbo kpa ma Farisayokpa mana kpa ka ndima tso nju 48 furo kpa ti ngue ndima lotso ddinga ngba ma le Yesu nji naridjo i ndima ripo ro: Ko ka ri nji ngba? Dhonari fuke ddu kpari nji.Ko di ri bba ke di ri nji fu dhe ro,kru ndru si ke u,nari goti Roma na kpa si kobba bba ma kobba ngu mana ri dri kru. 49 Kpa kana ddike rodho ngue Kayafa Gindri dza dzana njidjo bboke fu chona,pori kpadho i: Ni nzi nga ro r pa maddi ri; 50 Nika ngaddi nzi,ri kaka ddikpake dhe ndiro nzi kobba ndru sani ro. 51 Ro ke nzi ngu fulo po ndidho ngaddidha chulu ri;dhonari ke ngue fucho na Gindri dza dza na nji dhi bboke,kengu bbl'o Nebikpa po ngue Yesu dza dhedjo na lo dra. 52 Ri nga e ndru tsi kpar djo kpali ri;ro ri ngue Ginrdri dza pi nanga pini na nzo ka ndingu ddi nari maddi. 53 Fudyi ngadjoro kpa ti ndima lotso nja ndima hwi Yesu hwi dd'e. 54 Furi djotsina Yesu bba ngue pulupulu ndi bbi Bbayaudi kalu naritso;ke ka ndi ronga dri nga mbesi ngo djana,Efuraimu rodho ku na bbagu;fuga chu ke ma ngu di ndi una kpa na. 55 Bbayaudi dhi bboddo si ngue chocho bbl'o.Furo birobiro ku na ndru kpari dji ngue Yerusalema na fu bboddo nji,ndima thi ndima dhi lothika Gindri na dd'e. 56 Kpa ngu Yesu ne,kpa ngu ripo ndima kalu Gindri dza dzana i: Nika addu ddi?ke ka ka ndi si bbo ddo dho nza? 57 Ro Gindri dza dza na nji dhi bbobbo kpa ma Farisayokpa ma bbu ngue jadha i ndima ripo ro,ddike nichu ke ku nanga ro,ndike pori kodho ko lu ke dd'e.