1 Ddo asa Bbayaudi dhi bboddo nji,Yesu si ngue Betania na,ga ndi ga ngue bu djoro na cha Lazaro ngu di na bbagu. 2 Fuga lethi ngue ngasnga ngadhi nyo kedho.Maratha mba nyo ro,Lazaro ma ngue ddi funyo tsoro. 3 Furo,Maria dzi bblo ngu na kpakpa ro dzi ku na che,le dri ngue Yesu ko ro nga fu che na,furi goti le nju ngue ke ko ronga ndi djoka na;fu bbo ro dzi ngue na fuche dzi lu ngue adza nga gble. 4 Ke una ddi chochoke Yuda Isikariota le ngu ndinz'ro nari ngue Simoni ddu,riku fuke chu ngu si Yesu bbu ri,ke pori i: 5 I che nanga ka leka le dzi e mbu kpakpa mia gbo nza,nari le bbu njedha dhi ndrudho dd'e. 6 Kengu fulo po,nga njedha dhi ndru djo ndingaddi na lodho ri ri,ro ri ngue ke ngue gbu na lodho,mbu ronga ndi bb'o ro ke ngu njambu ro dd'udd'u dhe. 7 Furo Yesu pori i: Abba fule bb'o fuche ronga madza dd'udz dhi dyi dho. 8 Ni radi di njedha dhi ndru na kru dyiro,ro mana nidi na dyi ro ku nga. 9 Bbayaudi kpari r ngue Yesu ku Betania na nari ro;kpa ra fubbagu,nga ke kpali dza lodho ri ri,ro nja ndima nja Lazaro ro maddi dd'e,dhonalo Lazaro ke ga ngue ga bu djoro. 10 Gindri dza nji dhi bbobbo kpa gba ngue ndima chutso le hwi Yesu ma Lazaro mana kru, 11 dhonalo bi ku na Bbayaudi ngu ndima tu tu kpadho lo naro,ro kpa ngu yesu u. 12 Bbudyi biro biro ku na ndru kpari si ngue wayaudi dhi bbo ddo dho Yerusalema na Yesu bu ndima r na lo dho, 13 kpa su ngue aabi kpari ndima thotsina,kpa ngu si ra Yesu nji ii ndima si krini ro: Ozana! Nironga leni le Bboke ro dho na si nake,Israeli dhi Pi! 14 Nde ngba Yesu si ngue Kana dza ngba ro,ndiri goti ke di ngue ri djo ro,ddiddi ri ndi ngueni nari bbai: 15 Nzi ni nji do,Siona dza sinzo;Anjari,nidza Pidja si ni,kechu di Kana dza ngba djo. 16 Ke una ngu ra na chochokpa nza chu ngue hwe njini na furi ritsi kpari ro ri; ddichu ngba Yesu lo ngue ndidza kadha blo ro,fu lo no ngue ni kpa thi na ndiro ri ndini ke dza madha dho ,ndiri goti kpa nji ngue ri ke djotsina. 17 Furo Lazaro ke ga ngue ndidza tdodzi naro na ngana ngue na ndru kpari,di fulo dho; 18 ndiri goti fu lo djotsina ndru kpari nju ngue dima tso ke nji njonjo ddu kenji na lo ndima ri na lodho. 19 Ndiro Farisayo dzakpa po ngue ri ndima kana: Ani nzi nja di ni nza tde ddikpa ritsi ro ma nji ddi ri;dhonari ndru kpari hwe ra ke ulu. 20 Kari ddo na, si ngue na njonjo ro ku na Griki dza kpa dji ngue madha dho ro, 21 furo chu kpa si ngue Filipo dhi ngana,ke chu ngue Betesaida na Galilaya na ke,ndiri goti kpa dhu ngue ri ketso i ndima ripo kedho ro: Bboke,ko ji ko nja Yesu. 22 Nde Filipo si ngue Andrea dhi ngana;nde Andrea ma Filipo na ra ngue ripo Yesu dho. 23 Yesu ngu ngue logoti kpadho i ndi ripo kpadho ro: Saa ka blo ndiro chu ndru ddu ka tsu ndidza kadha na tde. 24 Bbubbu,bbubbu ma ri po nidho,njati ddikpa ngano kpa tchi dzi na nza na,nza ndi dhedhe ro,ndi nzi ka goni ri;ro chu ndi dhedhe ro ndi kpa ka goni biro biro. 25 Bbo ji ndidza shinga na fule ka ri vivi,ndiri goti ndrondro ndidza shinga i dzdjo na fule ka nunu di na shinga ko be ba. 26 Njati ddikpa ke nji madza nji ro,ke ra ma ulu ro,ndiri goti ma ku na ngana maddi ma dza nji dhi ke ka di: Njati ddike nji madza nji ro,Rana ku na Aba ka madha bbu kedho. 27 Kpadjo mathi nanga ri tdotdo.Ndiri goti ma ka ka mapo addu? Baba,a go ma i saa na? Richu ku i lo dho ma si i saa na ri. 28 Baba,a ma ni ro dho! Ndiri goti le chu si ngue ra naro:Ma li ri ni di kadha na blo ndiri goti ma ka ri ki li nja djaina. 29 Furo ke kuso ngue na ndru kpari,dhu ngueri ri ka ku vo ta ri,nde nja ndru po ngue ri malaika chu po lo kedho. 30 Yesu pori : fule chu nza po lo ma djotsi na ri;richu ku ni djotsina. 31 Kpadjo ku i dzdjo lo tdidha: kpadjo le ka i dzdjo pi bu arugu. 32 Ndiri goti blo ma ve si ngbeni dzidjoro ro,ma si kru ndru dda ma kuso. 33 Fu ndi lo ti nari na, ke ngu ndi ka ka si dhe ngbari bbai ma na dhe dho. 34 Ndru kpari ngu ngue lo goti kedho: Ko ri ngue jadha chulu kristo ka di nunu;ndi ndru ddu ka ngbeni rona? Fu ndru ddu ka ku aie? 35 Yesu pori kpadho: sese kuna saa dho kadha ku ni kana go. Ani bbi go kadha ku ni kana ro,nzi no ka ve si tsu niro ro: dhonalo no na bbi nake nzi a ngbaga ndi ra nari chu ri. 36 Ni niku go kadha na ro,ani u fu kadha,ndiro nika di fu kadha dza nzo tde.Yesu po fu lo nari goti,ke ra ngue ndidho,ndiri goti ru ngueni da kpa nyo djo ro. 37 Ngba ma biro biro ku na ddu ke nji ngue ndru nyodjo ro,ndru u ngue ke nza dhe, 38 ndiro blo Nebi Isaya po ngue ndi tsona ro na lo bbai: Pi,ie ka u ko tso na lo?ndiri goti ie dho chu ka Pi dho ngue ndi? 39 Furi chu ka ngue nza uri na ndru,dhonalo Isaya po i ki: 40 Ke chi ngue kpa nyo tso blo ;ke li ngue ri kpathi ngu kpakpa,nzi ndima ka ri nja ndima nyo na,nzi kpa ka lo chu ndima thi naro tde,nzi kpa ka leni tde,ndiri goti nzi ndi ka kpa go tde. 41 Fu lo kpari Isaya po ngue blo ndi nja ke dza kadha ro;nde ke ti ngue ke dza lo ddi djaina. 42 Ddichu Bbobbo kpa kana biro biro ndru u ngue ke,ddichu Farisayo kpa dhi lodho,kpa dho ngue kedza lo pulu pulu nza,nzi le ka kpa pu Sinagogi naro tde. 43 Ndiro fukpa ji ngue ndru dhi kadha,furi chi si ngue Gindri dza kadha djolu. 44 Nde,Yesu ho ngue i ndi ripo ro: ngba u ma na ke,u ma kpali nza,ddichu ndi ke u ma cho nake; 45 Ndiri goti ngba nja ma na ke nja ma cho na ke maddi. 46 Ma si e i dzdjo kadha dho,ndiro ngba u ma na ke ka di no na nzi. 47 Njati ddike r madza lo ro ndiri goti ndi ka ri ro nga pbo nza ro,ma ddi ka kedza lo tdi nzi: Dhonalo ma nza si e i dzdjo lo tdidha dho ri,ddichu i dz go go tde. 48 Ddichu ma gu na ke ndiri goti ko madza lo nza mâle ddichu kpa ku na ke ka kedza lo tdi,ngba ma po e na lo ,ka ve si ke dza lo tdi go si na ddo dyina. 49 Ddidho ri nga ku madjo ma ti ri;rochu ngba cho ma na madza Baba,kechu bbu ngue jadha madho ma ka ngba lo ma po ndiri goti maka ngba lo ma tra ddi tde. 50 Nde ma churi ngba ke dza jadha ku nunu di na shinga na.Furi dho chu mapo ngbalo ma ro,ma ri po ddiddi Baba po ngue ri madho nari bbai.