Ridza bbombi 13

1 Paska dhi bbo ddo nji,Yesu chu ngue ndidza ngatso kaka ndira i dz djoro ndidza Baba kuso,ke ji ngue ndidzari dz'djo ku na ndru bbo na lodho,ke dho ngue bbo ku na jidha kpadho. 2 Ngasnga nyo dhi saa na ,pblo chegu ke tsu ngue Yudda Iskariota thi na ro,Simoni ddu chu thi ngue ke bbudha ndru dhothi na, 3 Yesu,chu ngueri Aba ndi ngu ngue kru ku na ritsi ndi dhothi na,ndiri goti ndi ndiro ma si ngue ke dhoro chu,ndiri goti ndi ka ndi ngu ke dhi ngana, 4 ke da ngue ni nyo dhi mesa tso ro ro,klo ke klo ngue ndi ro ru,ke dzi ddikpa ru tsotso,ke so ndi thika5 nga ri na. 5 Furi goti ke ddo ngue dda ddikpa cha na,ke di ndi u a kpa ko u fu dda na,furo ke di kpa ko ro dda nju ndiro ndi su ngue na ru tso tso na. 6 Ke tso si Simoni Petro djo;Petro pori i kedho: Bboke,ri ka ku ni dhe,ka ni u ma ko ri! 7 Yesu ngu logoti kedho : Kpadjo ma nji na ritsi, nzibba ndi nyi chu nidho ri,fu ritsi nyi ni si chu a luti. 8 Petro pori kedho ii : Nzi Bboke,nzi u ma koro nga kpala Yesu ngu logoti kedho: ma u niro nga nza ro,ni nzi si di mana ddikpa nga na ri. 9 Petro pori kedho ii: Bboke,nga ma ko kpali ri ndiro ri,a u ma tho ma ma djo mana hwe. 10 Yesu pori kedho : Pblo ronga le u nake ko ki nzi le u vi nja fuka tsetse lu tde ri;ni tse ngba ro ri nga ku ni kru ri. 11 K e ngu fu lo po dhonari ku ke chu ngue ie ma si ndi bbu nari chu;riku fulodho chu ke ngu ripo : Nitse ngba ro ri nga ku ni kru ri. 12 Pblo ke u kpa ko nari goti,ke tho ndiro ru ndiro,furo ke ngu mesa tsoro,ke pori kpadho : Nika ri mapo nidho na fulo ngba? 13 Ni ma nzi longa ddidha dhi ke ndiri goti bboke;furi nipo chu,dhonari maku ni fuke ri. 14 Njati ma u ni ko ro furi pori ma ku Bboke ndiri goti longa ddi nake,ni maddi nidho ringani ni u niko nikalu. 15 Dhonalo madho ddikpa ji nidho,furo chu ni di ri nji manji e ri niro nari bbai tde. 16 Bbubbu,bbubbu ma ripo nidho,nji dhike nza da ndidza bboke ri,Gindri dza nji dhike nga ku bbo chocho ndi na kedho ri. 17 Afulo nichu ngba ro,nidho nga njini ringani ni li furi nji kana. 18 Ma nzi fulo po nidjo ri;ma chu vu ma vu na ndru ngba.Ro ringani ndi le ndi na lo njini nji : Ma na nga nyo ddikpa no na nake ngbe ndiko djuti ma bbudha dho. 19 Kpadjo ngadjoro ma ripo nidho,nza go ridhi lo tde si go ro,furo chu ridhi fulo ve ra si ro,ni si ma u u tde. 20 Bbubbu,bbubbu ma ripo nidho,ddikpa ke ko ma cho e nake ro fuke ko ma,furi goti ma ko na fuke,fuke ko chocho ma nake. 21 Afu ndi ti li nari goti,Yesu djo ngbu ngue ni keve ri gu po nda : Bbubbu,bbubbu ma ripo nidho,ni kana ddikpa ke si ma bbu. 22 Ke una kpa di nga nja ndima nyo lu ndima kana ,nza ndima chu iye ma riku na riro. 23 Ke una kpa kana ddike pori,ri ngue bbo Yesu ji ngue na ke, fuke la ngue ndi Yesu djo. 24 Simoni Petro mbu ri ndi dhuri Yesu tso ie ma furi si e na ri. 25 Furi goti ke una ddike,la ngue ndi Yesu badjo,ke pori i : Bboke,ri ka ku ie? 26 Yesu ngu logoti : Ri ku dda na ma si ti na mukati ma si bbu dhona nake.Furo ke ti mukati ddana,ke bburi Yuda dhona,Simoni ddu,Iskariota ndi ro dho nzini ro. 27 Pblo ndi bbu fu mukati kedho ro,go tsu ngue Yudda na.Yesu pori keni ike,anji ni ji ni nji na ritsi mbru nganga. 28 Ro kpa ngue mesa tsoro na na kpa kana ie ma nza chu ngueri addudho ma ke fulo po nari ri; 29 Fuga ngue na nja kpa ngu ri ddi ii,njaro Yudda ra di mbu ro nga pbo ro,Yesu ripo kedho i njaro : Ara kodho ngani na ritsi dzi bboddo dho,inga ke ra njedha dhi dru tsotso kodha dhi ritsi ro dzi. 30 Yudda,ko ngue fu mukati ro,ke si lele bbaidjo.nga ti ngue pblo. 31 Yudda si bbaidjo nari goti,Yesu pori: Kpadjo ndru ddu ba kadha pblo,ndiri goti Gindri maddi ba kadha kelu pblo. 32 Njati ri e Gindri ba kadha ke lu ro, Gindri maddi si kadha bbu kedho ndi lu,furi goti ke si kadha ba tse bbo. 33 Madza rere nzo ma ku nina sese nga dho go.ni si ma ne ne;ndiri goti,ngba ma po e ri bbayaudi dho naro bbai: Ni nzi si ma ra na nga na ri,furi ma po nidho kpa djo ma fu dhe. 34 Mabbu u jadha nidho: Ani jini ni kana ; ddiddi ma ji e ni nari bbai,ni maddi,ani jini ni kana. 35 Furi ro chu ndru si ri chu niku na a ma una kpa ni e ni jidha na ni kana ro. 36 Simoni Petro pori kedho ii : Bboke,ni ka ra ngbaga?Yesu ngu logoti kedho ii : Ni nza ka ni u ma ulu kpadjo ma ra na ngana ri ro ni si ra aluti chu ni. 37 Petro pori, Bboke,rika ku addudho ma ka ma ra nza ni ulu kpadjo ri? Ma u dhe nidjo. 38 Yesu pori kedho i : ni ripo ni u dhe madjo! Ro Bbubbu,bbubbu ma ripo nidho nju dhe ukpa si ngoni na nga nji ni si ku ma gu gbo jaina.