Ri dza bbo mbi 14

1 Nzi ni bba ni thi nanga ri tdo pa .Ani u Gindri,ndiri goti ani u ma. 2 Madza Baba dza dza na birobiro didha dhi nga ku ni.Ri e fu nga ro, ma po e ri nidho po. ma ra nidho didha dhi nga thi. 3 Furi goti,ngba ma ra nari goti ma ki ngu,ma si ni su,firi goti ko ra ni na ni ra di ma di na nga na. 4 Nichu ngbaga ma ma ra nari nza,ndiri goti nichu ndidhi chu chu ngba. 5 Tomasi dhuri ketso: Bboke,kochu ngbaga ma ni ra nari nza; ka ngbachu the ko ka ko chu ni ra na chu? 6 Yesu ngu logoti kedho: Maku chu,bbubbu nga,shinga mana.ie ma si Baba dhi ngana nzi nza ndi da ma lu ro. 7 Njati nichu e ma ro,ni chu e madza Baba maddi.kpadjo ngadjoro dhe nichu ku Baba,ndiri goti ke ni nja pblo. 8 Filipo dhuri ketso: Bboke,adho Baba kodho,ndiri goti furi kaka fubu. 9 Yesu ngu logoti kedho: Ni di ma na bicha,ro ni tde machu nza a Filipo! ma nja nake nja Baba pblo;ni ka ngu ri po ngba: Adho na a Baba kodho? 10 Nika churi nza matso gbani Baba na ddi,ndiri goti Baba ku ma na ddi,ri?Ma tdra nidho na lo,fulo nza si e ma naro ri;ro ma na di na Baba,fuke chu nji nji ma na ro. 11 Ani u ma,dhonalo ma tso gbani Baba na,ndiri goti Baba tso gbani ma na;ani uke ke dza nji ro ma che. 12 Bbubbu,bbubbu,ma ripo nidho ddikpa ke u ma ro ke si ku ma nji na nji nji nji,ke si ri nji bbo ddijai ana,dhonari ma ra ra Baba dhi nga na; 13 Kru ni si ku ko ma ro dho na na ritsi,ma si nji nji furo chu Baba ba kadha leddu lu tde. 14 Njati ni ko ngba ritsi ma maro dho na ro,ma si ri nji nji. 15 Njati ni ji ma ro,ani pbo madza jadha ro nga bblo. 16 Furi goti ma ri nzi Baba tso,ro ke si le iso pidha dhi ke bbu nidho,furo chu fu le iso pidha dhi ke si di ni na nunu ngadho tde, 17 Bbubbu nga dhi thi,nza nyi ka ndi chuni dz'djo ndrudho nari,ddidho kpa nzi ri nja ri ndiri goti kpa chu ri chu ma nzaddi;ro ni nichu fu thi ngba,dhonalo ri di ni na naro goti ri si e ni na ni dhe. 18 Ma nzi si ni bba zo nzo bbai ri,ma si ngu nidhi nga na vi. 19 Kari nga goti,dz si ma nja nzi;ro ni ni si ma nja nja,dhonalo ma di shi,ndiri goti ni di shi ma na. 20 Fudyi chu,ni si richu bbubbu matso gbani Baba na nari,ndiri goti ni ku ma dza ndru ndiri goti ma ku nidho nari. 21 Ddikpake chu madza jadha ro ndiri goti ke pbo ri ronga ro,furi chu ku ji ji ma na ke;ndiri goti ma ji nake madza Baba si ji ji chu ngu,ma si ke ji bbo,ndiri goti ma si ma dho dho kedho. 22 Yudda,nga Iskariota nzini na ke ri,dhuri ketso ii : Bboke,rika ku ddudho ni si nidho kodho,rochu nga dz'dho ri ri? 23 Yesu ngu logoti kedho : njati ddikpake ji ma ro,ke pbo madza lo ro nga,furo madza Baba si ku fuke ji bbo;ko si di ke na,ko si kodho didha dhi nga li ke na. 24 Nza ji ma na ke fuke nza ka ndi pbo madza lo ronga ri.Ndiri goti afona ni r na fu lo nga ku madza lo ri,ro madza Baba cho cho e ma nake dza lo. 25 Ma po ilo nidho go maku ni kana na ngana. 26 Ro ni iso pidha dhi ke,Bblo thi,Baba Gindri si cho ma ro dho na nake,ke si kru longa ddi nidho,furochu nive ku mapo ngue nidho na cho lo no kru. 27 Ma bba ngoi nidho mabbu madza ngoi nidho.Ma nzi ribbu dz dhadjo ri.Nzi nibba ninanga ritdo bbo ndiri goti nzi ni di huhu bbo. 28 Ni r ngue ri ma po ngue ri: Ma rara madho,furi goti ma ki si ngu ngu nidhi ngana.Ri e bbubbu ni ji ma ri ro,ni nanga ji e ni ji Baba dhi ngana ma ra nari dho dhona ri Baba ku madho bbo pli. 29 Kpadjo ma fulo tdra nidho nza go fulo tde njini ro,furo chu,fulo ve si ro,ni si ri u u tde. 30 Ma nzi bi ku na lo kpari tdra nidho ri;dhonalo ku dz'djo si ku pi nyo na ke si si ,ke nga ku lo na mana ri; 31 Ro nja dz churi ma ji madza baba ji nari tde,ndiri goti ma nji nji ke bbu madho na jadha na nari tde,ani dani,ko ra igaro tde.