Ridza bbombi 15

1 Ma ku bbubbu ku na tsi jai,ndiri goti madza Baba ku ridjo tsukpa dda djo njinji na ke. 2 Kru ku na tsu ler e ma na ro ndiri goti ri o ndikpa nza ro,ri le kri kri;ro kru ku na ni ndidjo tsukpa o na ler, le si ri ronga thi thi,nja ndi o ndikpa gu bbo tde. 3 Ni tse pblo,nidho ma tdra e na lo djotsina. 4 Ani di ma na,ma maddi si di ni na,ddiddi tsu ler nzi ra di tsukpa bbu,nza nditso gbani tsu djai na ro ri,furi bbai nidho ma rika nziddi,nza ni di ma na ro. 5 Ma ku tsu djai,ro ni ku tsu le.Njati ddikpake di ma na ro ndiri goti ma di ke na ro fuke djo tsukpa o pli,dhonalo nga dhi ma ro nidho ri ro ka nzi. 6 Njati ddikpake di ma na nza ro,fuke le bu bbaidjo,ddiddi tsu ler bbai,ri tdyutdyu,furi goti le si fu tsu ler su,le bu ndi kaz na,ndiri goti ndigu gbigbi. 7 Njati ni di ma na ro,ndiri goti madza lo di ni na ro,ani ko kru ni ji na ritsi,ri si bbuni nidho bbu. 8 Njati nidjo tsukpa e bi ro,furo chu madza Baba ka ndi ba kadha,furo chu ni si nzini ma una kpa. 9 Ddiddi Baba ji ma nari bbai,ma ma ngu ni ji fu chu.Ani di madza jidha na. 10 njati ni pbo madza jadha ronga ro,ni ka ni di madza jidha na,ddiddi ma pbo e madza Baba dza jidha ronga nari bbai,ndiri goti ddiddi ma di e ke dza jidha na nari bbai. 11 Ma po fulo kru nidho,furo chu madza hwe di ni na tde,ndiri goti nidhi ji tso ka ka tde. 12 Madza jidha ku ina : Ani jini ni kana,ma maro ma ji e ni nari bbai. 13 Le dza shinga lebbu le lai dho nari ku pli si si na jidha. 14 Ni ku madza lu bai kpa,njati ni pbo ma ngae nidho na lo ronga ro. 15 Ma nzi ninzi nokpa vi ri,dhona lo ku nokpa nzachu addu ma ndidza bboke nji nari ri;ro manzi ni madza lubai kpa ni,dhonalo ma dhoe nidho madza Baba dhoro ma bae na kru lo. 16 Ri nga ku nichu vu e ma ri ri;riku ma,chu vue ni ri,ndiri goti ma li e ni,furo chu ni ra,ndiri goti tsukpa o nidjo ndiri goti nidjo tsukpa tso kaka,furo chu ninzi ngba lo ma Baba tso ma ro dho na ro,ke ri nji nji. 17 Ma nga nidho na lo ku ina,ni jini ni kana. 18 Njati dz ndro ni ndro ro,ani churi chu dz ndro e ma maddi ninji dhe. 19 Njati ni e ya dz dza ndru ro,dz nyo ndidzari ku na ndru dza lo tho e tho;ro niku dz dza ndru nga na lodho,ndiri goti ni ma vu e madho dz dza ndru kana ro,riku fulodho chu dz ndro ni ndro ri. 20 Ani no mapo e nidho na lo,nokpa nza ka ndi si ndidza bboke djolu ri.Njati kpa ne e ma dhe dho ro,ni ma kpa si ne dhe dho chu;njati kpa pbo madza lo ronga ro,kpa si nidhi lo ro nga ma pbo pbo chu ngu. 21 Fulo kru kpa si nji ni ro ma ro dho djotsina,dhonalo kpa nzachu ie ma cho ma nari ri. 22 Njati ma si e nza ro ndiri goti ma ti e lo kpadho nza ro,kpa nza nji e chenga ri;ro kpadjo kpako ndima dhi chenga bedho na zu ku nga. 23 Njati ddikpa ke ndro ma ro,fuke ndro madza Baba maddi. 24 Nza ma nji e kpa kana gu gu e ndru tsori na afu nji ro,kpa nza nji e chenga ri;kpadjo kpa njari ndima nyo na na lodho,kpa ndro ma kpa ndro Baba maddi. 25 Ro furi njini ndiro ndiro ndi ndini jadha dhi bbuku na na lo njini tde : kpa ndro ngue ma pa. 26 Pblo ndru iso pidha dhi ke ve si na ngana nake chu ma si cho Baba dhi ngana ro,Bbubbu ku na thi,Baba dhi ngana ro ndi si ro;si ku ma djo lo nga tu pulu pulu; 27 Ndiri goti ni maddi,ni ma si ma djolonga tu pulu pulu chu ngu,dhonalo ni ku madza ndru dri dri nga naro.