1 Mapo i lo nidho,nzi ri di nidho budjo le buni na lo tde. 2 Kpa si ni pu ndima dhi Sinagogi naro;ddikpa dyi ro si ni fudyi na kpa si ni che che i ndima riddi ro furi chu ku bbudha ko bbu kodhi Gindri dho ri. 3 Kpa si ri nji fu,dhonalo ku kpa nza chu e Baba ri ndiri goti ma ma kpa chu e nza ddi. 4 M ilo ki po nidho,ddikpa dyi ro si si ni,fudyi na chu ni ve ku ma po ngue nidho na chalo ddi.Fulo nza ma tdra e nidho nzina ri,dhonalo ma ngue nina kru dyiro ni na lodho. 5 Kpadjo ma ra cho cho e ma nake dhi ngana,ro nikana ddikpale ma nzi ri ro dhu matso iri : Nika ra ngbaga? 6 Ro fulo ma po e nidho na lodho,ni thi nanga li e pi njedha na. 7 Furo ma chu,ma bbubbu lo dhe po nidho : ri ku nidhi bblonga dza lodho mara ri,ro ma ra nza ro,ni iso pidha dhike nzi si nidhi ngana ri,ro,njati ma ra ra ro,ma si ke cho nidho ni. 8 Pblo ke si nari goti,ke si dzdjo ndru tsotso ko chenga ma,cholo ma,ndiri goti lo tdidha ma dhi longa tudha na : 9 Chenga dhi longa ke si tu,dhonalo kpa u ngue ma nza; 10 Cho longa ke si tu,dhonalo ma ra Baba dhi ngana,ndiri goti ni si ma ki nja nzi; 11 Lo tdidha dhi longa ke si tu,dhonalo dzdjo pidja djo le tdi lo pblo. 12 Ma ku po ma ka ma po nidho na na lo na bi go,ro ri nzi ka nidho kpadjo ri. 13 Ro ni iso pidha dhi ke ve si na ngana,bbubbu fu Bblothi,ke si ni djoti mba cho ku na lo dhi ngana,dhonalo ke nzi si lo ti ndidjo ndi ndiro ri,ke si tdra nari ku r ndi r e nalo nga nga,furi goti ke si go si njini na lo ma tdraddi. 14 Ke si kadha bbu ma ro dho dho,dhonalo ke si ma djo lo nganga tdra,furi goti ni si ringa ngu ga ga. 15 Baba dho kru ku na ritsi ku madza ritsi;riku fulofho chu ma ripo ke si madjo lo nganga po ri,ndiri goti ni si ringa ga ga. 16 Kar ngagoti,ni si manyi nja nzi;furi goti kar ngagoti,ningu si manyi ki nja vi,dhonalo ma ra Baba dhi ngana. 17 Fungana,ke una nja kpa di ripo i ndima kana:Fuke po kodho nalo ka ku ngba lo:Kar nga goti,ni si manja nzi;ndiri goti kar nga goti ki ni si ma nja nja?Furi goti ngba chu the ke ngu ripo ma ra Baba dhi ngana? 18 KPa di ri ki po i: fuke ka loti ngba nzi ndi nanga rni ro : kar nga goti? Fu ritsi nzi kodjo lu ri. 19 Yesu,chungueri kpa ka ndi dhu nga nditso nari chu,ke pori kpadho : Ni ngadhu ni kana ma dhue nitso na lodjo: Kar nga goti,ni si ma nja nzi;furi goti ki kar nga goti,ni si manyi nja nja. 20 Bbubbu,bbubbu ma ripo nidho,ni si ku dz bbo ndiri goti ni si ju bbi bbo,fulo si dznyo tho bbo: Ni si di bbo njedha na,ro nidhi njedha thi si leni bbo hwe ni. 21 Isi le,ndironga bani na ngana,ra bbonjedha tso ve,dhonalo le ro nga bani na ngatso ka ka,ro ngba le dho ngba bani nari goti,fu n'as ha nga ra vi le ro thechu,dhonalo le ba o ngba dzdjo ndru kana 22 Ni maddi,niku njedha na kpadjo dzdjo; ro ma si nironga ki lo ni,furo ni thi si hwe nji bbo ndiri goti nidhi hwe si dhu na ndru ki si bani nzi. 23 Fudyi,ni si dhu matso na ritsi ki si bani nzi.Bbubbu,bbubbu,ma ripo nidho,kru ni si nzi madza Baba tso na ritsi,ke si ri bbubbu ma ro dho na. 24 kpu kpadjo ngadjo ni tde ritsi ro ko ma ro dho na nza.Ani ko nga,nja ni bari tde,ndiri goti nidhi ji tso gu ka ka tde. 25 Ma poe ilo nidho lo ro ji ro.Ddo ro si ni nadyi nzi ma si loti nidho lo ro ji ro ri,fudyi ma si loti nidho pulu pulu madza Baba djo. 26 Fudyi,ni si nga ko ma ro dho na,manzi ripo nidho i ri ma si ddoni ddo nidhi lodho Baba nji ri ri; 27 Dhonalo Baba ma jini ji chu,ddiddi ni ma ngu maji ji nari bbai chu,ndiri goti ni u nari ku iri ma si Baba naro. 28 Ma si Baba naro furo ma si idz djo;kpadjo ma idz bba bba madhoro,ndiri goti ma ra Baba dhi ngana. 29 Ke una kpa di ripo i: Anz be di,kpadjo ni lo ti pulu pulu,kpadjo nzi ni loti lo ro ji ro ri. 30 Kpadjo ko chuchu nari ku nichu kru ku na lo,ndiri goti nitso nza ndru ka ndima dhu nga ri;riku fulodho kochuri ni si Gindri naro ri. 31 Yesu ngu logoti kpadho: kpadjo ni uri pblo. 32 Ani nzi rinja,ngatso ka pblo,ndiri goti ri si si pblo,ni nanga si pini kru ddiddi ro,ndiri goti ni ma bba ddiro;ro ma nga sie ddiro ri,madza Baba e ku ma na ni. 33 Ma po e fulo nidho,nja nidhi hwe di ma na tde.Ni thi si nzani bbo dzdjo;ro ani tuni kpakpa,dhonalo ma si dzdjolu pblo.