Ridza bbombi 17

1 Fulo ndi po nari goti,Yesu ngbe ngue ndi nyo rana,ke pori : Baba,ngatso ka pblo!adho nidza ngba dza kadha,ndiro chu nidza ngba ngu nidza kadha nidhona tde, 2 ddiddi ni bbu bbonga kedho kru ku na nyo na noni na ritsi djo,ndiro chu ndi bbu nunu di na shinga kru ni bbue ndi dhona na ndru dho tde 3 Fu nunu di na shinga,ku ninyi kpa chu nari,ni,ddiro ku bbubbu ku na Gindri ndirigoti cho cho eni na ke ku Yesu kristo. 4 ma kadha bbu nidho iga dzdjo,dhona lo ma dya e ni bbu e na nji tso dya. 5 Ro kpadjo Baba,abbu madza kadha ddiddi ri ngue nzago ma tde ngue si idz djo ro nari bbai. 6 Ma gae niro dho nga kru nibbu ngue madho dzdjo na ndru kalu.Ri ngue nidza ndru,furi goti ni bbu ngue kpa ma dhona;furi goti kpa pbo ngue nidza lo ronga. 7 Kpadjo kpa churi pulu pulu kru ni bbue ma dhona na ritsi ni dho ro. 8 dhonalo ma tdra e kpadho ni dhoro si e nalo;furo kpa ko e ri ko,furo kpa ve e ri chu bbubbu ma si e ni na ro,furi goti kpa chu e nari ku ni choe ma bbubbu. 9 Riku fulodho ma nz kpadho ri.Manzi nzi dzdho ri,manzi dho nari ku nibbu madho na ndru,dhonari riku nidza ndru; 10 Madho kru ku na ritsi ku nidza ritsi,ndiri goti nidho ngue kru na ritsi ku madza ritsi;fulodho ma kadha ba kpalu. 11 Ma nga ku i dzdjo go ri,ro kpa chu ku idzdjo go,ro ma ra nidhi ngana.Tse tse na Baba,madhona nibbu kru na ritsi apbo ri ronga ni ro dho dza madha dho,furo chu kpa di ddi ko ku nina ddi nai bbai tde 12 Go ko ngue kpa na dzdjo na ngana,mangu kpa ronga pbo ni rodho na.Ma pbo nibbu madho na ndru ronga kru,kpa ro vi ddikpa ma nza,vi ro vi nari e dz dza kpa chu ni furo chu ndi le ndi na lo njini tde. 13 Ro kpadjo ma ra nidhi ngana,ma ilo po dzdjo ma ku na ngana,ndiro chu madza hwe si di kpa na pipi tde. 14 Ma bbu e nidza lo pkadho;furo dz ndro e kpa ndro,dhonalo kpa nga e dz dza kpa ri,ma maddi nga e dz dza ke nari bbai. 15 Ma nzi ri nzi nitso ni tu kpa tu i dzdjoro ri,ro nipbo kpa ronga che lo ro ro. 16 kpa nga ku idz dza kpa ri,ddiddi ma maddi ngaku idz dzake nari bbai. 17 A u kpa bbubbu ku na lo na,dhonari nidza ri ku bbubbu ku na lo. 18 Ddiddi ni cho e ma i dzdjo nari bbai,ma mangu kpa cho dz djolu fuchu. 19 Ma ma u ma maro kpadhi lodho,ndiro kpa ma uni ddi nidza bbubbu ku na lodho tde 20 Ma nzi nz kpadho kpali ri,ro kru ngba u ma nidza lo lu na ndru krudho, 21 ndiro kpa kru e ddi,ni bbai,Baba,nina ko ku ddi,ddiddi ma ku ni dzari nari bbai,kpama ddi e ddi ko na,furo chu dzdjo ndru chu ni cho e ma nari tde. 22 Ma bbue kpadho ni bbue madho na madha,furo chu kpa tso gbani ddi nina kotso gbani nari bbai tde, 23 Ma e kpa na,ndiri goti ni e mana ndiro chu kpa e ddi bbubbu tde,furo chu dzdjo ndru churi ni cho e ma bbubbu nari tde ndiri goti ndru churi ni ji e kpa ma ni ji e nari nganga bbai. 24 Baba,mari ji mae ni na ngana ma dhona nibbu na ndru e ma na ddi nga na, furo chu kpa nja ma dza kadha tde, ma dho ni bbu na kadha,dhonalo ni ji ngu e ma nza ni tde ngue dz dher no nadyi. 25 Bblo ku na Baba,dz nza chu e ni nyi ro ri;ro machu chu e ninyi ngba,ndiri goti i ndru chu eri bbubbu ni cho e ma cho. 26 Ma po ni rodho bbu kpadho ma si ri ki po kpadho go dhe furo chu ni ji e ma na na jidha che kpadho,furi goti ma ngu che kpadho.