Ridza bbombi 18

1 Fulo ke po nari goti,Yesu ma ra ngue ndi una kpa na Sidrona dhi ngu koti,fuga ngue ddikpa i,ke ma tsu fu i na,ndi una kpa mana. 2 Yudda,fo ngu si kebbu nake,chu ngue funga chu,dhonalo Yesu ma ndi una kpa na ngu loti bi ina fuga. 3 Yudda,ndi una kpa kpari mana,dhi bbobbo koani ma Wafarisayokpa ma dhi ngue na kpa mana,si ndima dhothi tala kpari ma,ru ru na kaz tso ma la dhi ritsi kpari mana. 4 Yesu,chu ngue fo si njini na lo kpari chu,ke ndri ndiro nga ro anzi,ke pori kpadho: Nika aie ne? 5 Kpa ngu logoti kedho : Nazareti na Yesu.Yesu pori kpani ii : riku ma.Furo Yudda,fo ndingusi kebbu ro,ngue kpa na ddinga. 6 Yesu pori iri ku na a ndi na ngana,kpa kpari hwe ngu aluti furo kpa tdruni hwe guna. 7 Ke dhuri ki kpatso : ni ka ie ne kpa pori : Nazareti na Yesu. 8 Yesu pori : Ma poeri nidho furi ku ma.Ro ri e ma ni ne ri ro,ani bba nja ikpa gu ra ra. 9 Furi ke po ngue,furo chu ndipo na lo njini tde: Ma nza vie ma dhona lebbu e na ndru ro ddikpa maddi ri. 10 Simoni Petro,dhona ngue ddikpa dyu,ke tu fu dyu,furo ke kr Gindri dza dza na nji dhi bboke dho nokpa bi lai ddi ri,ri ngue thadjo lebi.Fu ke rodho ngue Malkus. 11 Yesu pori Petro ni i: Angu nidho dyu kpu na.Ma ka ka nza maju madza Baba bbu na kopo tso? 12 Cho le cho ngue na ndru kpar ma,kpadjo bbobbo kpa ma,ndiri goti Wayaudi cho ngue na dhidha dhi kpa kpar ma,kpa lu ngue Yesu thechu furo kpa chi ngue ke kutso mbi na. 13 Kpa mba ngu e ke Anna nji, dhonalo ke ngue Kaipha dhi bbuna, fuke chu ngue Gindri dza dza na bboke fu cho na. 14 Ro Kaifa chu ngue fulodho cha ngue Wayuda tso nake ii ndi ripo ro : Riku bblo ddikpake dhe ndru kpari kru djotsina. 15 Simoni Petro,ma ddikpa Yesu una ngu ra na ke ma ngu si ra ndru ulu fu dhe.Fuke nyi Gindri dza dza na bboke chu ngue chu,furo kpa tsu ngue Gindri dza dzana bboke bba bbaidjo; 16 Petro chu ma ngue bbaidjo dza i tso ro.Fona chunyi Gindri dza dza na bboke chu ngue nyi na fu Yesu una ke,fuke ma tsu ngue ddinga Yesu mana fuke bba bbaidjo. 17 Furo ddikpa noi,dzaitso ronga ndingu pbo ro,pori Petro ni i : Ike nika ku nga fukpa una ddike ro ri? Kengu logoti : nga oro nzi chu ma pa. 18 Nji dhi kpa kpari ma dhidha dhi kpa kpari ma,ngu tuni fuga,kpa vu ngue kaz,gri ngu o bbo na lodho,kpangu fu kaz dho.Petro ro mangu di kpa kana chu kaz dhodha dho. 19 Gindri dza dza na nji dhi bboke dhinga Yesu tso ke una kpa djo ndiri goti ke ngu ddi na lo djo. 20 Yesu ngu logoti kedho i : Ma ti e lo pulu pulu dz dza ndrudho;mangu longa ddi kru dyi ro Sinagogi lu Gindri dza dza lu ma,fuga Wayaudi ngu ndima tso nju kru,furo nza ma ru ngue ddikpa lo ro maddi ri. 21 Furo ka ni ngadhu matsu addudho?Adhunga mangu tdra kpadho na lodjo ndiri goti r kpa r ngue na lodjo,fukpa chu ma po na lo ngba. 22 Fulo ndi r ro,dhidha dhi kpa kana ddike,fuga ndi ngue ro ke po ngue ddikpa lo Yesu bi na,ii ndi ripo ro furi ka ku bboke tsona nika ni le na lo dhe? 23 Yesu pori kedho : Ri e nza ma ti lo bblo ri ro,apo nza ma ti bblo na lo;ro rie bblo ma ti lo riro, nika ma pbi addudjo? 24 Anna cho ngue ke mbina le chi ndi ro Kaifa bba,Gindri dza nji dhi bboke. 25 Simoni Petro ngue fuga,kengu kaz dho.Kpa ka ripo kedho : Ni maddi,ka ku nga ke una kpa kanga ro ri a? Ke ka ri gugu,i ndi ripo ro : Ma nga ku fukpa ro ri. 26 Nji dhi ddikkpake pori Gindri dza nji dhi bboke dho,furi ngue Petro kr ngue bi na fu dza na ddike ro,ke pori : ni ma nja e fuke na ddi ngana i na ko ra e ke lu na nga na? 27 Petro gu ri ki vi dhe.Furo ukpa ngoni thechu. 28 Furo kpa mba Yesu Kaifa bba lo lengu tdi na bbaidjo : Furi ngue bbutso.Kpa nza tsu ngue kpu fulo le tdi na bbaidjo ri,ndi ndima sa ndima dhi jadha,Paska dhi bbo ddo le a nyo na nari ro. 29 Pilato si kpadhi ngana arugu ro,ke pori : Ike ka ni bbu addudjo? 30 Kpa u lotso kedho : Furi e nga tselo nji na ke ro,ko nza bbue ke ni nji ri. 31 Furo Pilato pori kpadho ii : Ani luke ni niro,ndiri goti ani tdi lo kedjo ni ji nari bbai ndiri goti nidhi jadha uri bbai.Bbayaudi ngu logoti kedho kodho nza ri ngani kohwi ddikpale ro maddi ri. 32 Furi nji ngue ni nja tde Yesu po ngue na lo njini tde,ngba dhedho ma ndi dheku nari ndingu dho nadyi. 33 Pilato ki ngu lo lengu tdi na bbaidjo,kenzi Yesu ro,ke dhuri ketso : Rika ku bbubbu niku Bbayaudi dhi pi ri? 34 Yesu ngu logoti kedho : Fulo ka si ni nganga naro chu ni,inga nika r madjo lo ro tdi ndru tsona? 35 Pilato pori keni i : Maka ku muyaudi? Nidza bbu na ndru ndiri goti Gindri dza dza na bbobbo kpa chu bbu ni thombi tso madho : Anzi ripo nika nji addu? 36 Yesu ngu logoti kedho,madza pi dhinga ngaku i dzdjo ri ri.Madza pi dhinga e a i dzdjo ri ri ro,madza nji dhikpa nji e li madjo nzi ndru bbu ma Bbayaudi dhotsi na ro;ro anzi ri be madza pi dhinga ngaku i dzdjo nga dhi ri ri. 37 Pilato po riki kedho : Nika ku pi?Yesu uri tso kedho : Ri nipo,ma ku pi o.Ma guni furi goti ma si i dzdjo ma tdra bbubbu nga tde.Ddikpake e bbubbu lodhi ke ro fuke ka ndi r machu r. 38 Pilato pori kedho : Bbubbu lo ka ku addu? Furi ndipo nari goti,ke ki si bbaidjo Bbayaudi kana,ke pori kpani : manza ba chelo ro ike nari. 39 Ro,nidhi jadha ngari le pu ndru ro ddi bedza na ro Paska dhi bboddo dho,nika jiri kaklo Bbayaudi dhi pi? 40 Furo kpa gu hu bbo ndima chu na: nzi ngake ri,ro a klo Barabas.Barabas ngue ddikpa gbu dhi ke.