1 Furo pilato dzi Yesu,furo ke bbu ke kpa kana kpa dhike dhi tde. 2 Furo kpa tde ngue kpele dhi tderka nari kpa tho ngue ke djo ro,furo kpa tsi kaka ru ke chuti;furi goti kpa di ndima ronga ndri ke kuso, 3 ii ndima ripo ro : Mazu ni ronga,Bbayaudi dhi pi!furo kpa di ke biti pbi pbi. 4 Pilato ki si kpa kana,ke pori Bbayaudi dho i : Kpadjo ma ike pupu mabba ro,furo chu ni churi chu ma ba chelo ro fuke na nza. 5 Yesu kpa pu bbaidjo ndi djoro kpele dhi tderka na ndiri goti ndi chuti kaka ru na ro.furo Pilato pori kpadho i : ani ko nidho ka a ina. 6 Gindri dza nji dhi bbobokpa ma dhidha dhi kpa kpar mana,hu ngue bbo ndima chu na: acho ke musalaba djo!Acho ke musalaba djo!Pilato pori kpadho : Ani dzke ni niro,ndiri goti ni choke musalaba djo;dhonari,ma nza ba chelo ro fuke na ri. 7 Bbayaudi ngu ngue logoti kedho : Ko ku ddikpa jadha na ni,ndiri goti,fu jadha pori ii,kedho ringani ndi dhe dhe,dhonalo ke nji ndi Gindri ddu ni. 8 Fulo ndi r ro,Pilato ro bbo do gu ta ngue. 9 ke ki ngu lo le tdi na bbaidjo,ke pori ki Yesu ni : Nika ku ngba bbagu ke?ro Yesu go kero ddi. 10 Pilato pori ke ni ii : Furi ka ku madho dhe ni lo ti fu ri? Nika churi nza ma ku na na bbonga ka ndi liri le cho ni musalaba djo,ddima le klo ni nira nidho nga djo lo ro? 11 Yesu pori kedho ii : Ninga ka nie madjo ddikpa kpakpa nga ro na maddi ri,nza ribbuna aru Baba dhoro ro.Riku fulodho fona bbuma ni thothi nake nji bbo ddi jaina ku na chenga. 12 Funga djoro,Pilato di ri ne ndi klo Yesu klo.ro Bbayaudi kpari hu ngue bbo ndima chu na : Niklo fuke klo ro,ni nga ku Kaisari dza luba ri.Ddikpake di ndi nzi pi ni ro furi ku che ku Kaisari dho na ke. 13 Pilato,fulo ndi r nari goti,pu ngue Yesu bbaidjo ndru kana furo ke di lo tdidha dhi tsudjo,dju na le ru ngue na ngana,Bbayaudi dha na,ri ro dho ngue Gabata. 14 Ri ngue Paska dhi bboddo lengu thi na ddo,dyina saa asa bbai.Pilato pori Bbayaudi dho,aninja nidho pi afona. 15 Ro kpa hu ngue bbo ndima chu na ke dhe dhe,ke dhe dhe,acho ke musalaba djo!Pilato pori : Ma ka ka macho nidhi pi musalaba djo ngbachu the?Gidri dza nji dhi bbobbo kpa u lotso kedho ii : Kodho nga ku tdi pi ro Kaisara ro ro ri 16 Furo ke bbu ngue Yesu kpa dhona kpa u ke cho musalaba djo tde.Furo kpa dz ngue Yesu ro kpa ra ngue ke na ra. 17 Yesu,tdu ngue ndidza musalaba,kpa si ngue ndru djo na kpa ni le nz na nga na,Golgota ndi nzi ni Bbayaudi dha naro. 18 Ri ku fuga chu kpa cho ngue ke musalaba djo ri,aro ku na kpa kuso,ddike keladjo judzi ro,ddike ki ke ladjo chadzi ro,Yesu chu ngue kati na. 19 Pilato ndi ngue ddikpa lo,furi ke li ngue Yesu dza musalaba djo tsoro,ii ndi ndini ro : YESU NAZARETI NA KE,BBAYAUDI DHI PI. 20 Bi ku na Bbayaudi kpari ngu fu nga ndidha zu,dhonalo Yesu le cho ngue musalaba djo na nga ngue bbo bba tsoro ro chu chu : funga lendi ngue Bbayaudi dha na,Griki dha na ndiri goti Roma na ndru dha na. 21 Bbayaudi dhi dini djo bbobbo kpa po ngue ri Pilato dho ii : nzi ndi ri: riku na a Bbayaudi dhi pi.Ro andi ri ii : Ke po e ri,ndiku na a Bbayaudi dhi pi. 22 Pilato ngu logoti kpadho ii : Pblo mandi na furi mandi pblo nari ka ka. 23 Ngba ndima cho Yesu musalaba djo nari goti sudda kpari,kpa dzi ngue ke ro ru,furi nanga kpatha ngue tho la na,ddi ri ddi sudda dho.kpa dzi ke ro kanzu,furi chu cho ngue kero ngatso lu aru ro kpu ke ko tsoro.furo kpa di ripo ndima kana: 24 Nzi ko tha ringa tha,ako gbari dyadjo ndiro chu ko chu ie dho ma riche nari tde.Furi nji ngue ni nja tde ndi le ndi na lo njini tde : Kpa ndo ngue ma ro runga ndima kalu,ndiri goti kpa gba maro kanzu gu dyadjo.Afuri chu sudda kpari nji ngue. 25 25 Yesu dza musalaba koti ngue lei ma lei dhi vena,Maria ndi nzini ro,Kleopas dza is le,ndiri goti Maria Magadala. 26 Yesu,nja lei,ndi kuso pli ndi ji ngue na ndi una ddi ke na,pori lei dho: is le,anja nidza ngba afona. 27 Ke pori ndi una fuke dho,anja aini afona.Fudyi nga djoro,Yesu una fuke dzi fule ndi kuso thechu. 28 Furi goti,Yesu,nja ngue kru lotso ka pblo nari ro,ke pori,nja ndi le ndi na lo njini tde:ma dda tdyu hwi. 29 Fuga ngue,pi,nanga li ngongo na divai cha dju na.Furo sudda chi ru wi djo tso ro,nari kpa ti fucha dju na,furo kpa bbu furi Yesu ju tde 30 Fo Yesu ju furi ro,ke pori ii : ritso kaka.Furo,ke ti ndidjo guna,ro kethi tde thechu. 31 Yesu dza bu di musalaba djo Sabato ddo dyi nari do dza lodho,ndiri goti ri maddi ngue bboddo dho ndru ngu ndima thi thi na ddo na lodho,Bbayaudi nzi ngue ri Pilato tso le tdri musalaba djo ku na ndru ko nanga tdri,nari goti le thu kpa thu musalaba djoro. 32 Sudda kpari si ro,kpa tdri anji ku na ke lukpa nanga,furo kpa da ddi ke lukpa nanga tdridha djo,fukpa chu le cho ngue Yesu mana ddinga. 33 Kpatso si Yesu djo ro,ke dhe pblo nari ndima nja ro,kpa tdri ngue ke lukpa nanga nza; 34 Ro sudda kana ddikpa ke tu ngue ke ikpa nanga li na,furo thechu dda ma si ngue ju na. 35 Furi tdra nari ku nja nja ngue ri nake;ke tdra nari ku bbubbu lo.ke churi ngba,ndi po na furi ku bbubbu;furo chu ni maddi uri tde. 36 Fu ritsi njini,ndiro chu pblo ndini na lo njini tde : Ke ro kpa naga ro koni ddikpama nza. 37 Nja nga na ri ndini i maddi : Kpa nja ku ndima tu ngue ikpa nanga nake ndima nyo na. 38 Furi goti,Yosefu Arimateo na ke,fuke ma ngue Yesu una ddike ro chu,ro ke chu ngu ri nji do na Bbayaudi dza lodho,ke ra ngue lo ko Pilato tso nja ndi tu Yesu dza bu musalaba djoro tde.Furo Pilato u ngue fo lotso kedho u.Furo ke ra Yesu dza bu tu musalaba djo ro. 39 Nikodemu maddi,kuna ndi si ngue Yesu dhi ngana ro,ke ma si ngue ddi,ke si ngue,manemane dhi tsu ddatso ma le ngbu aloe dhi tso mana nari na le thi na bblo ngu na che.Fu che dza kilo ngue cho cho dre-drenga agbo. 40 Kpa dzi ngue Yesu dza bu,kpa chi ngue kedza bu ronga tso ru na,kpa ddo ngue bblo ngu na che kedza budjo,ddiddi ri ngue Bbayaudi dhi bu tdudha dhi jadha nari bbai. 41 Ro,Yesu le cho ngue musalaba djo na nga kuso ngue ddikpa i,fu i na ngue nza na le tde bu tdo na o bbu. 42 Ri ku fu bbu nachu kpa li ngue Yesu dza bu ri,furi ngue Bbayaudi dhi bboddo dza lodho,chu kpa tdo ngue Yesu dza bu fuga chocho ri.