Ridza bbombi 19 20

1 Jenga dza anji ddo dyi, Maria Magadala ra ngue tdodz djo bbutso ku ku tso, go nga ngue mbikambika ro; furo le nja ngue tdodz tsoro dju tu le tu ndi ro. 2 Furo le tda ngue Simoni Petro ma bbo Yesu ji ngue na ddikpa cho cho ke mana dhi ngana,le si ripo kpadho : Bboke dza tdodz tsoro dju ndru tu tu,kochu ke dza bu ndru li ngbaga ma nari nza. 3 Petro ma fu cho cho ke na choni arugu,kpa tda kpu si tdo dzdjo. 4 Kpa tda ngue ddinga aro ro kru.Ro ddi ngue na fu cho cho ke ngu tda Petro djolu pli,furi li ngue ri ke si ngue anji tdo dz djo. 5 Guna ndi tdini ro,ke nja ngue ke ro nga tso le chie na na ru fuga,furi dho ke nza ka tsu fu bbu na ri 6 Simoni Petro,ngu si tda ke ulu dhe,ke ve si ro ke tsu tdodz na ;furo ke nja ngue bu ronga tso le chi na na ru guna ndi tdruni ro. 7 Ke djo tso le tdyu ngue na na ru,nanga chu le ko ngue tdi nga la djo ro. 8 Furo anji singue tdodz djo na cho cho ke,ro mangu tsu tsu chu;ke nja ri,furo ke uri thechu. 9 Ke nza chu ngue ri,ddi ddi ri ndi ngue ni nari bbai,Yesu si ku na gaga bu ndru kana ro. 10 Furo Yesu una kpa ngu ndima bba. 11 Furo Maria chu ngu di bbaidjo tdodz tsoro,dz ndi dz ro.Dz dhe ndi dz ro,le pi ngue ndinyo tdodz na ro; 12 Le nja ngue aro Malaika ndima ro sau ru na,guna ndima di Yesu le la ngue na bbu tsoro ro,ddi Malaika ngue ridjo tso ro ro,ddike ri kotso ro ro. 13 kpa pori i : Is le nika dz addudho?Lengu logoti kpadho madza bboke dza bu ndru tdutdu tdodz naro,machu ngbaga ma ndru li kedza bu nari nza. 14 Furi ndi po nari goti,le le ndithika aluti,lenja Yesu ndi goti;ro le nza chu ngue Yesu ma ri ku nari ri. 15 Yesu pori ledho : Is le,nika addu dzi?nika aie ne? Lengu ri tdya fuga ii na nzagu nji nji na ddike ni,le pori keni: Bboke njati ri e ni tdu kedza bu ri ro apori madho rika ni li ngbaga,ndiro ma ra ritu tde. 16 Yesu pori le ni: Maria!le le ndi thika yesu dhi ngana le pori keni Bbayaudi dhana: Rabuni! Furi ku i le ripo ri,Bboke! 17 Yesu pori le ni i : Nzi lu ma ronga;dhonari matde dji madza Baba dhi ngana nza go.Ro ara ni djoi dhi ngana,ni pori kpadho mara madza Baba dhi ngana ndiri goti nidhi Baba,madza Gindri dhi ngana ndir goti nidhi Gindri. 18 Maria Magadala ra ngue ndi nja na fulo tdra Yesu una kpadho i ndi ripo ro manja bboke,nake chu ti lo madho. 19 Fudyi ngasnga,Jenga dza anji ddodyi,Yesu una kpa ngu di na na dza ro dzaitso le i ngue i,dhonalo kpa ngu Bbayaudi donji,Yesu si ro,ke dhondi kpa kana pulu pulu,furi goti ke pori kpadho : Ngoi ni krudho! 20 Fulo ndipo nari goti,ke dho kpa dho ndi tho ma ndi ikpa mana.Yesu una kpa nanga ji ngue ni bbo fulodho. 21 Yesu pori ki kpadho: Ngoi ni kru dho!Baba choe ma nari bbai,ma ma ngu nicho fu chu. 22 Afulo ke po nari goti,ke vu ndi he kpadjo,ke pori ani ko Bblothi nidjo. 23 Ni sa dhi chenga,na ndru dhi chenga sani sa;ni cho ro chenga tso na ndru,ro chenga tso choni cho. 24 Toma,Didime ndiro dho kuro,Yesu una dre ndidjo aro ri na ku na kpa kana ddike,na fuke nga ngue ddingana ndi lai kpa na Yesu dho e ndi kpadho nadyi. 25 Yesu una nja kpa ka ripo : Ko nja e Bboke nja.Furo ke pori kpadho : Njati manja ketho na musumari bbu nzaro,matsu ma thokpa ma ribbu na nza,ndiri goti matsu ma tho ke ikpa na maddi nza ro,ma uri nzi. 26 Aru ddodjo Yesu una kpa nju ngue ndima tso ki adza,ndiri goti Toma nga ngue kpa na ddi ngana ri,Yesu si ro,dzaitso hwe le i ngue i,ke si tuni kpa kana,ke pori : Mandza ngoi di ni na! 27 Furo ke pori Toma ni ii : Andri ni thokpa djo iga,ndiri goti anja matho;ndiri goti asi ni tho na iga,ali ri ma ikpa na;ndiri goti nzi di lo tu pa,ave ri u u kpadjo. 28 Toma ngu lo goti : MAdza bboke,madza Gindri! Yesu pori kedho: 29 Riku ma ninja na lodho,chu ni ri u ri.Ngi njini nza ndima njari ndima nyo na ro ri u na ndrudho. 30 Yesu nji bi kuna njalo kpari,ndi una kpa nyonji,bi kuna ddu kpari ma,nari gu nza ndini i kitabbo na ri. 31 Ro afolo kpari he ndini nja tde ndru churi Yesu ku na bbubbu Kristo ri,Gindri ddu nganga,furo ni uri ro ni ba nunu di na shinga ke ro dho lu.