1 Fulo kpari goti,Yesu dho ngue ndi ndi una kpadho Tiberia dhi judda tsoro.Iri ku ngbari bbai ma ke dho ngue ndi kpadho nari. 2 Simoni Petro,Toma,Didime ndi nzni ro,Natanaeli kana na Galilaya nake,Zebebdayo ddu,ndiri goti Yesu una aro chocho kpa maddi,kpa kru ngue ddi ngana. 3 Simoni Petro pori : Ma ra bbe pi madho.Ke una kpa pori ii : Ko ra ni mana ddinga kpa si ngue bbaidjo kpa tsu bbu na,fudyi kuna kpa lu bbe ro ddikpa ma nza. 4 Bbutso kukutso,Yesu ngue ddatso tso;ro ke una kpa nza chu ngue fu lo ro ri. 5 Yesu pori kpadho : Madza nzo,nidho ka ku nyo ni nyo na nyo ro ni? kpa u lotso kedho : Kodho nga ritsi ro ku ri. 6 Ke pori kpa ni ii : Ani djo nidho bbembi bbu ladjo tha djoro,furo ni ba bbe te. kpa djo ndima dho bbembi Yesu po ngue na nga ladjo,bbedza bii nga dza lodho kpa tsori mbi ndima dr dda naro nari gu ngue nga gu. 7 Furo bbo Yesu ji ngue na cho cho ke po ngue ri Petro dho ii : Riku na a Bboke,furo Simoni Petro r ngue ri ri ku na a Bboke nari ro,ke tho ngue ndioro ru furi goti ke su ngue ndi pbuso mukabba,dhonalo ngu di ngaro,furo ke djondi dda na. 8 Furo nja cho cho kpa si bbu na,kpadho mbi na bbe ngue pii,kpa ngue dda tso ro ro le ko mia aro ngatsi dhe. 9 Dda tsoro ndima thuni ro,kpa nja ngue kaz le vu nari,ridjo ngue bbe,ndidhi mukati na. 10 Yesu pori kpadho : Ani si ni pii na bbe na iga. 11 Simoni Petro ji bbu na ro,ke dr mbi guna mbi na ngue bbe nyokpa mia ddi na mbu ndidjo gbo rina;fu bbe kpari dza bbonga dza lodho ma nzadhe bbembi nanga ro tdi ngue ni ri. 12 Yesu pori kpadho ii: Ani si,ninyo nga tde.Ro ddikpa chocho ke ro ma nzi ngu nga ro dhu ketso ri indima ka ndima dhuri ketso nari na : Nika ku aie? Dhonalo kpa chu ngue ri pblo riku Bboke. 13 Yesu ndri ndiro kpa kuso ro, ke dzi mukati,furo ke bburi kpadho;ke ngu ri nji bbe na ma fuchu. 14 Furi ngue agbo jaina Yesu ngu ndidho ndi una kpadho ga ndi ga dhe naro nari ri. 15 Nga kpa nyo nari goti,Yesu pori Simoni Petro dho ii : Simoni,Yona ddu,nika ji ma ikpa djolu pli ngba?Ke uri tso kedho : Ngba o,Bboke,nichu ri chu ma ji ni ji.Yesu pori kedho : Aru madza chembu ro. 16 Ke dhuri ki ketso aro djaina ri si na nari : Simoni,Yona ddu,nika ji ma ngba? Petro ngu lo goti kedho : ngba o,Bboke ni churi chu ma ji ni ngba.Yesu pori kedho: Aru madza chembu ro. 17 Ke dhuri ki ketso gbo jaina ri si na nari : Simoni,Yona ddu nika ji ma bbubbu?Petro ba njedha bbo dhonalo Yesu dhu ddikpa fulo nga gbo jaina nditso na lodho ii ndi ridhu ro : Nika ji ma ngba? Furo Petro pori gu kedho : Bboke,nichu kru ku na lo ndiri goti nichu ma ji ni nari maddi.Yesu pori kedho : Aru madza mia ro. 18 Bbubbu,bbubbu ,ma ripo nidho,go ni ngue oka tsi ro,ni ngu ni pbuso tso su niro furi goti ni ngu ra bbi ni ji na nga lu;ro ngo nive ngu ro,ni si nithokpa dda tdi ndru dho,nja ndima su ni pbuso tso tde,furi goti kpa si mba nza ni ji na ngana. 19 Fulo Yesu ngu po nja ndidho Petro dho ngba dhe dho ma Petro si dhe nari chu bbu kadha Gindri dho tde.Fulo ndi po nari goti,Yesu pori ke ni ii: Asi ma ulu. 20 Petro,le ndi thi ka ro kenja bbo Yesu ji ngue na chocho ke ndima ulu ndi si ro,furi ngue,ngas nga nyo kpa ngu nyo na saa na,la ngue ndidjo Yesu badjo nake,ii ndi ripo ro : Bboke, nika aie si bbu? 21 Ke ndi nja ro,Petro pori Yesu dho:Ina ku na ike,Bboke ike dza lo kaka si e ngba? 22 Yesu ngu logoti kedho : Ma ji fuke di kpu mangu nadyi nga djo ma ro,furi ka ku nidza lo?Nidho nji ku ni ra ma ulu. 23 Fu lo i ra ngue le djoi ma kalu Yesu una kpa kalu ma ii ndima le fulo nyi ro fuke ro cho dhe nzi.Yesu chu nza pongue ri Petro dho fuke cho dhe nzi ri;ro ke po ngue ri ii chu ngba : Ma ji fuke di kpu mangu nadyi ngadjo ro,furi ka ku nidza lo? 24 Ridhi fuke ku afulo tdra nake,ndiri goti afulo ndi nake.Ndiri goti ko churi chu fuke tdra nari ku bbubbu lo. 25 Yesu nji e nja bi ku na bbobbo ritsi kpari;njati le ndie ri ddi dddi ro ro,ma nza chu bbu bbu ma le ka le ba e i dz djo furitsi kpari kru le ka le ndi e na na kitabbu ri.