1 Yesu ra ngue Olivi dhi ngutsidjo. 2 Ro,bbutso thechu,ke ki ngu ngue Gindri dza dzana,ro kru ndru si ngue ke dhi ngana.Guna ndi di nari goti,ke di longa ddi kpadho. 3 Furo ngandidha bai ma Wafarisayo ma mba ngue pite dhi ngana le lu na is le; 4 Furo kpa li fule ndru kpari kana,furo kpa pori Yesu ni i:Longa ddidha dhi ke,i is le le lu ni ndi pite nji nji ro. 5 Musa,ndidza jadha nabbu lo kodho le bu afudi na ndru dju na:Ro ni,ni ka ripo ngba? 6 Kpa ngu fulo po nja ndima mbu na ke thi dd'e,ndirigoti ndima bbu ke bbu.Ro Yesu,tsi ndidjo guna ke di ngandi nditho djotso na dzdjo. 7 Furo kpa ngu ngadhu ketso go dhe ro,ke ngbe ndidjo narigoti ke pori i:Nza dd'e afudi cheri ro nji na ke chu bu dju fule ro nji. 8 Furi ke tsi ndidjo ki guna ke di nga ki ndi dzdjo. 9 Fulo kpa r na ngana,kpathi di kpa bbu ddi ddiro kpa di ra ke kusoro ddiddiro,re cho djoro bbo chodjochu kpu;furo Yesu ma ma fu is le na aro ro. 10 Furo Yesu ngba ndidjo ro,ke nja fule ddiro ndi ma ro,Yesu pori ledho i:Is le,cha e ni bbu nakpa ka ku ngba?nidjo ka kpa dd'i lo ro nza? 11 Le ngu logoti kedho:Nza o,madza bboke.Furigoti Yesu pori ledho i:Ma ma ddi nza dd'i lo nidjo ri:Ara,nzi ninji chenga ki. 12 Yesu di loki ti kpadho,ke di ripo:Maku dz dza kadha;ddikpa ke bbi ma ulu ro ke bbi ti tinga na nzi,ro ke si di shinga dhi kadha na. 13 Furi ndima r ro,Wafarisayo di ri po ke ni i:Nika cho lo ti nidjo ngbachu the;ni nidjo na fulo ku nga bbubbu lo ri. 14 Yesu ngu logoti kpadho i:Ma di cho lo ma ti madjo ro,ma ti madjo na lo ku bbubbu,dhonari machu ngbagaro ma masi nari ngba ndirigoti machu mara ngbaga nari ngba;ro ni,nichu ngbagaro ma masi nari nza ndirigoti ngbaga ma mara nari ma nzaddi. 15 Ni lodd'i lendi ro nga na;ro ma,manzi lo ro dd'i ie djo maddi ri. 16 Ndirigoti rie lo ma dd'i ri ro,ma lodd'i cho nga nga,dhonari ma ku ddiro nga;cho cho e ma na Baba ku mana ddi nga na ni. 17 Rindini lo dd' idha dhi buku na iri bbai aro ku na kpa po ddikpa lo ro furi ku bbubbu lo; 18 ma cho lo ti ma ma ro djo,furigoti chocho ma na Baba lo ngu cho madjo. 19 Kpa pori ki keni i abani ndidhi ri kaku ngba?Yesu u lotso:Ningu ma machu nza,Baba ma nzachu.Chu ni chu e ma ro,ni chue madza Baba ma ddi. 20 Yesu po i lo,dradza na ndingu lo ddi na ngana Gindri dho le ngu ra bbudha bbu na no kuso ndi tuni ro;ro ie ma lu kero nzaddi,dhonari kedho ngatso dd'e ngue ka nza. 21 Yesu po lo ki kpadho:Ma ra ra madho,ro ni si ma ne bbo,ndirigoti ni si cheni nidhi cheri kpari na che;ro ni ninzi si ma ra nanga na ri. 22 Furo Wayaudi pori i:Ke ka si ndi hwi ndiro,dhonari ke ripo i:Ni nzi si ma ra nanga na ri. 23 Furo Yesu pori kpadho i:Niku guna kpa;ro maku rona ke.Niku dz dza kpa;ro ma ,ngaku dz djo ke ri. 24 Riku fulo dho ma ripo ni ni i ni si cheni che nidhi chenga dho;njati nza ni u ie ma maku nari ro,ni cheni che nidhi chenga na. 25 Nika ku ie?kpa di ridhu ketso.Yesu u lotso kpadho:Furi mapo nidho anji dhe bbl'o. 26 Ma ku bi ku na lo na ma dra nidjo ma bbu na ni dd'e;ro chocho ma nake ku cho,ndirigoti ma r kedjo na lo fulo ma dra dzdjo ndrudho. 27 Kpa nza chu ngue ri Gindri Baba djo ma ke lo ti nari ri. 28 Yesu pori ki kpadho:ni ve ndru ddu nge bblo nadyi,chu nive maku ie mana richu,ndirigoti ma ritsi ro nji ma ma ro nzi nari mana,ro m loti ddiddi cho cho ma na Baba bbai. 29 Cho cho ma na ke ku ma na ddinga,ke nza bba ma ddiro ri,dhonari manji nari ku ngbatso ke u na lo kpala. 30 Fu Yesu ngu loti na lodho bi ku na ndru u nge ke. 31 Furo ke pori u u ndi na Wayaudi dho i: Ni di madza lo na ro,ni ku ma una ra nakpa nganga; 32 Nisi bbubbu lochu,na fulo si ni clo chenga dhi mbitso ro. 33 Kpa pori ke ni i:Ko ku Abrahamu na go ko ro nga ngue ndru dhi nokpa ngbadyi ma ri;ka ngba chu dhe ni ripo:ko si na a clo ni no naro? 34 Bbubbu,bbubbu,ma ripo nidho,Yesu di kpatso nga le,ddikpa ke bbu ndi kplu chenga dho ro fuke ku chenga dza nokpa. 35 Dhonari,nokpa nzi ra di di dza na dhe nz ri;ro ndru ddu di dza na nzi nzi. 36 Njati ri e ndru ddu kloni no naro ri ro,ni si e klo klo ni na kpa. 37 Machu niku Abrahamu na go nari ngba;ro ningu ma ne hwidha dho chu ne,furi ri dho madza lo tsu ni na nza. 38 Ma dra nari ku nja ma nja madza Baba dhoro na lo;ro ni,ninji nari ku r ni r nidhi Baba dhoro na lo. 39 Kpa ngu logoti kedho:kodhi Baba ku Abrahamu.Yesu ngu logoti kpadho:Ri e Abrahamu dza nzo ni ku ri ro,ni nji e ke nji ngue na nji kpari kru. 40 Ro kpadjo ningu ma ne dhedho machu drae bbubbu lo nidho Gindri dhoro ma r ndi ro.Nza ro Abrahamu nji na lo. 41 Ni njini ni bai bbai.Kpa ngu logoti kedho i:Ko nga ku tekano nzo ri ko ba ku Gindri ddikpa dhe. 42 Yesu pori kpadho:Njati ni ba e Gindri ro ni ji e ma ji,dhonari ri ku Gindri naro chu ma si ri;ma nza si ma nganga naro ri,ro chocho ma na ke na ro. 43 Nika ma ti na lo nanga r nzi addu dho?dhonaro ni ka ni r mapo na lo nza nganga. 44 Ni ba ku go,riku furi dho chu ni ke ji na lo nji ri.Ke e bu che nake dr dr nga na ro,ndirigoti ke tuni cho lodjo nzi,dhonari cho lo ku kena nga.Njati ke nga kali njidha tso ro,ke lo ti ndi nga nga thi djoro dhe;dhonari ke ku bu che nake ndiri goti kali ba. 45 Ro ma bbu buu lo dra,furi goti ni ma u nzi. 46 Ma djolu ka ie ka ndi si chenga dhi lo na?ri e bbubbu lo ma dra ri ro ka adduro ni ma u nzi? 47 Gindri na ku ddi nga na ke,ra di Gindri dza lo r r;ni nga r nzi,dhonari ni nga ku Gindri dza nzo ri 48 Wayaudi ngu logoti kedho i:Ko pori ni ku Samaria nake nari ka ku che ko ri po ri,ddima ni ku go nari ka ku che ko ri po ri? 49 Yesu ngu logoti kpadho: Mana nga ku go ri,ma madza Baba do nji ndiri goi ni madha bbu madho nzi. 50 Ma nzi madza madha ne ri;ddikpa ke ro ku ni ndi ndidza madha ne ndi ndiro ndirigoti ndi lo dd'idha ne ro. 51 Bbubbu,bbubbu,ma ripo nidho,njati ddikpake bb'o madza lo ronga ro,ke nja dhe nyi nzi. 52 Wayaudi pori ke ni i,kpadjo chu kove ri chu chu ni na ku go.Abrahamu dhe dhe,nabi kpari mangu cheni che chu,furo ka ni ripo addudho i:Ddikpale bb'o na nidza lo ronga ro,fule dhe naro nzi. 53 Nika ku kodhi Baba Abrahamu djolu si nake dhe chu ndi dhe ro?Nebi kpa ngu cheni fu chu.Furo ka ni ninzi ie? 54 Yesu ngu logoti kpadho:Rie ma maro ma madza madha ne ro fu madha ku nga ritsi ri.Ri ku madza Baba chu madza madha li ri,ni Ba ninz' nake, 55 Nza ni chu ndiro chu ma ro.Ro ma,ma chu ke chu;ndirigoti,ma po e ri ma chu ke nza ro ma ddi e e ni bbai kali dhike.Ro ma chu ke chu nalodho ma kedza lo ro nga bb'o bb'o. 56 Ni ba Abrahamu nanga ji ngue ni hwena madza dyi ndisi nja naridho:Nde Ke nja ngue fu dyi ddi bbo hwe na. 57 Wayaudi ka ripo keni i:"Nidza cho ro dd'e si dre-dre nga mbu kpali manza ro nika ra Abrahamu nja ngbari bbai?" 58 Yesu ka pori kpadho i:Bbubbu,bbubbu,ma ripo nidho i,nzago Abrahamu dd'e goni ro ma ngue ni dhe. 59 Furi ndima r ro,kpa so dju ndima bu na ke dd'e;furo Yesu rundi kpa kana ro rochu kevu ndidho Gindri dza naro arugu.