Ridza bbombi 7

1 Furi goti,Yesu ngu bbi Galilaya dhi ngo lu,dhonalo ke ji ngueri ndi diYudea na ri,dhonalo Wayaudi ngu ke ne ndima hwihwi. 2 Wayaudi dhi bbo ddo,tabernakulo dhi bbo ddo ndi nzini ro,ngue chocho. 3 Furo le djoi po ri kedho i: Ara yu bbaro,ni ra Yudea na,ndiro chu ni una kpa ma nja ni nji na bbo bbo nji ro ddi dd'e. 4 Iye ma nzi ra ritsi ro nji gbu ri,njati ke ji ndidho ndinji na ritsi dhoro: Ri e afu ritsi ninji ri ro,adhoni ni niro dzdjo drudho. 5 Dhonalo le djoi ma ddi nza u ngue ke ri. 6 Yesu pori kpadho: Ma dho saa tso dd'e ka nza,ro kru ku na saa na ni ku bblo dho saa tso ka na kpa. 7 Ni ro dz ka ndi ndro nza;ma chu,dz ka ndi ndrondro dhe,dhonalo ma dz dza che ku na nji kpari dho pulu pulu na lodho. 8 Ani ra ,fu bbo ddo dhi ngana ;ma kpali kpali chu ra pipi nanga nzi fulu,dhonalo madho saa tso dd'e ka nza. 9 Fulo ndipo kpadho nari goti,ke ka di ndidho Galilaya na. 10 Ngba ledjoi ra fu bbo ddo dhi ngana nari goti,kero ma ngu ra ra chu,nga pulu pulu ri ri,ro ke ka ra gbu. 11 Wayaudi ku ke ne ne fu bbo ddo kalu,i ndima ri po ro: Ddi dhi ke ka ngba? 12 Ndru kpari kana bbo ngbu nbgu dd'e ngue ke djotsina.Nja kpa ngu ripo i: Fuke ku bblo ke.Furo njakpa ngu ripo i: nga dhe fuke ndru nanga pli. 13 Ro fulo kpari kru ndru ngu ti gbu,Wayaudi do dho. 14 Fu bbo ddo nga nga kana,Yesu ka dji Ginri dza dzana.Ke di lo nga ddi. 15 Wayaudi nanga ka keni ii,i ndima ri po ro: Fuke ka chu fulo ngbaga fu bu,ke ngu nga ro ma zo nza ro? 16 Yesu ngu logoti kpadho: Ma nga ddi nalo nga ku ma dza lo ri,ro ri ku macho na ke dza lo. 17 Njati ddikpake ji ndi nji fuke ji na lo ro,ke chu nari ku ma nga ddi na lo si Ginri dhoro,inga ma lo ti madza bboke djo. 18 Njati ddikpa le di lo ti ndidza bboke djo ro ke ra di ndi nga nga dza bblo nga ne;ddikpa ke di cho chondi na ke dza bblo nga ne ro,furi ku cho ku na ke,fuke na ku chelo ro nga. 19 Musa ka bbu ngue jadha nidho nza?Furo chu ddikpa ke ro ma bb'o fu jadha ronga ro nza,furo ka ni ri ne ni hwi ma addudho? 20 Ndru kpari u lo tso: ni na ku go.Ni ka iye ne ndi hwi dd'e? 21 Yesu pori kpadho i: Manji na bbo bbo nji,funji ni kpari kru na nga ke ke. 22 Musa bbu nidho nja le ka le kr nari,nga ndidho ro si na jadha ri,ddi dhi fu jadha si bbu dhoro chu,furo ni fu nga kridha dhi nji nji sabato dyina nga nga. 23 Njati le kr ddikpa ke sabato ddo dyina,nzi musa dza jadha sani ro,ndo ni ka addu nji maro njati ma go ddikpake sabato dyi ro? 24 Furi ka ku nga ndru do dho ni lodd'i ri ri,ro ri ngaeni ni dd'i lo chu. 25 Yerusalema na ndru kpari ngu loti i: Afuri ka ku nga chana kpa e ne ndima hwi na ke ri a? 26 Ani nzi rinja,ke lo ti ngaro do ro,furo kpa ngu lo ronga ro dd'a nzi dhe! furi ka ku ngba dhe bbo bbo kpa chu fuke ku Kristo nari a? 27 Ro ike,kochu ke si nanga mana ri kru,ro Kristo,ke ve di si ro,iye ma nzi ka si ngbaga ro ma ke si nari churi. 28 Furo Yesu ngu longa dhe ddi Gindri dza na ,ke ve hu bbo ndi chu na: Ni chu ma chu,nari goti ma si nanga maddi! ro ma nza si ma maro naro ri: Chocho ma nake ku chu ku nake,nidho fuke ro ni chu chu ma nzaddi. 29 Ma chuke chu;dhonalo ma si ke dhi nga naro,ndiri goti riku ke chu cho ma ri . 30 Furo kpa di ri ne ndima lu ke lu,ro ddikpa le tho ro ma nza si kedjo ri,dhonalo kedho saa tso dd'e ngue ka nza. 31 Biro ngue na ndru kpari u ngue ke fudyi,i ndima ripo ro: Kristo,ve ngu nadyi,ke ka ddu gu nji pli ike djolu a? 32 Farisayokpa ngu ndru kpari nanga nunu kedjo fulodho nari ro.Kpa cho ngue barua tsotso ra di mba na kpa nja ndima lu ke dd'e. 33 Yesu pori kpadho i: Maro ka mae nina sese saa dho go,furi goti ma si ra madho chocho e ma nake dhi ngana. 34 Ni ve di ma ne narigoti ni nzi siku ma ba ri,si ma ni si ma ra na nga nzi ddi. 35 Furo Wayaudi di ridhu ndima tso i ndima kalu: Ke ka ve ra ngbaga,nzi ko ve ke ba dd'e? ke ka ra ku pi nanga pini na Griki ba,nja ndi ra longa ddi Griki dhi ngona dd'e. 36 Fona ke po na fulo ka ripo ngba: Ni si ma nene ro ni si ma ba nzi,nari goti ni nzi si mara maddi ri? 37 Kar dhi bbo ddo tso dyani nadyi,Yesu toni rona,ke hu ndi chu bbori na njati ddikpale e dda dyu na ro,ndile si madhi ngana,nja ndi ju dda dd'e. 38 Njati ddikpa le u ma ro,shinga dhi toto na dda to fule naro,ddi ddi ndilendi nalo po nari bbai. 39 Ke ngu fulo po ngba uri na kpa si ba na bblothi djo;dhonalo bblothi dd'e ngue thu nza go,Yesu dd'e ngue ngbeni(glorifie) nza na lodho. 40 Fuga ngue na ndru kpari r ngue fulo ro,di ripo i: Ike ku bbu bbu nebi. 41 Njakpa ngu ripo: Ri ku Kristo.Furo njakpa di ripo: Ri ka ku bbubbu Kristo ka ndi si Galilaya naro ri? 42 Ndilendi nalo ka pori i nza a ni ku Daudi dza bbu naro chu,Betelehemu dhi bbaguro,Kristo ka ndi si ri ri a? 43 Ndru kpari nanga ka ndoni ndo ke djotsina. 44 Kpa kana njakpa ngu ri ne le lu ke lu,ro iye ma li nditho ro kedjo nzaddi. 45 Barua ra di mba na fukpa le ndima tso bbobbo nga ndidha bai dhi ngana farisayokpa mana.Kpa si ri dhu kpatso i: Ke na ka ni si nza adduro? 46 Barau ra di mba na kpa u ritso i: Ko nza ba fuke bbai loi na ndru ki ro ri. 47 Farisayokpa le kpa tsonga: Nima ka ke si le ndi una chu? 48 Farisayokpa inga kodhi bbo bbokpa kana nga ro ka u ke ddi? 49 Fona kuna fu ndru nza chu jadha ro ri,riku wa wani nakpa. 50 Nikodemu,kuna si ngue Yesu dhi ngana,kpadhi ddike pori kpadho i: 51 Kodhi jadha ka u ritso le dd'i lo ddike djo nza le r ndi tsonga ro inga nza le chu ndi nji na lo ro ddi a? 52 Kpa ngu logoti kedho i: Ni ma ka ku Galilaya nake chu?Anzi ri nga ne,nima ri ba Galilaya naro nebi ka ndiro si nza. 53 Furo kru ndru ngu ngue ndima bba lu.