Ridza bbombi 4

1 Pi chu ngue nari ku Farisayokpa r ngue ndi nji nari furigoti ndi batiso bbu pli Yohana djolu ndi una ra na kpadho. 2 Ddidho Yesu nzi ngu batiso bbu ndiro ri,ro ri ngue ke una ra nakpa. 3 Furo ke tuni ngue Yudea naro ro,narigoti ke ka ngu Galileya na. 4 Ngba ri ka nari bbai ke ka da Samaria lu, 5 ke ka si Samaria na,Sukara le nz na ddikpa bbo bbagu,Yakobo bbu ngue Yesepa,addundi dho na nza kuso. 6 Fuga ngue Yakobo dza dda tu nanga.Yesu nje ngueni ndi bbi bbo nari dho,ke di ngue fudda tu na ngana.Furi ngue chocho saa aza nga na. 7 Samaria na ngu di na ddikpa is'le si ngue ddadyudha dho.Yesu po ngue ri fule dho: Abbu dda ma ju. 8 Ddidho ke goti ngu ra nakpa ra ngue bbo bbagu nyo dzdha dho. 9 Samaria na ngu di na fu is'le ka ripo kedho : Ngbari bbai ni,Yaudike,judha dhi dda ko ma Samaria na is'le tso?Ddidho Yaudikpa ro nzi ra rni Samaria na kpa na ri. 10 Yesu ka rigoti ngu ledho:Njati ni chue Ginri dza bbudha ro ndirigoti dda ko nitso judha dho! nake ka ku ie ro;ni niro koe judha dhi dda ketso,furo ke bbu e shinga dhi dda nidho. 11 Pi,fu is'le ka ripo kedho,ni dhona nga ku dda le dyu na na ritsi ro ri,ddabbu nanga ma ku da ddi;ngbagaro chu ka iba shinga dhi dda? 12 Ni ka sisi bbonga na koba Yakobo djolu,kechu bbu i dda kodho ro,ndiri goti kema ddi ngura ndidhi dda chu ju,ndi ddui mana ndirigoti ndidza mia mana ddi? 13 Yesu ka logoti ngu fule dho: Ddadyu ki ka i dda ju na ndile nji(hwi); 14 ro ma ka bbu na dda ju na ndidhe le ddadyu ki ka nji(hwi) nzi dhe,ndiri goti ma ka bbu ndidhi ledho na dda ka ngu bbo rara na ddakpa ndile na ddikpa toto na shinga na di nunu na fudda. 15 Fu is'le po ngueri kedho: Pi,abbu fudda madho,nzi ddadyu ki ka manji(hwi)ro,nzi maki di si ddadyudha dho iga d'e. 16 Yesu po ngueri fuledho,ara akpani nzi,nari goti angu julu. 17 Is'le ngu ngue logoti: Makpa ro nga ku ri.Yesu po ngueri fule dho:Nika ngba ni pori: Ma bba nga ku kpetsike ro ri. 18 Dhonalo ni kpai si e mbu ngatsi bl'o,ro kpadjo ma niku na na kpetsike maddi ngaku akpani ri.Furi dho nipo bbubbu ku na lo. 19 Is'le po ngueri kedho,Pi,ma njari niku chochoke(nebike). 20 Ko bbui ngu madha bbu Ginri dho i ngu djo;ro nichu ripo,riku bblo le ma Ginri Yerusalema na. 21 I is'le,Yesu pori ledho,a u ma,dyi ra sini nadyi ku nzi le si Ginri ma i ngutsidjo inga Yerusalema na nadyi ddiddi ni bbai radi Ginri ma nari bbai. 22 Ni nza nichu nitsi ma;nde ko,kochu ngba ko chu na ritsi ma,dhonalo godha si Wayaudi dhoro. 23 Ro dyi ro si ni,nadyi ma si bl'oddi,furo chu bbubbu Ginri ma na ndru ka baba ma ndima thi na ndiri goti bbubbu lo na;dhonalo riku fu Ginri ma na ndru Baba ra di ne ri. 24 Ginri ku thi,ri jiri kedho ma na ndru ma kedho ndima thi na ndiri goti bbubbu lo na. 25 Isile pongueri kedho, machuri ngba Masia kasi ni(kechu le nzi Kristo): ngba kesi ro, keka ve kru ritsi dho kodho. 26 Yesu pongueri fule dho, machu ti lo nidho, mchu ku fuke. 27 Furo kegoti ra na kpa si ngue; kpa na nga keni ngue isile na kelo ti nari dho; ddichu ddichukpa le ma pongueri nza , nika addu ne? Inga ni ka addu ti fule na? 28 Furo isile bba ngue ndidza dda dhi cha, fule ra ngue fugaro abba, furo le ra ngue ri pondru dho. 29 Ani si ni nja ddiku na kpetsike,kechu po lo kru madji na ri tsi djo, ke ka ku Kristo nga? 30 Kpa ka vu bbakanaro , ndima ra kedhi nga na. 31 Ni fu o djini na ri kana, kegoti ra na kpa nzi ngue keni ndi mari po kedho ro,Rabbi anyonga. 32 Ddichu ke ngu ngue logoti kpa dho, madza nza nichu na nyo ku ni. 33 Furi goti kegoti ra na kpa ra ngue loti ndima kana, ddike ka mbae nyo ro maddi kedho? 34 Yesu pongueri kpa dho, madza nyo ku ngba cho ma na ke ji na lo dza nji, kedza nji dza sidha mana ddi> 35 Ni ka pori nza bi gu ma tho nyotsi tso dza njudha ka si dd'e? Aninjari, mapori nidho, ani ngbe ninyo aru,dhonari nyotsi dyu bblo nzagu, nja le nju nditso dd'e. 36 Nyotsi tsonju na ke ka ka ndi ba ndikobe ddingana choro nunu di na shinga na, njadd'e nyo zu nake ma, nyotsi tso gba na ke ma nji hwe ddinga dd'e. 37 Furi dho ile po na lo ku bubbu lo, ddikpa ke ri zuzu, ddikpa ke ritso gba nba. 38 Machoe ni bblo ni gba nyo tso nza ni njie nji ndidjo ro, nja kpa njie nji bblo ndirigoti ni tsu pa di nji kana. 39 Fubbagu biro biro kuna samaria na ndru ungue ke ngba fu isile pongue ndimadho na lo dho: ke po madho maenji na lo kru. 40 Samaria na ndru si ngue kedhingana, ndru nzi ngue ke nja ke di ndima kana,furi goti kpa di ngue fuga arocha. 41 Bbiro bbiro ku nandru ungue ke ke ti na lo djotsina. 42 Kpa ngu ri po fu isile dho i : ri nga ku ni pona lo dho chu kouri ri, ddidho kori ke kobi na ,ndirigoti ko churi chu ke kuKristo, dzdjo gudha ba. 43 Ngba ddo da aro nari goti, ke ra ngue fugaro Galilaya na bba gu. 44 Dhonari ke pongueri ndi ndiro, nebi dza madha ro ku nga ndimadhi bbagu. 45 Galilaya na ke si nanga na, fubbagu ndru ka ke ko blo pli bblo ke nji ngue Yerusalema bboddo na na nji djotsina. 46 Furi goti ke ki si ngue Kana na Galilaya na bbo bbagu,fuga chu ke le ngue dda nyithi ndi ngu vinyo. Pidza ddike ngue Kapernaumu na dhe ngu ndi dza a ngba nji ro. 47 Ngba ke ri ngueri Yesu si Yudea naro fuga Galilaya naro, kerangue kedhingana, furigoti ke nzi ngueri ketso ke gu addundi dhonari ke ngue dhe tsoro chuchu. 48 Yesu pongueri kedho i : njati ni nja ddikpa nja njani na lo ro nza ndi dhi ddu mana nzaro,ni nzi u kuri ri. 49 Pi dza bboke po ngueri kedho : Pi athu nza maddu d'e dhe go ro. 50 Ara,Yesu po ri kedho,adduni ku shi. Ndiri goti fu kpetsike u ngue Yesu po ndidho nalo thechu,nari goti ke ka ra ra. 51 Furo ni kengu thu ro,kedza nokpa kpari si ngue nju kena,bblo imba podha dho: Adduni ku shi. 52 Ke dhu ngueri kpatso ngba saa djoro chuka ke ba e gotha; ndirigoti kpa po ngue ri: Nzi saa arogbo na chu ke ro dhe goe thechu. 53 Le ba chungueri thechu ri ku ni fu saa nachu Yesu po ngueri ndidho : Adduni ku shi. Ndiro keka ri u,ndirigoti ke dza na ndru mana kru ddi. 54 Furi chu ku aro jaina Yesu nji ngue na dduYudea dhi bbaguro ndi ke si Galilaya na ro.