1 Njati rie Kristo na ni gae ddinga ri ro,ani ne aru ro si na lo kpala,fungana chu Kristo di Gindri dza tha djoro. 2 Ani ne aru ro si na lo kpala,Nzi ni li ni thi dzdjo lo ro. 3 Dhonalo ni cheni che,ndiri goti nidhi shinga runi Kristo na Gindri chulu. 4 Kristo ve dhoni,nidhi shinga ba ro,furo ni si dhoni ke mana ddinga kedza kadha na. 5 Ani che ni ro ro chelo na ni mba na funyi kpari kru : Zo ma,nza bbu tsetse na lo lenji nari ma,che ritsi tdyu ma,che ji ma,ritsi dza wanya ma,dra kpari dho ma le madha bbu nari mana. 6 Riku furi dza lodho chu Gindri dza thu si chi tsa tsa na dru djo ri. 7 Riku fundru kalu chu ni ngu bbi dr dr ri,go ningu di nidhi cheri na na cho na. 8 Kpadjo nga djoro,ani tuni kru ku na i ritsi kpari naro,thu lenji nari ma ka le nanga kani nari ma,che lethi sani nari ma furi chu si ni tso naro. 9 Ani bba nikalu ni nisha nari tso,ni klo aja ngue nake ni ro ro pblo ka dza nji ma na kru,furo kpadjo , 10 Ni tho u ku na ke niro,fuke chu si ni dhi ngana,chu ndi chu na lo na,ddiddi ndi le no Gindri ro ji na nari bbai. 11 Ko kana ngaku Griki ro maddi ri Bbayaudi ro ma ngaddi ri,kr le kr na le inga nza le kr na le ma nga ddi,rr chu na ndru ro maku ngaddi nzachu lo na dru ro maku ngaddi,nokpa ma ngaddi inga nga ku nokpa na le ma ngaddi;ro Kristo chu ku ngba nditso kaka lu ro. 12 Ddiddi,pblo le vu na Gindri dza ndru bbai,tse ndima tse ro pli le ji ndima ro,ani chi ni pbuso tso ji na,tsitda na,thu le lethu nari na,pbo le di nari na ndiri goti lotso vedha na. 13 Ani ve nitso ni kalu,njati ddikpale e lo na ndi lai djo ro,ani nji nizu ni kana.Ddiddi Kristo nji e nizu nari bbai,nima nji nizu fuchu ngu. 14 kru lo djolu ani jini ji nikana,furi chu ku Gindri na letso gbani ri. 15 Kristo dza pbo didha,furi dho chu ni nzi e ni nja nitso gbani ddi lendi na tde,di ni thi na,ani di fu lonyi chu kru dyiro. 16 Gindi dza lo di nithi na pipi;anidi longa ddi nidho nikaluani di loti ddi ni kana nyotdyu na,hwe dhi dyi ni ngo nari mana thi na ningo na dyi mana,ni ningu dyingo nidhi Gindri dho nithi na kedza zolo djo ni ngaddi ro. 17 Rie addu ma ninji ri ro,inga lo lu inga nji lu,ani nji furi Gindri dho ninji nari bbai,ni ningu ke ma kenji nidho na bblori djotsina ro. 18 Is ndru,ani djoni ni kpai dho,furi ku tho tho Bboke Gindri nyo nalo. 19 Dza bai,ani ji nidhi dhi ji,ndiri goti nzi ni nji njedha ka ndibbu kpa thidho na lo. 20 Nzo,ani rnga nidhi go dhi ndru dho kru lo lu,furi ku tho tho Gindri nyo na lo. 21 Nzo bai,nzi ni nji kadho nzo nga ka ndi kani na lo nzo ro,nzi kpa tdi ji ro. 22 Nji dhi ndru,ani djuni nidhi nji dhi bbo bbo kpadho kru ku na lo na,nga kpa nyodo dho ri ri,nja ni njani tdi ndrudho bblo tde,ro susu lethi na,Bboke Gindri do ninji ro. 23 Kru ninji na ritsi ani njiri nithi bblori na,ddiddi Gindri dho ni ri nji nari bbai nga ndru dho ri ri, 24 ni ni richu niko be ku Bboke Gindri dho ro.Ani nji nji Kristo dho,kechu ku kodhi Bboke. 25 Dhonalo nzi chu ku na lo nji nake djo le si nzi le ra lotdi choo nari dhe tdi,Gindri nzi ra di njonjo nga li ndidza ndru kana ri.