1 Ma ri ji,te te,ngbabu ma ma linji nidjo nari ni chu chu,ndiri goti Laodikia na ku na ndru mana,nza dd'e manyo djonga nja ma ndi ro maddi na ndru maddi. 2 Furo chu kpa thi nanga li zolo na,kpatso gbani ddi jidha na,ndiri goti kpa bini tundu li na nyodyu na nja ndima chu Gindri nji ndima djo na nji,Kristu chudha mana, 3 kru ku na aro nyodyu ma zd'djo nyodyu mana runi na na nji. 4 I lo ma po nidho nzi ddikpale ma sha ni ro le ka ndi le ni na pai pai ku na lona ro. 5 Dhonalo ma e nga ma ni na ddingana lendi ro ma ro,ma ku ni na thi na ddinga ni,ma na bbo hwe na ma ni kpe ninanga bblo pli nari nja,ndiri goti pli si si nari nidhi nzi leni le na udha Kristu na. 6 Fulodho,cha ni u e Yesu Kristu bl'o chana ro,ani bbi kena dhe. 7 Ddiddi ni titi le tsu e kena bbl'o ndiri goti le le shi e ke djo bbl'o,nzi leni na udha na,chana ddinga le ddi e nidho na cha lo ma,Gindri le ka le ma nari gu ve li li ni na nari mana. 8 Ani di gri nzi nikana ddikpale ro ma ngu nyodyu bbai ma sha sha bai mana dhi a le a na zaa ni ro,ndru bbu kpari dhi jadha ro ndima ndima dyu li ro,dz'djo mbe mbe kpari ro ma,Kristu ro le dyu e le nari djolu. 9 Dhonalo,ke na chu ku ka tso ka na aro rana ro si na bbubbu lo. 10 Nidho ritsi tso kaka ke na,dz'djo kpakpa nga ma bbobbo nga kpari djo pi ndiku ro. 11 Riku ke na chu le kri e ni nga le thokpa na ri ri,ro ni kri eni Kristu na,na furi ku lendi dza pai pai ku na lo kpari le bba ledhoro nari. 12 Ke na le d'ueni ddinga ubatizo chulu,furo ga ma ni ngu ga ddinga chu ke ma na,udha na Gindri dza kpakpa nga na,kechu ngbe ngue ke dhedhe na ndru kana ro. 13 Ndo bbl'o ni cheeni nidhi chenga dza lodho ro ndiri goti nza ni kr'ni nindi ro ro,kengu shinga ni na ndilu,zo ndi be nidjo idhi cheri djotsina ro. 14 Ke sa e ko le bbue na na lo kpari kru,fulo chu ngu kodz'sa,fulo kpari kru ke dri dri musalaba djo ndicho ni nari na; 15 Ke sa kpakpa nga ma bbobbo nga ma na dhi nji kpari kru,lala nga na ndi pu kpadhi nji kpari ro,furi goti ke gu ra si kpa djolu musalaba djo. 16 Nzi nibba ddikpale ma dd'i lo ro nidjo nga nyodha inga nga jodha dza lodjo ma,inga notsu(kar) dza lodjo ma,wo chuni na bi dza lodjo ma,inga sabato dd'o djo ma: 17 Furi kpari kru ngue go ka sisi na lo nji nji,ro le ndi ku Kristu dzari. 18 Nzi ddikpake ma,bba ndi ddi nari bbai ndi nji nari,ddima malaika dhi dra bbai ma ndi ritsi nji nari,thu ni nidho chana ni e dd'a na cha ngu ro ro,chi ndinyotso chini ro ndinji na furitsi kpari na ndiri goti ke gu nodha chu rr bbai ndi ndi dza nga ddidha kpari ndi ne nari na, 19 Fuke tso nzi ra gbani le djo dd'u na Bboke na ri,furo ke ro nga vi nari ku le djo chu ra le ndi tso tso ko lu,ri nguni bblo ma inga ri o kpakpa ma lendi na dr'djotsina ro,furi kru kpakpa nga ba Bboke Gindri dhoro. 20 Njati ni dhe e Kristu na dz'djo mbembe kpari naro ro,ka adduro,cha go ngue dz'da mbembe na na ndru bbai,ni ribba ndru di ripo ni ni godhe : 21 "Nzi dz'ri ! Nzi mbu ridz'! Nzi lo ri ronga! 22 Vi ka ndi u le gu vi na titi nga na lo ,ridhi fulo lechi utso ndru u ndima djo ndiri goti ndru dhi jadha kpari djo! 23 Didhikpa njani bblo dhe ku nakpa bbai,kpa ndima dhi dra ma ma bblo dhe so ndima nyodhe ro,nidhe ndima ngu si ndima ndi ronga djolu maddi ro,kpa tso ro chu ve kaka nza nganga kpa njinji ndima ndi dhi bblonga dho chu ddi.