Ridza bbombi 4

1 Nji dhi bbobbo pka, ani nji cho ku na ngba thonga na lo ni dhi nji dhi kpa dho,ni ni ri chu ro ni dhi Bboke ma ku rana ddi. 2 Ani tuni kpakpa nzidha na,ani nja nga Gindri dho nibbu na bbudha na bblo. 3 Ani nzi kodho maddi,ndiro chu Gindri klo kodho ndidza lo le ka le tdra na dzaitso tde,furo chu ma tdra Kristo dza ru runi na ngana ku na ilo bblo tde,fulodjo chu ndru chi ma be dza na, 4 ndiro chu ma tdra ri ndrudho ngba ma ka ma tdra ri nari bbai tde. 5 Ani bbi nyodyu na bbaidjo ndru kalu,ni niri chu ngatso tdu na ngaku chocho. 6 Nidhi lo tidha e ndina zolo na,ku bbai ndi mboni ro,furo chu ni chu ngba ma lengu logoti bblo kru drudho nari tde. 7 Tikiko,kodhi jidha dhi djona cho ra di Gindri dza nji nji nake,ma lai Gindri dza nji dhi ddike,si kru lo gu tdra nidho madjo ni. 8 Ma kecho nda nidhi ngana,ndiro chu nichu kodi na nalo tde,ndiri goti ke si ni iso pipi. 9 Ke ma macho Onesimu na,nzi leni le nake ndiri goti pli koji na kodhi djona,riku nidhi ddike ro.Ke si kru da ju lu na lo gu tdra nidho ni. 10 Aristarko,ddinga na koku mbidjo nake,mazu ni ronga ddi,Marko,Barnaba dza dhangba ma zo ni ronga ddi,njati ke si nibba ro ani ko ke bblo ngba ma poe nidho nari bbai; 11 Yusto,Yesu ro dho ndru mbe e ndiro ro,mazu niro nga ddi.fukpa kru chu ku nga le kr na ndru kana nja kpa ro,fukpa na chu konji e Gindri dza rana pidja dhi nji ddinga,ndiri goti kpa chu ra banni ma iso pidha dhi kpa ni. 12 Epapra, ni lai ddi ke, zu ni ronga :Yesu Kristo dza nji dhi ddike,ke nzi ji ro tdi nzdha na ni djo la dudha dho ri,furo chu kani tso ka tdu kpa kpa nga na ro,ni tuni kpri dju ni ni dju Gindri ji nari bbai ro. 13 I lo mapo nidho nga ro do ro fuke thi ro nzi ra ddo nidhi lodho ri di di Laodikia na ndru ndiri goti Hierapoli na ndru. 14 Luka,pli ma ji na ddawa ra di bbu nake,ma zu niro nga ddi 15 Ani zu Laodikia na ndru ronga madho,ndiri goti Nimfa na ndru maddi,ndiri goti adzalu ku na Kristo dza njule maddi. 16 I bbarua ni ve di zo na ngana,ani mburi ni zuri ro Laodekia na Gindri dza njule kana maddi,ndiri goti,ni nguLaodekia naro si nari ma zo ddi. 17 ani pori Arkipo dho i,ke dho Gindri dz nji ddiddi le ka le luri nari bbai,furo chu ri njini kedho ro bblo tde. 18 Ma zo nironga,ma Paulo,matho nganga na.Ani ddi maku mbitso nari ddi.Gindri dza zolo di ni kru na.