Ridza Bbombi 3

1 Anja ilo bblo,ngatso ve di tdu na ngana bi ku na lotso ka si o kpaka. 2 Ndru kpari ka si ndima ji ndima ro,ndru ka mbu ji bbo,ndru ka di ndima tdu tdu,nodha manji,ndru si loti Gindri djo tdi dhe, ndru nzi si ngar ndima dhi gu dhi ndrudho,ndru nzi di mbai ma po ddi ri,ndru di Gindri dza ritsi sasa. 3 Ndru thi si tdyu kpakpa,ndru nzi di nja ndru zo nji ri,ndru di nja ndru bbu kali na,ndru kudjo si o tsatsa,ndru tsi si sani sa ma,ndru si bblo ri nji na ndru ndro ndro, 4 ndru ka di ndima djoi bbu hwidha dho,ndu ka di chelo nji nga nyodjo do ro,ndrodha ka ndru chu rr bbai,ii ngu djo ritsi tdyu ka si ndru hwi Gindri djolu pli. 5 Ndima nyo djoro ndru di njani bbubbu thi pba Gindri ro na ndru bbai ro kpa chu ngue gu ndima gu Gindri dhoro si na fu kpakpa nga ro. A tu niro dzele fukpa ro ro 6 Fundru kana nja kpa ra di tsu dha,ndrudhi dza lu,nja ndima chi,sese dho udha ku na is ndru inga tse dho udha tso si tdu nandru,pblo cheri ngbu ndima djo ro,che kuna nyi dja tso kpari ndima tdu ndima djo ro, 7 ni ndima ngu nza bbu tsetse na longa ddi ndru dho ro,ddichu nzi ndima si bbu bbu lo ro ngbadyi ma ro. 8 Furi bbai chu Yanes ma,Yambre ma fukpa tugue ni Musa tsoro,furi bbai chu fundru tuni bbubbu lo ro,fuka thi na didha ngbuni ngbu,kpadhi udha na mana ro maku ngaddi. 9 Ro kpadhi lo ro nzi dhe ka si ra anzi ri;dhonari fu ndru ri si tchu nari utso si tdini kru ndrudho,aro ngue na fukpa dhiri bbai. 10 Ro ni,nidho le ddi e longa bbo,madha ma,manji na ritsi ma,madza udha ma,madza dju le ledju nari ma,madza jidha ma,madza tsitda ma, 11 madza nzadha Gindri djotsina ri ma nja nzadha kpari gu mana.Nza ma ba Antiokia na,Ikonia ma,Listra ma na ka e ngba nzadha?Nzatso ma ve Gindri djotsina nari ka e ngba nzadha?rochu madza Gindri gu ma furi naro kru. 12 Ro,ani chu i lo ngba ji ri ndima di choo Kristo na nandru dho ri ngani ndima nzani nza dhe. 13 Ro cheri dhi kpa ma shasha dhi kpa ma gu si cheri nji bbo ndiri goti kpa si ndru vi bbo,dru ndima vi nari na kpa gu chu si vi bbo 14 Ro ni,atuni kpakpa pblo ni ri e na cha lo naro,ngba nichu ndinyi ro,ndiri goti i e dhoro ma niko e ndi ro; 15 Nidza renga djoro dhe,ichu bbubbu lo,furi chu ka ndibbu nyotdyu nidza godha dho ndiri goti nidza udha dho Yesu Kristo na. 16 Kru ku na ndi ndini na lo ku tsetse na lo,ri ka ngba longa ddidha dho,ndru djolu le si na tde,ndru tso tso kodha dho,furi goti cho lo nga ddidha dho, 17 furo chu Gindri dza ke tso kaka ndiri goti ke tsetse kru ku na bblonji dho.