Ridza Bbombi 2

1 Ni madza ngba adju nironga Pi Yesu na ku na ngoi dho. 2 Nika d'e madza lo ro r ngba bi ku na nrudhi lo tidha kana,abburi cho tuni na kpets'kpa dho,ngba ka ndima d'iri ngaro nja nrudho ma d'i ri. 3 Anyo nzadha mana ddinga,ddiddi bblo ku na la dhike bbai. 4 Su jo ra nake nzi rz dz'djo lokpar na nditsu dha ri,ngba ndi ji ndinji funji na tsu ndi nake ji na lo ro. 5 Ndirigoti kpakpa nake nzi ra ndiko be ba,nza ndinjiri ddiddi rinz'e ndinji nake kori nari bbai ro ri. 6 Ringani ngabbi nake nji nji viro chu ke ve fu nzagu o na tsukpa kle. 7 Addi mapo nidho na lonanga bblo,dhonalo bboke ka si nyodyu bbu nidho kru ku na lokana. 8 Ano bboke Yesu nga,Daudi na go naro ndi si ro,bu nru kanaro ndi ga ro,ddidi ndidza kwe dhi loi pori ribbai; 9 ndidza lo jo chu ma nzani,ddiddi chepli ku na lo nji na ke bbai.Rochu Ginri dza lo ro chu suni ri. 10 Furi dza lodho ma kru ku na lo tsove vuvuni na nru dhi lodho,ndiro kpa maddi ba godha Yesu Pi na,choro nunu kadha mana. 11 Afuri ku bbubbu lo: Njati kodhe ddironga kena ro,ko ka si di shi ddironga ke na. 12 Njati ko di da kothi na ro,ko ka si pinyo kena ddironga,njati ko gu ke gu ro ke ma ka si ko gu gu chu. 13 Njati ko e chu nga ro,ke di chu,dhonalo ke nza ka ndi gu ndiro ndi ndiro ri. 14 Ano ilo nga,ni o ndima na Ginri nji ndiro kpa bba dda le ddani lekana budho naritso,ndiri chu ka ndibbu sa ka ndi sa le na lo ri r na nrudho. 15 Adju nironga nidho ni Ginri nji ddiddi ngba tso uni nake bbai,nzijo dopa na ke,ni ni bbubbu longaddi chu ri. 16 Agu ni nga ku cho nalo tidha naro narigoti ngaku udha dhi ri nalo ;dhonalo fudi na lo ra ti nakpa ka ndima ra ddo ro nz'nz' chelo na anz,ddiddi ngbamngba na kilonda bbai. 17 Fukpa kana chu ku Imeneo ma fileto mana, 18 nakpa le ndimatso bbubbu lo ro ro,gadha dhi ddo si na bl'o,ndirigoti kpa njanru dhi udha bu. 19 Furo machu,Ginri dza kpakpa ku nari dheri di runa,na fulo njinji ddiddi ji bbai: Pi chu ndidzari ku na nru chu,ndirigoti: Bboke ro dho ti na ie madho ringani ndib'o ndironga cheri ro. 20 Ddikpali bbo dza na, nga e or na lethi na nokpali ddima mbu na,rochu tsu na lethi nari ma dz'na ma;njari e e madha dhiri,njari ngadhi madha ro 21 ndiro njati ddike b'o ndironga bblo ro,ndi gu ndi furits' naro,fuke ka e ndidza madha naku na cha bbai,tse nditse ro ngba ka ndidza bboke ji nari bbai,ngba ka ndidza bboke ji nari bbai,ngba ndi tsetse kru ku na cho nji dhoro. 22 Anyi jadda kpa ro dyu e e nalo,ane bbubbu lo,udha,jidha,ngoi,mana,bblo ndima thina bboke ma na nru mana. 23 Agu rdha djo ku ts'dha ndirigoti pa pa ku na lo mana,ni nrichu furi radi gu bbu nru kana ro. 24 Rochu,rinza ka bboke dza nji dhi ke di guna nru na ri;kedho ringani ndi di bblo kru nru na,ndi tsetse longa ddidha kana,ngatso vedha na. 25 Ke ka ndi ti lo nyenyenga na ndima na ji ndima ddani na nrudho,ni ndiri ddi Ginri ka si kpa tsotsoko ndiro ndima leni furi ro ndima si bbubbu lo ro, 26 ndiri chu liri kpa si bbubbu ku na ddidha na,ndima si tuni godjo pi dza ndaro,nari chu ra ri ne kpanji ndidza jidha