1 Ma ka niro Bboke Gindri nji ndiri goti Yesu Kristo,fuke dho chu ringani ndi tdi lo shi ndru ma djo bu ndru mana,na fulo dho chu Bboke si dhoni nari dza pidja si njani nja, 2 a tdra Gindri dza lo ni ni tuni kpakpa ro,bblo ni ku na ngana inga che ni ku na ngana maddi adi ngu lodjo bi ina atdra lo kpakpa nga na dju nini dju ro,ndiri goti longa ni ddi ndru dho ro. 3 Dhonalo dyi ro si ni fudyi na nzi ndru si ku bbu bbu lo r ri,ndru si ku ri ne ndima r ndima tsotso ka ndiko na lo kpala,kpa si ku ndima dho ka ndima ddi lo na kpa ne ndima ro, 4 kpa si ndima bi tso le bbubbu lo ro ro,furi gotikpa si pba ngi kpari dhi lo ro. 5 Ro ni,adi che fu lo kpari nji,ave mbudha tso,anji Gindri dza lo tdra nake ka ndi nji na nji nga nga,atdya nidza nji tso bblo. 6 Nde kpadjo ma si mabbu Gindri dho,kedho le ra di bbu na mia ju bbai naga si pblo,ma si i dzdjoro na nga ku cho cho, 7 ma du bblo la,ma dya madza tda ma tda na ngutso pblo,ndiri goti ma pbo madza udha ronga maddi. 8 kpadjo nga djoro madza Gindri li madho bbu bbu nga dhi klo,Bboke,choo ra lotdi nake,siku ribbu madho fudyi,nga ma kpali ri,ro kru ngba u kedza ngudha na ndru maddi. 9 Amburi ni si tse madhi ngana; 10 Dhonalo Dema bba ma bba,kpadjo idz djo tsi na,ke ra Tesalonika na Kreske ra Galatia na,tito ngu ra Damaltia na. 11 Luka gu ma ddiro ma kuso.Adzi Marko,ndiri goti ni ke na maddhi ngana,dhonalo ke kaka manji na i Gindri dza njidho. 12 Tikiko ma cho e Efeso na. 13 Si ni si ro,asi maro koti na Karpo bba ma bbae ndi Troa na ro,furi goti nzi ni vi madho bbuku nga,ndiri goti nja ndi le ndie na ritsi pkari ma ddi. 14 Alexadre,nga ra di dju nake,njie ri ma ro che bbo.Bboke si furi be tso ngu kedho ni. 15 Ni maddi apbo nironga fuke ro bblo,dhonalo fuke tu e Gindri dza longa bbo kotso na. 16 Madza anji e na kpakpa lo kana,aie ma koe ma tsotso nza,ro kru ndru bba e ma bba ndima dhoro.Nzi Gindri zo fulo ro kpadjo ddikpa maddi! 17 Riku Gindri chu ko e ma tsotso ndiri goti kechu bbue kpakpa nga madho,furo chu lo le tdra nari si ma lu ndiri goti nza uri na ndru kru r ri tde.Ro ani churi chu ii ma le tue chumburu tsona ro. 18 Madza Gindri go ku ma kru ku na chelo kpari kana ro,furi goti ke go ku ma nja matsu rana bblo tdani na pidja na.Kadha ngu kedho choro nunu ngadho!Amina! 19 Azu Priska ma ronga Akila na madho,ndiri goti Onesifore dza dza na ndru maddi. 20 Erasto ma e Korito na,Trofiko chu ma bbae dhe na Mileto na. 21 Amburi ni si nza go gri dhi saa tde si ro.Ebulo,Pude,Lino,Klaudia,ndiri goti le djoi kru zo ni ronga gu zo. 22 Bboke Gindri di nina ddi ronga!Gindri ji kodho na ngi di nina.