9

1 Ginri dza tse tse na nokpa tsotso le ka le ko nari djo nzi mari ji mandi ngaki nidho viri. 2 Dhonalo, machu nari ku iri, nidhi chocho kru dyi ro ginri dza nji dho na furi madha bbu madho Makedonia na ndru nydjo, dhonalo Akaya thi ma choe icho lu ndirigoti nidhi kpak[anga kloe biku na ndru kpa kana ro. 3 Ma cho le djo ndiro chu nzi ko madha ba nidjotsina nalo si ma pa ro, ri ji ni di ngabb'odha na chuni, bblo ma poe nari bbai. 4 Ma nza jiri, njati Makedonia na njakpa ro si madjoti ma mba ro, kpa si niro nza ni dd'e nithi thi rori, dhonalo fulo si do po ma djo. 5 Fulo dho chu ma njae ri i ri ka le cho kodjoi njakpa ro nidhi nguna fuddo nji, fu kpa si nodhi bbudha thi thi thi, ri bb'onga, furo chu ridhoni bbubbu bbudha bbai, nga cha nga le nga na bbudha bbai riri. 6 Ani chu ilo, sese ieri na ke si tsi sese dhe, ndirigoti bbo ieri na ke si ri tsi bbo chu ngu. 7 Njake ddiro bburi ndidho ri bani nanga tsi ndirigoti ndithi dho nari bbai, ng njedha dhi le thi na nari ri inga nga le nga ndidho ro riri; dhonalo Ginri ji kwe na ri bbu na ke. 8 furo Ginri si ndidza zolo tso klo nidjo, njani ra anzi kru ku na lo kalu dd'e, ndirgoti kru ku na bblo nji chulu maddi, 9 Ngbari ndini nari bbai: Ke iri nga, kebburi njedha dhi ndru dho; ke dza bbubbu lo di nunu. 10 Nyotsi bbu nyotsi i na ke dhona na ke, ndiri goti, dzi bbu nyoni na ke, si ri bbu nidho nari goti ke si ni dhi nyo tsi ki ndrindri , ke si nidhi bblonji thi tsukpa ki ma ndri ddi. 11 Furo ni si e bbo bini na kpa kru ku nari tsi na ni nidi mala dhi ndru bbai ro, Ginri dho ni ngu madha ngu kedza nji dho ro. 12 Dhonalo ni nji na fu nji nzi Ginri dza tsetse na kpa tsotso kpala ko ri, ro ri ku biro biro madha bbu Ginri dho na nji titi. 13 Dhonalo fo ni nji na bbubbu nga kpa nja nari na, kpa Ginri ma nidhi ngaridha dza lo dho Kristo dza nji kana, ndiri goti nidhi chi le di nari dhi bbudha kpa ladjo ndirigoti kola djo maddi; 14 Kpa nzi nidho, dhonalo kpa ji ni ji Ginri dza zolo nzi tso dd'o nari Ginri nji nidho nari na. 15 Madha ngu kodhi Ginri dho ndi nji kodho na nzi tso vuni vu na nji djotsi na.