10

1 Ma Paulo mari nzi nitso, guna ma ma thu ro, ddingana djo ma ma djo nari na Kristo djotsi na, ma guna e ndi thu na ke ni kana mae nanga na, ndirigoti bbo dza kpakpanga ku na ke da ma ku ni kuso ro nanga na, 2 Mari nzi nitso, ma ve si nikuso ro, nzi ma si nga ro kpakpa nga ro ddima ndru djo ka ndi nyo pi le ndi na nari bbai furo chu ndru di madha bbu kodho plo ko nyo pi ndima djo ro. 3 njati ko di bbi le nd dza chu lu ro ko nzi la du ddiddi le ndi ji nari bbai ri. 4 Ko la du na naritsi ng ku le ndi dhadjo riri; ri ku bbo kpakpanga na, Ginri bbu ndi ro ko ddri na go dza kpakpanga dd'e. 5 Ko ddri nari ku ngasddidha kpari ma Ginri dza nyodyu djo ndi ngbe na aruna ku na kpakpanga kpari mana, furi goti ko kru kuna ngaddidhakpari ngu Kristo dza bbonga tsena. 6 Ko ka ka ko ddri kru ku na nzi djoni djo na ritsi kwe, kpo ni dhi djo le djoni Kristo dho na ritsi tso kaka na nga djo chu kpo. 7 Ni ka ni na nga nja plu ni a! njati ddikpale di ndi tso u ndiro ndikuna Kristo dza ke ro, ke ddi ilo nga ki ndi thi na vi, njati ri e bbubbu ke ku Kristo dza ke riro, ko ma ddi ko ma ngue Krito dza kpa chi ngu. 8 Ro njati ma di madha ro ba sese nu bboke Ginri bbue nari bbai ro furi ku nithi tudha dho nga nithi sadha dho riri, furi nzi do ro pa ma djo ri, 9 Nzi ma dhoni do li nithi na nake madza barua na ro. 10 Dhonalo, ndru a ri po ke dho barua ronga dyu tsatsa nari goti rina ku na lo kudjo o che, ro kee nina ddinga ro ke dju susu furigoti kedza lo ndru be pa. 11 Fulo ti na ke ddi ilo koku naa fo lo po kodjo nari bbai ndirigoti fo barua po kodjo nari bbai, nga koe ddingana ro furi bbai chu ko ku kodhi njiro, dding ko ku nanga na. 12 Ko nzi ji ko di ddiddi inga ko dd'i ko ro i ri po ndima ndi maro chu ku naa Kristo dza kpa na kpa ri. Ro kpa ddi ndima ndimaro nari goti kpa mbu ndima ndi ma ro, ndi dhi kpa dho nyodyu ro ma ku nga . 13 Ko, konzi ri ji koba madha koronga djolu ri, ro ko ka ko ba madha kodhi Ginri jieri koba na ngatsi dhe furi chu liri kosi kpo ni kuso dd'e. 14 Konzi da kotso ka e ndi dd'o na nga djolu da ri, cha nza ko dd'e si ni dhi ngana nari bbai; dhonalo, ri ku ni nganga kuso chu ko sie Kristo dza kweloi na ri. 15 Ko nzi koro dzi ngbe nga djolu nja ndru dhi nji djotsi nari; Ro ko di ngabbodha na i ko ri nja ro, nidhi udha di ndrini anzi ro, kosi madha ba ni dhoro kotso kae ndi dd'u na nga nganga na. 16 Furi goti ko ddra kwe dhi lo i nibba kuna na bba goti ro kuna bbagulu, nzi ko di ri ne koba madha nja dd'i ke tso kae ndi dd'u na nga lu ro ndirigoti plo thika thieni nalo lu ro. 17 Njati ddikpa le ji ndi ba madha ro ke ba madha bboke na dhe. 18 Dhonalo uso uni na ke nga ku ndindiro madha bbu ndidho nake ri, ri ku bboke utso nake ndirgoti ngbe ronga ke ngbe na ke.