11

1 Ki i!Gba ri ka ro ani ve madza i vi tso ve dhonari ritso ni ve ni ro! 2 dhonalo ma ku dda na nidjo richu ku Gindri ladjo manji na dda,ddidho nithie ni ddikpa ku na tseddekpa dho dhe,furo chu ma ve si ni pu Kristu nji nza ro dd'e gbani dd'i kpetsike na na singba bbai dd'e. 3 Chana,Eva su sha ngue nari bbai,mathi do nji nzi ni sa nidhi ngaddidha ndiri goti nzi nithi tuni lele Kristu djoro. 4 Fulodho,njati ddikpake si hwe dhi loi na nidhi ngana nja dd'i yesu rodho na ro inga ni ko nja dd'i bblothi ko drae na bblo thi roro ro,ddima dd'i hwe loi ko drae nari ro ro,furo ni ri nji bblo ni kotso ve nari na. 5 Ro,ma riddi mathi na i: Matso gu nza vuni bbo bbl'o nji ngue nji na chochokpa djolu pli ri. 6 Ri e nza ma machu lo tidha nga ri ro,ri ngaku nyodyu lu ri,furichu kodrae nikana pulupulu kru lo kalu. 7 Ddima,ma ka njie chenga thu ma thu ma nari na ndiro nichu ngu ngbeni ngbe dd'e,ngaro dz'ro ma e hwe loi dra nidho naridho ri. 8 Ma ne e nja njule nanga,ma tsotso kodha dhi ritsi ma ba ndima dhoro ro,nja na ma ko ni tsotso dd'e.Cha ma e nibba ro ri ma ma ri ddikpa ritsi ro ro,ma nzaji ie ma dz'furitsi ro ma ndidjo ddi ri. 9 Dhonalo Makedonia naro si na ma djoi si ma tsotso kodha dhi ritsi na kru.Ma bb'oe maronga kru ku na lo na nzi madi nithi ka ndinza nake ro,ndiri goti ma riki po i ma maronga gu bb'o bbo 10 Kristo dza bbubbu ku na lo di mana na lodho,ma ripo ngaro do roie ma ka nza ndi sa nadza madha fulu Akaya dhi ngu ladjo ro. 11 Rika ku addudho? Rika nza maji ni naridho?Gindri chu churi ngba! 12 Manji ni fu nari goti manjini fudhe,ndirochu ma tu lo ko ko lo ne nakpa djo naro dd'e,furo kpa ma ngu di ko bbai chu ndima madha bbu ndima dho na lo lu dd'e. 13 Fukpa kpri ku kali dhi Nebi,kali sha na nji dhikpa ndimari ndima bbe ndima ku naaro Kristu dza kpa 14 Furi nza ka ndi ke lenga ri,dhonalo go ma ngu ngue ndi kadha dhi malaika ddi. 15 Ri ngaku le nanga ka ndi ke na lori fukpa maddi ngu ngu nga ku chu na lodhi kpa.Kpadhi ngatso si dd'o ddiddi kpadhi nji bbai. 16 Ma ri ki po i,nzi ddikpale ma nja maro r;furi rnga na,ani ko ma ddikpa r bbai,furochu,ma ma ba sese madha no ro ddi dd'e. 17 Ma po na i lo,fo ngba ma ka ma ba na madha djo nari,nzi mapo Bboke poeri nari bbai,ro ri ma po ddikpa r bbai, 18 dhonalo bi kuna ndru madha ba dz dhadjo,ma mangu madha ro ba fuchu. 19 Ni ma a rr tso ve ddi,ni ngba ninyo dyuro. 20 Nokpa dhi nji nji nidho nake ma,a ji ndi a ni za nake ma,nidhi rits so nake ma,ni nyonga bb'i nake ma,fukpa kru tso ni a ve ve. 21 Madjo do pa i lo podha dho,ko dho e kodhi susunga dho.Furo ma,ngba ka ndi ba e madha na ke ba e madha ngbadhe,furi maddi mapo rr bbai,ma mangu madza madha baba chu! 22 Kpa e Ebere na kpa maro?Ma mangue fuchu ngu.Kpa e Israeli maro?Ma ma ku fuchu kpa e Abrahamu na go maro?Ma ma ngue fuchu ngu. 23 Kpa e Kristu dza nji dhikpa ro?I lo ma ti ddiddi rrchu nake bbai.Magu chu ku Kristu dzake pli kpa djolu: Ri e nji na maro,ma da kpa da dhe;ri e tsu na ma le ledhi ri ro,ma da kpa da dhe,mbidjo leka letsu nari maro,fugachu magu ve da hwi kpadjolu.Bi jaina ma tsetse dhero, 24 Wayuda dhoro mbo jaina maba e tsu dre-denga tho djonga ro le tu ddi ina, 25 gbo jaina ndru dhi ema tsu tsatsa na,ddijaina ndru bu ema djuna,gbo djaina bbu nanga kleni,dyina nga ddi,kuna nga ddi ma ddo e bbuna. 26 Bi djaina mabbi nanga lu ma tsetse dda na ma dd'e nari ro,gbudhi kpa dhoro le ka le tse na lo ma,ndru bbu kpar dhoro le ka le ba na lo,nza u Yesu na ndru dhoro le ka le ba na lo ma,bbobbo bbagu le ka le tse nalo ma,ngodja na le ka le ba na lo kpar ma,bbobbo dda na leka le dd'e nari ma,chetsi sani na ledjoi kalu le bbi nari ma. 27 Ma ngue kpakpanji kana,kere dho le ddo na nji kpar kana,u lehwi nari ma ddadyu ma,bidjaina le nyochi nari kpar ma,grr ma ngaro le di nari mana. 28 Nza ma zo nja rits kpar gu zo ro,ma thi ro nzi a di bb'o Gindri dza njutso njuni na njule dhi dd'oddo dhori. 29 Ie ka ku soso,nzi mangu ngu soso fule bbai ro?Ie thi ka buni,nzi kaz gu ta mathi ro ro. 30 Njati ri e madha le ji le ba ri ro,ri ku madza sosonga djotsina chu ma ra madha bari. 31 Gindri,kodhi Pi Yesu Kristu dza Baba,nunu ndiro nga leni ro,churi chu ma nzi kali sha ri! 32 Damasiki na,pidja Areta dho ddo bboke ngu da Damaseke na ndru dhi bba ronga bb'o,kengu ma rrundi lu ma dd'e. 33 Furo ndru thu ngue ma dza nyoi lu,ddikpa dyo na,dzaikpa rolu ndima mathu ro,nari goti ma plani kpa dhothiro ddi ina